Seiberdroseddu a Therfysgaeth, MA

Gallwch ddewis o blith amrywiaeth eang o fodiwlau sydd ar gael yn Ysgol y Gwyddorau Cymdeithasol a'r Dyniaethau a chewch y cyfle i arbenigo mewn meysydd seiberdroseddu a/neu derfysgaeth ar-lein penodol drwy draethawd hir.

Os ydych yn frwd ynghylch trechu seiberdrosedd a therfysgaeth, rydym am glywed gennych! 

Bydd y rhaglen o ddiddordeb i'r rheini â diddordeb mewn seiberdrosedd a seiberddiogelwch yn fwy cyffredinol, yn ogystal â'r rheini sy'n awyddus i astudio terfysgaeth fel arbenigedd. Bydd yn ddefnyddiol i fyfyrwyr sydd wedi gwneud gradd israddedig mewn unrhyw beth o droseddeg neu'r gyfraith, i gyfrifiadureg a seicoleg, ac sy'n awyddus i arbenigo yn y maes pwysig hwn. Byddai croeso hefyd i fyfyrwyr parhaus, aeddfed, rhyngwladol a rhan amser ymuno â'r rhaglen astudio hon.

Yn ddelfrydol, bydd gennych radd israddedig 2:1 mewn troseddeg a chyfiawnder troseddol neu ddisgyblaeth gysylltiedig h.y. Polisi Cymdeithasol, y Gyfraith, Seicoleg, Cymdeithaseg a Gwleidyddiaeth (mae croeso hefyd i raddedigion y Celfyddydau a’r Dyniaethau y mae eu graddau wedi canolbwyntio ar gyfiawnder cymdeithasol neu gymunedol wneud cais hefyd). Gall ymgeiswyr â 2:2 neu brofiad gwaith proffesiynol perthnasol hefyd gael eu hystyried.

Os nad Saesneg yw eich iaith gyntaf bydd angen marc llwyddo derbyniol mewn cymhwyster Saesneg cymeradwy arnoch. Rydym yn ystyried amrywiaeth eang o gymwysterau, gan gynnwys Prawf Saesneg Prifysgol Abertawe, prawf IELTS y Cyngor Prydeinig (gyda sgôr o 6.5 a 6.0 o leiaf ym mhob elfen) a TOEFL (gyda sgôr o 88 o leiaf ac o leiaf Gwrando: 21, Darllen: 22, Siarad: 23, Ysgrifennu: 21).

Ar y Campws yn Fyw

• Sesiynau Wythnosol – Caiff sesiynau arddull seminar eu recordio i wella’ch dysgu gartref
• Cyfarfodydd tiwtor personol
• Darlithoedd gwadd (ar y campws gyda ffrydiau byw gan randdeiliaid)

Hunangyfeiriedig ar y campws

• Darllen dan arweiniad
• Paratoi darlith
• Paratoi seminar
• Ac efallai, bydd yn cynnwys:
  Cwisiau
  Cwestiynau hunan brofi

Hunangyfeiriedig ar-lein

• Recordiadau o ddarlithoedd
• Ac efallai, bydd yn cynnwys:
  Blogiau
  Blogiau fideo
  Cwisiau
  Cwestiynau hunan brofi

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Mae ein graddau ôl-raddedig yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog. Mae Ysgol y Gwyddorau Cymdeithasol yn gartref i gymuned academaidd fywiog sy'n awyddus i ddeall rhai o faterion mwyaf heriol cymdeithas. Mae'r MA hefyd yn elwa o addysgu ar draws y Gyfadran gan gynnwys staff o’r adran Droseddeg.

Gallwch gael gwybod mwy am ein harbenigedd academaidd ar ein tudalennau staff ac ar wefan CYTREC.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Ysgoloriaethau a Bwrsariaethau Ysgol y Gwyddorau Cymdeithasol

Mae'r Ysgol y Gwyddorau Cymdeithasol hefyd yn cynnig Hysgoloriaethau Hyrwyddo'r Dyfodol ar gyfer myfyrwyr ôl-raddedig (a addysgir) sydd wedi derbyn cynnig i astudio yn yr Ysgol y Gwyddorau Cymdeithasol. 

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cyflogadwyedd yn Ysgol y Gwyddorau Cymdeithasol

Mae'r rhaglen yn cefnogi uchelgeisiau datblygiad gyrfa a chyflogadwyedd myfyrwyr sy'n bwriadu dilyn gyrfa yn y meysydd canlynol:

Y sector cyhoeddus

Bydd graddedigion y rhaglen yn meddu ar y wybodaeth, y ddealltwriaeth a'r sgiliau sy'n berthnasol i'r gyfraith a datblygu polisi, gweithredu rhaglennol, camau gweithredu gan y llywodraeth (a diwydiant) drwy reoleiddio, trefnu a darparu gwasanaethau cyhoeddus. Mae cyrchfannau posibl i raddedigion yn cynnwys y canlynol:

Y gwasanaeth sifil, llywodraeth ranbarthol, genedlaethol ac is-genedlaethol, awdurdodau lleol a chyrff cyhoeddus eraill a gwaith cynghori gwleidyddol a pholisi.

Y sector preifat

Bydd graddedigion y rhaglen yn barod i weithio i gwmnïau'r cyfryngau cymdeithasol yn ogystal ag amrywiaeth o fusnesau byd-eang sy'n ymgymryd â gwaith yn y seiberofod.

Y sector anllywodraethol

Mae asiantaethau anllywodraethol yn rhanddeiliaid sefydledig ym maes seiberddiogelwch a gwrthderfysgaeth. Mae eiriolaeth a lobïo am bolisïau, ymgyrchoedd ac ymyriadau rheng flaen oll yn agweddau ar y sector anllywodraethol ar lefel fyd-eang, ranbarthol, cenedlaethol a lleol. Bydd graddedigion y rhaglen yn meddu ar y wybodaeth, y ddealltwriaeth a'r sgiliau sy'n berthnasol i ehangder y gwaith a wneir gan y sector anllywodraethol wrth drechu seiberdrosedd a therfysgaeth. Mae cyrchfannau posibl i raddedigion yn cynnwys y canlynol:

sefydliadau anllywodraethol rhyngwladol; sefydliadau anllywodraethol ar lefel ranbarthol neu leol (mae'r sector yn helaeth ac yn cynnig marchnad sylweddol i raddedigion).

Ymchwil ac academia

Mae gwaith ymchwil i seiberdrosedd a therfysgaeth ar-lein yn bryder cynyddol i'r byd academaidd. Bydd myfyrwyr sy'n graddio o'r rhaglen yn chwarae rhan flaenllaw wrth ymdrin â'r materion hyn yn fyd-eang, yn rhanbarthol ac yn genedlaethol. Yn ogystal â'r potensial i barhau i astudio ar lefel PhD, bydd graddedigion yn meddu ar y wybodaeth, y ddealltwriaeth a'r sgiliau sy'n berthnasol i addysgu a gwaith ymchwil yn y maes. Mae cyrchfannau posibl i raddedigion yn cynnwys y canlynol:

Gorfodi'r gyfraith, 'melinau trafod' polisi a sefydliadau addysg uwch.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth Academaidd yn Ysgol y Gwyddorau Cymdeithasol

Mae pob myfyriwr yn cael tiwtor personol i helpu gyda'r canlynol:

• Arweiniad Academaidd
• Cynllunio Datblygiad Personol
• Cyngor ar Gyflogadwyedd

Mae gan yr Ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Cymdeithasau i Fyfyrwyr

Dewch i gyfarfod â'ch cyd-fyfyrwyr a chymryd rhan mewn amrywiaeth o gyfleoedd cymdeithasol drwy ymuno â Chymdeithas Droseddeg Abertawe neu'r Gymdeithas Ymchwil i Ôl-raddedigion, a gaiff eu rhedeg i fyfyrwyr, gan fyfyrwyr.

Cwrdd â'n Graddedigion

Gallwch glywed hefyd gan ein graddedigion drwy fynd i dudalen astudiaethau achos ein MA Seiberdroseddu a Therfysgaeth.

Manylion Cyswllt

Cyflwyno ymholiad Ôl-raddedig

Derbyn myfyrwyr rhyngwladol

Mae fersiwn ran-amser y rhaglen hon yn cael ei chwblhau dros gyfnod o ddwy flynedd.

Mae’r rhaglen yn hyblyg i raddau helaeth, ond mae’n dilyn y strwythur isod:

Blwyddyn Un

Bydd un modiwl yn cael ei gwblhau mewn un tymor, a bydd dau fodiwl yn cael eu cwblhau mewn tymor arall.

Blwyddyn Dau

Bydd un modiwl yn cael ei gwblhau mewn un tymor, a bydd dau fodiwl yn cael eu cwblhau mewn tymor arall, yn ogystal â’r traethawd hir.