Ffisioleg Ymarfer Corff Glinigol, MSc

Ymgeisio

Manylion Allweddol y Cwrs

Dull Astudio: Ar y Campws
Cynnig Nodweddiadol (gweler dewisiadau arall): 2:1
Lleoliad: Campws Bae

Dyddiad Dechrau	Ffioedd Dysgu
Med 2026	£ 11,100

MSc 1 Blynedd Llawn Amser

Dull Astudio: Ar y Campws
Cynnig Nodweddiadol: 2:1 - Gwybodaeth Rhagor
Lleoliad: Campws Bae

Dyddiad Dechrau	Ffioedd Dysgu
Med 2026	£ 19,900

Trosolwg o'r Cwrs

Ni fu amser mwy cyffrous i astudio MSc mewn Ffisioleg Ymarfer Corff Glinigol. Wrth i faich cyflyrau hirdymor sy'n ymwneud ag anweithgarwch corfforol roi straen cynyddol ar y GIG a darparwyr gofal iechyd eraill, mae'r galw am raddedigion â sgiliau mewn gwyddor ymarfer corff a ffisioleg glinigol yn cynyddu.

Bydd y cwrs meistr amser llawn hwn, sy'n para blwyddyn, yn eich galluogi i feithrin yr wybodaeth a'r ddealltwriaeth hollbwysig sy'n deillio o ymchwil, ynghyd â'r amrywiaeth eang o sgiliau cymhwysol ac ymarferol y bydd eu hangen i weithio gyda chleifion i optimeiddio iechyd, gweithrediad corfforol ac ansawdd bywyd drwy weithgarwch corfforol ac ymarfer corff.

Bydd gan yr MSc bwyslais ymarferol cryf a bydd yn datblygu eich cymwyseddau ymarferol mewn amrywiaeth eang o fesuriadau ffisiolegol a ffenoteipaidd sy'n ymwneud â ffisioleg ymarfer corff glinigol. Drwy gydol y rhaglen, byddwch yn dysgu sut i gynllunio, cynnal a dehongli amrywiaeth o asesiadau iechyd a ffitrwydd sy'n benodol i glefydau, yn ogystal â chynllunio a darparu ymyriadau gweithgarwch corfforol ac ymarfer corff sy'n seiliedig ar dystiolaeth, ac yn cefnogi cleifion i hyrwyddo newid ystyrlon yn eu hymddygiad, er mwyn optimeiddio'r broses o atal a thrin amrywiaeth o gyflyrau iechyd cymhleth a'u rheoli yn y tymor hir.

Byddwch chi hefyd yn cwblhau modiwl lleoliad gwaith clinigol i ennill profiad pwysig a oruchwylir wrth gymhwyso eich sgiliau mewn lleoliadau go iawn.

Pam Ffisioleg Ymarfer Corff Glinigol yn Abertawe?

Mae Ffisioleg Ymarfer Corff Glinigol yn arbenigedd hanfodol sy'n tyfu'n gyflym yn y DU a ledled y byd. Gyda disgwyliad oes hwy ceir mwy o risg o gyflyrau iechyd cronig. A chyda phoblogaeth gynyddol sy'n heneiddio, mae'r GIG a darparwyr gofal iechyd eraill dan straen cynyddol, a byddant yn parhau i fod felly, oherwydd baich rheoli'r cyflyrau iechyd hirdymor hyn. Fel rhan o'r strategaeth i ymateb i’r her hon, cafwyd cydnabyddiaeth gynyddol o bwysigrwydd y rôl y gall Ffisiolegwyr Ymarfer Corff Clinigol medrus ei chwarae fel rhan o dîm gofal iechyd amlddisgyblaethol, gan addo rhagolygon cryf ar gyfer graddedigion y rhaglen hon.

Gall Ffisiolegwyr Ymarfer Corff Clinigol weithio ar draws ystod eang o boblogaethau clefydau cronig, lle gall ymyriadau ymarfer corff leihau'r risg o glefyd a chynnig canlyniadau iechyd cadarnhaol, gwella ansawdd bywyd, a lleihau costau gofal iechyd cyffredinol, gan eich rhoi chi ar flaen y gad o ran datblygiad cyffrous mewn darpariaeth gofal iechyd, sy'n gallu gwneud gwahaniaeth go iawn i fywydau pobl.

Mae Ffisioleg Ymarfer Corff Glinigol bellach yn cael ei chydnabod fel proffesiwn gofal iechyd achrededig ac mae llwybrau cyflogaeth ffurfiol wedi cael eu datblygu gydag amryw o ddisgyblaethau, megis adsefydlu cardiaidd. Felly, mae galw cynyddol am raddedigion â sgiliau mewn Ffisioleg Ymarfer Corff Glinigol, ac mae hyn yn debygol o dyfu dros y blynyddoedd nesaf.

Y radd MSc hon mewn Ffisioleg Ymarfer Corff Glinigol ym Mhrifysgol Abertawe yw'r gyntaf o'i bath yng Nghymru. Byddwch yn cael eich addysgu gan ymchwilwyr o fri rhyngwladol mewn gwyddor ymarfer corff glinigol, ffisioleg ymarfer corff, gweithgarwch corfforol ac iechyd a newid mewn ymddygiad. Bydd gan y cwrs bwyslais ymarferol cryf a byddwch chi'n treulio llawer o'ch amser yn ein labordai ffisioleg ymarfer corff o'r radd flaenaf ar Gampws y Bae, sy'n cynnwys amrywiaeth o gyfarpar arbenigol, gan gynnwys ergomedrau ymarfer corff gwahanol (beicio, beicio gorweddol, melinau traed etc.), certi metabolaidd ar-lein gyda pheiriant ECG 12 gwifren, cyfarpar profi gweithrediad cyhyrau, uwchsain fasgwlaidd a sganiwr DEXA, cyfarpar ar gyfer asesu gweithrediad yr ysgyfaint, a chyfleusterau i gasglu a dadansoddi samplau gwaed gwythiennol o gapilarïau ar gyfer biofarcwyr amrywiol.

Mae ein rhaglenni Gwyddor Chwaraeon ac Ymarfer Corff yn y safleoedd canlynol:

Ymysg yr 20 rhaglen orau o’u bath yn y DU am Ansawdd Ymchwil (Complete University Guide 2025)
Ymysg y 51-100 o raglenni gorau o'u bath yn y byd (Tabl Prifysgolion y Byd QS 2024), ac mae
100% o effaith ein gwaith ymchwil% yn rhagorol yn rhyngwladol ac yn arwain y ffordd yn fyd-eang.

Eich Profiad Ffisioleg Ymarfer Corff Glinigol

Ein nod trosgynnol yw datblygu gweithwyr ymarfer corff proffesiynol hynod fedrus sy'n gallu gweithio'n ddiogel ac yn effeithiol mewn tîm gofal iechyd amlddisgyblaethol i wella iechyd a lles mewn poblogaethau clinigol.

I gyflawni hyn, bydd ein cwrs MSc yn rhoi dealltwriaeth ddamcaniaethol gyfannol o glefydau cronig amrywiol i chi a'r egwyddorion sy'n sail i ragnodi profion ymarfer corff diogel ac effeithiol a gweithgarwch corfforol a/neu ymyriadau ymarfer corff wrth reoli'r cyflyrau hyn.

Ochr yn ochr â'r sail ddamcaniaethol bwysig hon, mae ein cwrs wedi cael ei ddatblygu â ffocws mawr ar yr ymarferol a'r cymhwysol, lle byddwch yn cael eich grymuso i weithio tuag at gymhwysedd yn yr ystod eang o sgiliau ymarferol y bydd eu hangen arnoch i ddylunio, rhagnodi a chyflwyno gweithgarwch corfforol ac ymyriadau ymarfer corff personol sy'n seiliedig ar dystiolaeth ac sydd wedi'u teilwra i statws iechyd unigol, galluoedd gweithredol ac achosion clefydau.

Rhan allweddol o'r cwrs hwn fydd y cyfleoedd dysgu yn y gweithle a gyflwynir drwy leoliad gyda Chynllun Cenedlaethol Cymru i Atgyfeirio Cleifion i Wneud Ymarfer Corff (NERS). Bydd hyn yn sicrhau eich bod yn gallu datblygu eich sgiliau clinigol a rhyngbersonol yn y byd go iawn a chael llu o gyfleoedd i roi damcaniaeth ar waith.

Mae'r tîm addysgu ar gyfer y cwrs hwn i gyd yn cynnal gwaith ymchwil ac mae’r rhaglen gyfan yn cael ei llywio gan ymchwil.

Ar ddechrau'r rhaglen, byddwch yn cael Tiwtor Personol y byddwch yn cwrdd ag ef bob pythefnos (gyda chyfarfodydd unigol ar gael ar gais). Mae gan y cyfarfodydd Tiwtor Personol hyn rôl hynod bwysig gan sicrhau y gallwch chi drafod eich dysgu a'ch aseiniadau mewn lleoliad cartrefol ac anffurfiol. Ein nod yw i chi ddatblygu perthnasoedd cryf â staff y gallwch droi atynt os oes angen cymorth neu arweiniad pellach arnoch.

Cyfleoedd Cyflogaeth Ffisioleg Ymarfer Corff Glinigol

Bydd y cwrs MSc hwn yn meithrin yr wybodaeth a'r sgiliau y bydd eu hangen arnoch i gael gyrfa lwyddiannus yn gweithio fel Ffisiolegydd Ymarfer Corff Clinigol mewn amrywiaeth o leoliadau gofal iechyd a/neu ymchwil. Mae'n debygol y bydd llawer o raddedigion yn mynd ymlaen i ddefnyddio eu sgiliau ar draws amrywiaeth o leoliadau gofal iechyd gan gynnwys:

Gofal sylfaenol ac eilaidd,
Lleoliadau (Cyn) Adsefydlu
Ysbytai preifat
Clinigau cyhoeddus neu breifat a gwasanaethau hamdden
Gwasanaethau meddygol amddiffyn

Mae llwybrau cyflogaeth posib eraill yn cynnwys gweithio fel ymgynghorwyr polisi iechyd cyhoeddus, iechyd ac adsefydlu yn y gweithle, a rolau ymchwil neu academaidd.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Eich Addysgu

Arweinir dulliau dysgu ac addysgu'r rhaglen drwy ymchwil, a lywir gan ymarfer clinigol cyfoes, â phwyslais ymarferol cryf, er mwyn eich paratoi ar gyfer cyflogaeth ar lefel raddedig fel ffisiolegydd ymarfer corff mewn lleoliad clinigol a/neu ofal iechyd.

Bydd y dulliau addysgu'n cynnwys darlithoedd, dosbarthiadau ymarferol mewn labordy, seminarau a thiwtorialau mewn grwpiau bach, e-ddysgu, astudio annibynnol cyfeiriedig a modiwl lleoliad clinigol.

Mae’r dulliau asesu'n cynnwys defnyddio portffolio sgiliau ymarferol, astudiaethau achos, asesiadau ymarferol dilys byw, cyflwyniadau llafar unigol a chyfarfodydd viva i amddiffyn eich traethawd hir, adolygiadau ymchwil beirniadol a thraethodau myfyriol beirniadol.

Bydd cyfleoedd dysgu ychwanegol ar gael, yn bennaf ar ffurf seminarau ymchwil rheolaidd. Byddwn hefyd yn cynnwys sesiynau addysgu gwadd gydag ymchwilwyr, clinigwyr ac ymarferwyr ymarfer corff clinigol achrededig mewn modiwlau lle bo'n berthnasol.

Yn ogystal â modiwlau a addysgir, byddwch yn ymgymryd â modiwl lleoliad gwaith clinigol, a fydd yn rhoi profiadau hyfforddi yn y byd go iawn i chi mewn amgylchedd clinigol.

Cynhelir lleoliadau gwaith ar y rhaglen hon drwy Gynllun Cenedlaethol Cymru i Atgyfeirio Cleifion i Wneud Ymarfer Corff (NERS). Rhaglen atal a rheoli cyflyrau cronig yw NERS sy'n ceisio gwella iechyd a lles oedolion anweithgar ac eisteddog sydd mewn perygl o ddatblygu cyflwr cronig neu sy'n meddu ar un ar hyn o bryd. Mae'n cynnig rhaglen 16 wythnos o weithgarwch corfforol i unigolion sy'n cael eu hatgyfeirio gan weithwyr iechyd proffesiynol y GIG, gan ddefnyddio technegau newid ymddygiad i ymgorffori arferion gweithgarwch corfforol cadarnhaol. Felly, mae diben a rôl NERS yn cyd-fynd i raddau helaeth ag amcanion dysgu'r radd MSc mewn Ffisioleg Ymarfer Corff Glinigol.

Bydd amgylchedd dysgu rhithwir ar gyfer y rhaglen hon ar ffurf safle HYB Canvas a fydd yn cynnwys gwybodaeth am asesiadau, cyflwyniadau ac arholiadau’r cwrs, arweiniad gan y Tîm Cymorth Myfyrwyr, a gwybodaeth sy'n berthnasol i astudiaethau ôl-raddedig yma yn Abertawe.

Darpariaeth Gymraeg

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Cwrdd â'ch Darlithwyr

Byddwch chi’n cael eich addysgu gan ddarlithwyr o'r radd flaenaf sy'n ymchwilwyr blaenllaw mewn Gwyddor Ymarfer Corff Glinigol, Ffisioleg Ymarfer Corff, Gweithgarwch Corfforol ac Iechyd neu Newid Ymddygiad, gan gynnwys:

Ffioedd Dysgu

Dyddiad Dechrau	D.U.	Rhyngwladol
Medi 2025	£ 10,550	£ 18,950
Medi 2026	£ 11,100	£ 19,900

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae'n bosib y byddwch chi’n gymwys i dderbyn cyllid i helpu i gefnogi'ch astudiaethau.

Os ydych yn fyfyriwr o'r DU neu'r UE sy'n dechrau cwrs meistr ym Mhrifysgol Abertawe, mae'n bosibl y byddwch yn gymwys i wneud cais am gyllid gan y Llywodraeth i helpu tuag at gostau eich astudiaethau. Am ragor o wybodaeth, ewch i'n tudalen benthyciadau ôl-raddedig.

I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Mae Academi Hywel Teifi ym Mhrifysgol Abertawe a'r Coleg Cymraeg Cenedlaethol yn cynnig nifer o ysgoloriaethau a bwrsariaethau hael i fyfyrwyr sy'n dymuno astudio drwy gyfrwng y Gymraeg neu'n ddwyieithog. Am ragor o wybodaeth am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Bydd rhaid i chi feddu ar eich dyfais ddigidol/cyfarpar TG eich hun yn ystod eich cyfnod yn astudio ym Mhrifysgol Abertawe. Mae'n hanfodol bod gennych wifi yn eich llety hefyd i'ch galluogi i gyfranogi'n llawn yn eich rhaglen. Ewch i'n tudalennau gwe pwrpasol am ragor o gyngor ar ddyfeisiau addas i'w prynu, ac am ganllaw llawn i baratoi eich dyfais.

Efallai y byddwch yn wynebu costau ychwanegol yn ystod eich amser yn y Brifysgol, gan gynnwys y canlynol:

Teithio i'r campws ac oddi yno
Costau argraffu, llungopïo, rhwymo, nwyddau swyddfa a chyfarpar (e.e. cof bach)
Prynu llyfrau neu destunau

Gŵn ar gyfer seremonïau graddio

Gyrfaoedd a Chyflogadwyedd

Mae'r Tîm Gyrfaoedd a Chyflogadwyedd yn cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Ar ôl graddio o Brifysgol Abertawe, gallwch gael mynediad at gymorth gydol oes ynghylch gyrfaoedd a chyflogadwyedd.

Bydd Academi Cyflogadwyedd Abertawe (SEA) yn eich cefnogi ar bob cam o’ch taith yrfa ac yn eich helpu i greu dyfodol disglair.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd cymwysedig proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad at adnoddau gwybodaeth am amrywiaeth eang o bynciau rheoli gyrfa
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr.

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at ddwy flynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Yn ogystal â chymorth pwnc penodol gan staff addysgu'r Coleg a'ch tiwtor personol, mae'r Ganolfan Llwyddiant Academaidd yn cynnig cyrsiau, gweithdai a chymorth unigol mewn meysydd megis:

Ysgrifennu academaidd
Mathemateg ac ystadegau
Meddwl yn feirniadol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, cof ac arholiadau
Sgiliau iaith Saesneg (os nad Saesneg yw eich mamiaith).

Yn ogystal, os oes gennych Anabledd Dysgu Penodol (SpLD), anabledd, cyflwr iechyd meddwl neu feddygol, mae gan y Ganolfan Llwyddiant Academaidd Diwtoriaid Arbenigol i gefnogi eich dysgu, ac mae'n gweithio ochr yn ochr â'r Swyddfa Anabledd a'r Gwasanaeth Lles i gefnogi'ch holl anghenion a'ch gofynion wrth astudio ym Mhrifysgol Abertawe.

Sut i Wneud Cais

Cyflwynwch gais drwy system ymgeisio y Brifysgol.

Am ragor o arweiniad, ewch i'n tudalennau ‘sut i gyflwyno cais am astudiaethau ôl-raddedig’.

Myfyrwyr o'r Undeb Ewropeaidd – mae gwybodaeth am fisâu a mewnfudo ar gael ar ein tudalen gwybodaeth i fyfyrwyr o'r UE a chaiff ei diweddaru’n rheolaidd.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.