Digwyddiadau ac Archebu

10:00yb-10:45yb - Oriel Warws

Ystod Oedran: Perffaith ar gyfer plant 9+

Ymunwch â Catherine Barr wrth iddi eich tywys drwy straeon gwir anhygoel teigrod Gwarchodfa Teigrod Panna.

Wedi ymgyrchu dros Greenpeace ers blynyddoedd, mae Catherine Barr yn newyddiadurwr hyfforddedig a ddaeth yn olygydd yn yr Amgueddfa Hanes Naturiol. Mae Catherine yn ysgrifennu llyfrau ffeithiol sydd â'r nod o ysbrydoli plant i archwilio byd natur, ei ddeall a gweithredu i'w warchod. Mae Catherine yn awdur 35 o lyfrau. Mae hi'n Noddwr Darllen balch i ysgol leol ac yn ymweld ag ysgolion ledled y wlad i gynnal gweithdai wedi'u hysbrydoli gan y materion sy'n cael eu harchwilio yn ei llyfrau.

*Sylwer: Cyflwynwyd y digwyddiad yn Saesneg

11:15yb-12:00yp - Oriel Warws

Amrediad oedran: Yn berffaith i blant oedran ysgol gynradd

Byddwch yn barod am fore llawn barddoniaeth am fferins jeli sydd wedi’u hanghofio a synfyfyrdodau disglair gyda Bardd Plant Cymru, Alex Wharton.

Gan gynnwys y gerdd arallfydol ‘Star Control' a’r darn doniol 'Hector the Horrible Hedgehog', mae gan Daydreams and Jellybeans gerddi i bawb.
Mae’r rhain yn berffaith am wneud i chi chwerthin yn dawel bach (neu’n uchel) i chi eich hun, am berfformio i’ch ffrindiau a’ch teulu neu am danio eich creadigrwydd.

*Sylwer: Cyflwynwyd y digwyddiad yn Saesneg

12:30yp-1:15yp - Oriel Warws

Amrediad oedran: 8 - 12 oed

Byddwch yn barod am lawer o hwyl, chwerthin, dirgelwch ac antur gyda’r awdur comedi ar gyfer y teledu a’r radio, Ivor Baddiel - dyma rywun sy’n  gyfarwydd iawn â bywyd cefn llwyfan hoff sioeau doniau Prydain!

Mae angen i’r bachgen ifanc, Marsham, oroesi cystadleuaeth deledu lle maen nhw’n profi mwy na dim ond gwybodaeth gyffredinol , maen nhw’n profi popeth...

Ac mae rhywun yn bygwth dinistrio Seren Newydd Fwyaf Prydain, sef hoff sioe ddoniau’r wlad ar y teledu!

*Sylwer: Cyflwynwyd y digwyddiad yn Saesneg

4:15yp-5:00yp - Oriel Warws

Amrediad oedran: 10 - 14 oed

Dewch i ymuno ag Yvonne, Rebecca ac Eloise wrth iddynt rannu straeon am gyfeillgarwch, cyfrinachau a digwyddiadau dirgel ac am gymeriadau sy’n ceisio achub eu hunain a phobl eraill.

Ydy Delores MacKenzie wir yn gallu gwthio’r meirwon yn ôl?

All y ffrindiau gorau, Teddy, Betsy ac Effie achub dinas Copperwell a datgelu’r gwir?

All Honesty ac Alice ymddiried yn ei gilydd mewn byd dialgar a pheryglus?

*Sylwer: Cyflwynwyd y digwyddiad yn Saesneg

10:00yb-10:45yb - Ystafell Ocean

Amrediad oedran: 9 - 12 oed

Ydych chi’n barod am antur? Dewch i gwrdd â Claire Fayers a Beatrice Wallbank wrth iddynt archwilio i fydoedd mythau, hud a lledrith a phethau anghyffredin. Byddant yn eich cyflwyno chi i Gruff, Matylda, Tapper Watson a rhai cimychiaid milain!

Claire Fayers yw awdur Tapper Watson and the Quest for the Nemo Machine, sef cyfuniad o chwedloniaeth Groegaidd a ffuglen wyddonol lle mai Abertawe yw prifddinas y Ddaear!

Yn The Sleeping Stones gan Beatrice Wallbank, mae Gruff a’i ffrind newydd, Matylda, yn byw ar ynys fechan oddi ar arfordir Cymru, lle mae chwedlau’n dod yn fyw ac mae storm yn cael ei chymell gan ddicter hudolus hynafol.

Dan gadeiryddiaeth Rebecca F. John

*Sylwer: Cyflwynwyd y digwyddiad yn Saesneg

11:15am-12:00pm - Ocean Room

Age Range: 10-12 years  

Writing Workshop with award-winning author Liz Hyder

Winner of the Waterstones Children's Book Older Fiction Award 2020 for Bearmouth

*Please note: Event delivered in English

12:30yp-1:15yp - Ystafell Ocean

Amrediad oedran: 7 – 11 oed

Dewch i ymuno â’r awdur nodedig Clara Vulliamy wrth iddi hi gyflwyno Eva, Simone ac Ash: ffrindiau gorau, darpar ohebyddion a sêr cyfres newydd o lyfrau hyfryd am deulu, ffrindiau a CHŴN! Yn y digwyddiad gwych hwn, bydd Clara yn cyflwyno rôl yr awdur a’r darlunydd ac yn annog plant i gredu eu bod nhw’n gallu dyheu am wneud hyn, gan gynnig ymarfer hwyl mewn cyd-ddarllen a chyd-ddarlunio sy’n cynnwys The Dog Squad:The Newshound. Hefyd, bydd cyfle i chi ddechrau meddwl wrth i Clara eich helpu chi i greu eich papur newydd EICH HUN a hyd yn oed eich helpu i ddysgu sut i ddatrys dirgelwch! Clara yw awdur y llyfrau poblogaidd iawn MARSHMALLOW PIE a DOTTY DETECTIVE hefyd.

*Sylwer: Cyflwynwyd y digwyddiad yn Saesneg

1:45yp-2:30yp - Ystafell Ocean

Ystod oedran: 7-11 oed

Yn y sesiwn hon, bydd Bardd Plant Cymru, Nia Morais, yn darllen straeon Cymraeg a ysgrifennwyd ganddi ar y cyd â'r platfform llythrennedd digidol Darllen Co. Mae'r straeon byrion difyr hyn ar gyfer plant 7 i 11 oed a byddan nhw'n trafod caredigrwydd, cydweithredu, chwilfrydedd a chynwysoldeb. Am ragor o wybodaeth am Nia, ewch i wefan Llenyddiaeth Cymru. Am fwy o wybodaeth am nodau Darllen Co, ewch i www.darllenco.cymru.

*Sylwer: Digwyddiad yn cael ei gyflwyno yn Gymraeg

3:00yp-3:45yp - Ystafell Ocean

Amrediad oedran: 3 – 10 oed

Dewch i gael hwyl a sbri gyda Helen a Thomas Docherty wrth iddynt eich cyflwyno chi i snafflau sy’n sglaffio sgriniau, gwenyn sy’n caru’r byd, dinas sy’n llawn anifeiliaid gwyllt ac efallai rhywun sydd fel chi! Byddwch yn barod i ymuno a helpu Helen a Thomas wrth iddynt odli a darlunio!

*Sylwer: Cyflwynwyd y digwyddiad yn Saesneg

4:15yp-5:00yp - Ystafell y Môr

Ystod oedran: 3-7 oed

Mae Cadi'r cangarw yn teimlo'n drist. Mae ei phoced yn wag ac mae eisiau ei llenwi. I ffwrdd â hi felly ar antur fawr i chwilio am ei hapusrwydd gan ddod ar draws anifeiliaid sydd eisiau ei helpu a'i thwyllo..

*Sylwer: Digwyddiad yn cael ei gyflwyno yn Gymraeg

10:00yb-10:45yb - Gweithdy Glannau

Amrediad oedran: 10 oed a hŷn (GALW HEIBIO: DOES DIM ANGEN CADW LLE)

Sut allwch chi greu newid a byd gwell i bawb? Dewch draw i’r drafodaeth a’r sesiwn adrodd stori ryngweithiol hon i ddarganfod eich pŵer cudd! Wedi’i hysbrydoli gan fywyd Eglantyne Jebb, sef cyd-sefydlydd Achub y Plant, ar y cyd â’i chwaer Dorothy Buxton.

*Sylwer: Cyflwynwyd y digwyddiad yn Saesneg

11:15yb-12:00yp - Gweithdy Glannau

Amrediad oedran: 4 - 7 oed

Dewch draw i gwrdd â Kya a’i ffrind gorau Martha.Dewch i ddarganfod pam mae Kya a Martha’n gwneud pethau penodol ond nad ydynt yn hoffi rhai pethau er eu bod  yn dwlu ar rai pethau eraill.

*Sylwer: Cyflwynwyd y digwyddiad yn Saesneg

12:30yp-1:15yp - Gweithdy Glannau

Amrediad oedran: Teuluoedd a phlant hyd at 8 oed

Dewch draw i ddigwyddiad cyffrous am gyfeillgarwch gyda’r awdur Lauren Ace a’r darlunydd Jenny Løvlie. Gan gynnwys straeon o’u llyfrauThe Girls a The Boys, ynghyd â chyfle i chi greu eich cardiau a’ch breichledau cyfeillgarwch eich hun, bydd llawer o hwyl i’r teulu cyfan!

Yn The Girls, mae pedair merch ifanc yn cwrdd o dan goeden afalau ac yn meithrin perthynas sy’n tyfu wrth iddynt rannu cyfrinachau, breuddwydion, pryderon a chynlluniau.  

Yn The Boys, gallwch chi ddilyn anturiaethau Tam, Rey, Nattie a Bobby – pedwar bachgen sy’n rhannu cyfeillgarwch a fydd yn para gydol oes. 

*Sylwer: Cyflwynwyd y digwyddiad yn Saesneg

1:45yp-2:30yp - Gweithdy Glannau

Amrediad oedran: 10 oed a hŷn (GALW HEIBIO: DOES DIM ANGEN CADW LLE)

Sut allwch chi greu newid a byd gwell i bawb? Dewch draw i’r drafodaeth a’r sesiwn adrodd stori ryngweithiol hon i ddarganfod eich pŵer cudd! Wedi’i hysbrydoli gan fywyd Eglantyne Jebb, sef cyd-sefydlydd Achub y Plant, ar y cyd â’i chwaer Dorothy Buxton.

*Sylwer: Cyflwynwyd y digwyddiad yn Saesneg

3:00yp-3:45yp - Gweithdy Glannau

Ystod oedran: 7-11 mlynedd

Dyma stori Nadoligaidd hyfryd sy'n sôn am gyfrinach. Wyddoch chi fod yr anifeiliaid i gyd yn gallu siarad ar Noswyl Nadolig? Maen nhw'n helpu ffoadur amddifad i ddod o hyd i gartref ym Methlehem, Cymru. Stori gyfoes a pherthnasol, ac iddi wers bwysig, sef sut i fod yn garedig tuag at bawb, o bob cefndir a hil.

*Sylwer: Digwyddiad yn cael ei gyflwyno yn Gymraeg

4:15yp-5:00yp - Gweithdy Glannau

Ystod Oedran: 12+ oed

Enillodd y cyfieithiad Saesneg, The Blue Book of Nebo, Fedal Yoto Carnegie am Ysgrifennu 2023

Roedd Siôn yn chwech oed pan ddaeth Y Terfyn, nôl yn 2018; pan ddiffoddwyd y trydan am byth, a phan ddiflannodd byd ‘normal’ cyfarwydd yr 21ain ganrif. Bellach mae’n 14 oed ac mae ef a’i fam wedi goroesi yn eu tŷ anghysbell ar ben bryn uwchben pentref Nebo yng ngogledd-orllewin Cymru, gan ddysgu sgiliau newydd, a dychwelyd i hen ffyrdd o fyw. Er gwaethaf eu cysylltiad clos, mae’r berthynas rhwng y fam a’r mab yn newid yn gynnil wrth i Siôn orfod ysgwyddo cyfrifoldebau oedolyn. Mae gan bob un ohonyn nhw eu cyfrinachau eu hunain, sy’n dod i’r amlwg wrth iddyn nhw gofnodi eu meddyliau a’u hatgofion mewn llyfr nodiadau a ganfuwyd – Llyfr Glas Nebo.

*Sylwer: Cyflwynwyd y digwyddiad yn Gymraeg

1:00yp-3:00yp - DIGWYDDIAD YSGOLOION - Ystafell Dockside

Amrediad Oedran: 14-18 oed 

Ymunwch â'r awduron straeon byr arobryn o Gymru, Laura Morris a Brennig Davies, am brynhawn wedi'i neilltuo ar gyfer ysgrifennu straeon byr. Bydd Laura a Brennig yn rhannu eu hawgrymiadau gorau a rhai o'u straeon eu hunain cyn iddyn nhw eich tywys chi drwy ysgrifennu eich stori eich hun. Bydd cyfle i chi gyflwyno eich stori eich hun ar ôl y gweithdy i'w chyhoeddi ar-lein.

Os oes gennych chi ddiddordeb yn athro, anfonwch e-bost at: cultural-institute@swansea.ac.uk i gadw lle i'ch myfyrwyr. Nifer cyfyngedig o lefydd ar gael.

*Sylwer: Cyflwynwyd y digwyddiad yn Saesneg

12:00yp-2:00yp

Ystod Oedran: 8-16 (GALW I MEWN: DIM ANGEN ARCHEBU)

Clwb Sadwrn Storyopolis - (Sesiwn Galw Heibio) Gweithdy Zine gyda'r arlunydd Bill Taylor-Beales
AM DDIM a POB Deunydd wedi'i gyflenwi.

*Sylwer: Cyflwynwyd y digwyddiad yn Saesneg

10:00yb-10:45yb - Oriel Warws

Amrediad oedran: 7+ oed

Dewch i ymuno â’r enillwyr gwobrau rhyngwladol, yr awdur Nicola Davies a’r darlunydd Petr Horáček, a chael gwybod am hud a lledrith yr anifeiliaid a’r creaduriaid yn The Star Whale.

Darganfod pangolin wrth iddi nosi, hedfan ar gefn ystlum, ymweld â llew a chlywed am ei sefyllfa; rhoi cynnig ar gwlwm tafod gwyddor y gwyfyn, cyfarfod â chythreuliaid Tasmania ar noson allan ar yr ynys neu freuddwydio am y ci pum coes a’r gath tair coes! Yna dysgu am greadur anferthol go iawn o’r enw’r Titanosawrws a selacanthiaid anhygoel. Efallai y gwelwch chi las y dorlan a rhyfeddu ar gampwaith ei liw a’i lun, a gweld sut mae bywyd gwyllt yn dod i’r amlwg yn ein trefi dros nos.

Llonnwch eich calon wrth i chi wylio Petr yn ail-greu’r darluniadau’n fyw!

*Please note: Event delivered in English

11:15yb-12:00yp - Oriel Warws

Ystod Oedran: Perffaith ar gyfer plant 9+

Mae Where the River Takes Us yn antur hanesyddol sy'n digwydd yn ystod y 1970au yn erbyn cefndir o streiciau'r glowyr, gan awdur hynod boblogaidd The Valley of Lost Secrets, sy'n berffaith i'r rhai ohonoch sy'n hoffi gwaith Emma Carroll, Phil Earle a Michael Morpurgo. Gydag adleisiau o Stand By Me, mae'r antur gradd ganol gyffrous hon yn rhoi i ni bortreadau hynod fanwl o'r cymeriadau ynghyd â phlot sy'n mynnu ein bod yn troi'r dudalen gyda themâu sy'n gyfarwydd i bawb, gan ei gwneud hi'n un o'r straeon ffuglen hanesyddol gorau a hollol fytholwyrdd ar y farchnad heddiw. Mae Lesley Parr, enillydd gwobr Llyfr y Flwyddyn Cymru 2023 yn y categori plant a phobl ifanc, yn rhannu â ni'r ysbrydoliaeth y tu ôl i'r stori, sut aeth ati i greu ei chymeriadau a sut brofiad oedd eu hanfon ar eu taith i chwilio am gath wyllt ryfeddol - Bwystfil Blaengarw!

*Sylwer: Cyflwynwyd y digwyddiad yn Saesneg

12:30yp-1:15yp - Oriel Warws

Amrediad oedran: Yn berffaith i blant sy’n 9 oed a hŷn 

Dewch i ymuno â’r awdur hynod boblogaidd Hannah Gold, wrth iddi sgwrsio ag Elaine Canning, mewn antur wefreiddiol i’r Arctig wrth iddi hi eich cyflwyno chi i’w llyfr newydd sbon, Finding Bear, sef y dilyniant mawr ei ddisgwyl i’r llyfr arobryn The Last Bear (enillydd Gwobr Llyfrau Plant Waterstones 2022 a Gwobr Llyfrau Blue Peter 2022).

Gwisgwch eich esgidiau eira amryliw a theithio ar draws rhewlifoedd rhyfeddol a ffiordau peryglus, gan fynd ar daith gyda hysgwn, cael eich syfrdanu gan Oleuni'r Gogledd a gorau oll, gwrdd â'r cenau arth wen mwyaf annwyl.

Mae’r digwyddiad hwn yn berffaith i bobl sy’n caru anifeiliaid a bydd yn eich ysbrydoli chi’n bendant. Yr unig gwestiwn yw... . ydych chi'n barod i chwilio am yr arth?

*Sylwer: Cyflwynwyd y digwyddiad yn Saesneg

1:45yp-2:30yp - Oriel Warws

Ystod Oedran: Perffaith ar gyfer plant 8+

Ymunwch â dau awdur llyfrau ffantasi gwych ar gyfer darllenwyr gradd ganol, Stephanie Burgis ac EL Norry, a fydd yn trafod popeth hudolus a rhyfeddol yn y panel hwn na ddylech ei golli. Teithiwch drwy fydoedd hud a lledrith The Raven Throne a Fablehouse, gan ddarganfod mwy am y lleoedd hudolus y tu hwnt.

Mae Stephanie Burgis yn byw yng Nghymru gyda'i gŵr, eu dau fab a'u cath frech, wedi'u hamgylchynu gan fynyddoedd a chestyll. Mae hi'n ysgrifennu anturiaethau ffantasi llawn hwyl i ddarllenwyr gradd ganol, a'i gwaith diweddaraf yw'r drioleg The Dragon with a Chocolate Heart a The Raven Heir. Mae gan E L Norry radd BA (Anrh.) mewn Ffilm a gradd MA mewn ysgrifennu i'r sgrîn. Cafodd ei magu yn y system ofal yng Nghaerdydd, ond bellach mae hi'n byw yn Bournemouth gyda'i gŵr a'i theulu ac yn gweithio yno. Mae llyfrau blaenorol Emma yn cynnwys Son of the Circus (Scholastic 2019) a gafodd ei gynnwys ar restr fer y Diverse Book Awards, ac Amber Under Cover (OUP, 2021).

*Sylwer: Cyflwynwyd y digwyddiad yn Saesneg

3:00yp-3:45yp - Oriel Warws

Amrediad oedran: 6 oed a hŷn 

Fyddech chi'n gwybod y gwahaniaeth rhwng panda ac arth wen? Neu rhwng arth Malaia ac arth weflog?

Mae eirth yn gyfarwydd i bob un ohonon ni ond y tu ôl i’w golwg mawr a ffyrnig, anifeiliaid gwyllt ydyn nhw y mae angen ein helpu ni arnyn nhw mewn gwirionedd. Felly cydiwch yn eich sbienddrych a bod yn barod i ddysgu rhai ffeithiau anhygoel am anifeiliaid gyda’r archwiliwr bywyd go iawn Huw Lewis-Jones wrth i ni ystyried  wyth rhywogaeth ryfeddol  eirth a mwy! Byddwch chi’n darganfod pam mae eirth yn gwneud cymaint o bŵ a’r hyn y gallwn ni ei wneud i’w gwarchod. Bydd llawer o hwyl, cyfle i chwilio am arth wen a chwis gwych am hanfodion eirth!

*Sylwer: Cyflwynwyd y digwyddiad yn Saesneg

4:15yp-5:00yp - Oriel Warws

Amrediad oedran: 8 oed a hŷn

Dewch i ymuno â Lee Newbery wrth iddo gyflwyno ei nofel hudolus galonogol The Last Firefox a’i dilyniant The First Shadowdragon. Dewch i archwilio taith ysgrifennu ac ysbrydoliaeth Lee, cyn i chi ddylunio eich creadur hudolus eich hun mewn gweithgaredd cardiau Pokémon a chymryd rhan mewn cwis geiriau anifeiliaid Cymru! Bydd digwyddiad Lee hefyd yn cynnig cyflwyniad sensitif i blant yn y gynulleidfa ar fabwysiadu ac yn dathlu’r holl fathau o deuluoedd gwahanol sydd yn y byd.

*Sylwer: Cyflwynwyd y digwyddiad yn Saesneg

10:00yb-10:45yb - Ystafell Ocean

Amrediad oedran: 8 - 10 oed

Ymunwch â’r awdur Angela Kecojevic am ddosbarth ysgrifennu i greu straeon arswydus. Bydd plant yn dysgu sut i greu golyga fwganllyd a dyfeisio cymeriadau cyfareddol. Gallant hyd yn oed dynnu lluniau ar gyfer eu gwaith! Gall plant ofyn cwestiynau a hefyd fwynhau darllediad o nofel newydd Angela, Scareground. 

*Sylwer: Cyflwynwyd y digwyddiad yn Saesneg

11:15yb-12:00yp - Ystafell Ocean

Amrediad oedran: 6 - 9 oed

Ydych chi’n dwlu ar anturiaethau hudolus a gweithgareddau difyr? Dewch draw i gwrdd â’r bardd Owen Sheers a chlywed am dri ffrind gorau a’u teithiau ledled y byd!

Mae Drew, Bunny a Moo yn hedfan o gwmpas y byd ar garped hudolus sydd wedi’i bweru gan y cyfeillgarwch rhyngddynt. Ar hyd y daith, byddant yn cwrdd â môr-ladron a llawer o drafferth ar y môr tywyll. A fydd y tri ffrind gorau’n gallu dod o hyd i’r hyn sydd ei angen arnyn nhw i ddychwelyd adref? 

*Sylwer: Cyflwynwyd y digwyddiad yn Saesneg

12:30yp-1:15yp - Ystafell Ocean

Amrediad oedran: 6 - 9 oed

Dychmygwch... fachgen cyffredin sy’n gallu newid i fod yn anghenfil drwy dorri gwynt!

Dewch i gwrdd â Monster Max sydd am ddiogelu a gwneud pethau da. Byddwch hefyd yn darganfod ysbryd marmalêd, cath o’r enw Frankenstein, bleiddiaid a hyd yn oed beiriant pŵ!

*Sylwer: Cyflwynwyd y digwyddiad yn Saesneg

1:45yp-2:30yp - Ystafell Ocean

Amrediad oedran: Croeso i deuluoedd a phlant sy’n 5 oed a hŷn

Mewn coedwig bellennig, mae babi yn mynd ar goll ac yn cael ei ganfod a’i warchod gan banda.

Naw mlynedd yn ddiweddarach mae babi arall, plentyn y panda, mewn perygl mawr, a dim ond bachgen ac ysbryd y goedwig all ei achub.

Dewch i gwrdd â’r darlunydd arobryn, Cathy Fisher, a gweld y darluniadau hardd mae hi wedi’u creu ar gyfer y stori bwerus hudolus hon.

*Sylwer: Cyflwynwyd y digwyddiad yn Saesneg

3:00yp-3:45yp - Ystafell Ocean

Amrediad oedran: 13 oed a hŷn 

Mae’r awdur arobryn, Victoria Williamson, yn dod â’i nofel newydd sbon, Feast of Ashes  i Abertawe!

Mae Feast of Ashes yn nofel gyffrous ddystopaidd â thema amgylcheddol i bobl ifanc. Yn y stori, sydd wedi’i lleoli yn nwyrain Affrica yn y flwyddyn 2123, mae’r fenyw ifanc Adina, sy’n 16 oed, wedi lladd bron pawb mae’n eu hadnabod.  14,756 ohonyn nhw. 

Gyda thema amgylcheddol gref, a rhybuddion am beryglon crafangau corfforaethol, mae Feast of Ashes yn llawn cyffro wrth fwrw golwg ddwys ar deulu, cyfeillgarwch, rhamant ac aberth.

*Sylwer: Cyflwynwyd y digwyddiad yn Saesneg

4:15yp-5:00yp - Ystafell Ocean

Amrediad oedran: 9 oed a hŷn

Dewch draw i gwrdd â dau awdur arbennig ym meysydd dirgelwch, hanes a hud a lledrith!

Mae llyfr Cathy Faulkner Digging for Victory wedi’i leoli yn Nyfnaint ym 1941 ac mae’n adrodd stori merch 12 oed, Bonnie Roberts, sy’n awyddus i chwarae rôl werthfawr yn ymdrech y rhyfel.Mae The Red Gloves and Other Stories  gan Catherine Fisher yn gasgliad bwganllyd o hanesion rhyfedd ac iasol sy’n seiliedig ar chwedlau Cymru, gan gynnwys ysbrydion, pâr o fenig llofruddiog a pheryglon camu i ffwrdd o’r Ffordd Arian...

Yn eu sgwrs, mae Cathy a Catherine yn siarad am arwriaeth a darganfod, ynghyd ag ysbrydion, swynion a chyfnewid bywydau.

Dan gadeiryddiaeth Alan Bilton

*Sylwer: Cyflwynwyd y digwyddiad yn Saesneg

10:00am-10:45pm - Waterfront Workshop

Age Range: 10-14 years

Writing Workshop with award-winning authors Liz Hyder and Rebecca F. John

*Please note: Event delivered in English

11:15yb-12:00yp - Gweithdy Glannau

Ystod Oedran: 8-12 oed

Wedi cyhoeddi dau lyfr a thrydydd ar ddod, mae straeon Sw Sara Mai yn dilyn Sara Mai, sy'n 9 oed ac sy'n byw mewn sŵ gyda'i rhieni a'i brawd mawr Seb. Mae Sara yn dwlu ar anifeiliaid, o lewod i sebras i wombatiaid a mwydod, ac mae hi'n gwybod llawer amdanynt hefyd. A dweud y gwir, mae'n well ganddi anifeiliaid na phobl yn aml! O drafferthion yn yr ysgol i neidr a ddygwyd a'r antur ddiweddaraf lle mae dosbarth cyfan Sara Mai ar daith ysgol i fferm am y penwythnos, mae cyfres Sara Mai yn fywiog, yn hwyl ac yn hawdd i blant o 8 oed ei darllen.

*Sylwer: Digwyddiad yn cael ei gyflwyno yn Gymraeg

12:30yp-1:15yp - Gweithdy Glannau

Amrediad oedran: Teuluoedd a phlant hyd at 8 oed

Dewch draw i ddigwyddiad cyffrous am gyfeillgarwch gyda’r awdur Lauren Ace a’r darlunydd Jenny Løvlie. Gan gynnwys straeon o’u llyfrauThe Girls a The Boys, ynghyd â chyfle i chi greu eich cardiau a’ch breichledau cyfeillgarwch eich hun, bydd llawer o hwyl i’r teulu cyfan!

Yn The Girls, mae pedair merch ifanc yn cwrdd o dan goeden afalau ac yn meithrin perthynas sy’n tyfu wrth iddynt rannu cyfrinachau, breuddwydion, pryderon a chynlluniau.  

Yn The Boys, gallwch chi ddilyn anturiaethau Tam, Rey, Nattie a Bobby – pedwar bachgen sy’n rhannu cyfeillgarwch a fydd yn para gydol oes. 

*Sylwer: Cyflwynwyd y digwyddiad yn Saesneg

1:45yp-2:30yp - Gweithdy Glannau

Ystod Oedran: 8-12 oed

Wedi cyhoeddi dau lyfr a thrydydd ar ddod, mae straeon Sw Sara Mai yn dilyn Sara Mai, sy'n 9 oed ac sy'n byw mewn sŵ gyda'i rhieni a'i brawd mawr Seb. Mae Sara yn dwlu ar anifeiliaid, o lewod i sebras i wombatiaid a mwydod, ac mae hi'n gwybod llawer amdanynt hefyd. A dweud y gwir, mae'n well ganddi anifeiliaid na phobl yn aml! O drafferthion yn yr ysgol i neidr a ddygwyd a'r antur ddiweddaraf lle mae dosbarth cyfan Sara Mai ar daith ysgol i fferm am y penwythnos, mae cyfres Sara Mai yn fywiog, yn hwyl ac yn hawdd i blant o 8 oed ei darllen.

*Sylwer: Digwyddiad yn cael ei gyflwyno yn Gymraeg