Yr Athro Angela Devereux

• Aelod o dîm a sefydlodd gwrs hyfforddiant proffesiynol newydd (LPC).
• Wedi tendro’n llwyddiannus i Brifysgol Caerdydd ddod yn sefydliad asesu ar gyfer Cynllun Achredu Cynrychiolwyr Gorsafoedd Heddlu (PSRAS).
• Sefydlu a rheoli PSRAS; dylunio a chyflwyno ei hyfforddiant a’i asesiad.
• Cwblhau cais dilysu’n llwyddiannus (ar y cyd a’r Athro David Miers o Brifysgol Gorllewin Lloegr) ym 1996 ar gyfer Cwrs Galwedigaethol y Bar. Wedi cyfrannu’n sylweddol i ddyluniad y cwrs yng Nghaerdydd. Arweinydd BVC ym Mhrifysgol Caerdydd o 1998 tan 2002
• Lluniais fodiwlau’r Cwrs Sgiliau Proffesiynol mewn Eiriolaeth i Wasanaethau Cynllunio Cyfreithwyr (bellach Kaplan). Wedi’u rheoleiddio a'u monitro gan Gymdeithas y Gyfraith ac yn parhau i gael eu defnyddio.
• Wedi tendro’n llwyddiannus ar gyfer Bwrdd Profion PSRAS i ddarparu cwestiynau ac atebion i’w defnyddio’n genedlaethol gan bwyllgorau dethol cyfreithwyr dyletswydd lleol.
• Aelod o weithgor cenedlaethol i lunio’r Cynllun Achredu Ymgyfreithiad Troseddol (CLAS) i asesu Cyfreithwyr Dyletswydd.
• Sefydlu ac ennill achrediad gan Gaerdydd ar gyfer CLAS.
• Sefydlu rhaglen ar gyfer asesu gwaith Tyst Arbenigol yn y llys (menter ar y cyd gyda busnes allanol – Bond Solon).
• Wedi sefydlu rhaglen ar gyfer asesu rheolwyr mewn diwydiant o ran Cyfraith Cyflogaeth: menter gydweithredol gyda Corus yn wreiddiol, bellach â TATA, ac ar ffurf fersiwn gyhoeddus (ar-lein yn bennaf) â chyfreithwyr Capital Law.
• Wedi annerch Cynhadledd y Bar (sy’n gynhadledd genedlaethol)
• Aelod o Gynhadledd Sefydlog ar Addysg Gyfreithiol yr Arglwydd Ganghellor.
• Arholwr Allanol BVC i Ysgol y Gyfraith Inns of Court, a Phrifysgol Northumbria ar gyfer y BPTC a’r LLM. Prif Arholwr Allanol cyntaf yr BSB (Tystiolaeth ar BVC).
• Cafodd ei dewis i ymuno â gweithgorau a sefydlwyd gan gyrff proffesiynol i greu fframweithiau i hyfforddi ymarferwyr.
• Arweiniodd y cais llwyddiannus i gyflwyno adroddiad ar Sicrhau Ansawdd i Eiriolwyr (Troseddol) i’r Comisiwn Gwasanaethau Cyfreithiol a’r Weinyddiaeth Gyfiawnder Roedd hyn yn cyfuno ymchwil, arloesedd wrth asesu eiriolaeth a sicrhau ansawdd. Gofynnwyd i mi annerch Cymdeithas y Cyfreithwyr o Eiriolwyr yr Uchel Lys ar y pwnc hwn yn 2011, gan rannu llwyfan â’r Arglwydd Prif Ustus ymddeoledig a Phrif Weithredwr Cymdeithas y Gyfraith.

Yn allanol, ar gyfer cyrff rheoleiddiol dwy gangen y proffesiwn yng Nghymru a Lloegr, rwyf wedi monitro cyrsiau, cynghori ar hyfforddiant eiriolaeth ac asesu yn ogystal â safonau a fframweithiau’n fwy cyffredinol. Ym mis Rhagfyr 2012, roeddwn yn un o 10 Arweinydd Meddwl i roi sylwadau’n breifat ar Addysg Gyfreithiol a’r Adolygiad Hyfforddiant cenedlaethol i gadeiryddion eu pwyllgorau llywio. Rwyf hefyd wedi cynghori ar safonau a fframweithiau proffesiynol o ran asesu a monitro eiriolaeth ac ymarfer mewn gorsafoedd yr heddlu mewn gwledydd a gefais wahoddiad ganddynt (Moroco, Tiwnisia, Algeria, Uganda, sawl awdurdodaeth yn nwyrain y Caribî, Mecsico) at y diben hwn. Mewn perthynas ag un o’m meincnodau allweddol, roedd fy Nghadair Bersonol yn seiliedig ar fy ngwaith yn addysgu eiriolwyr ers 1994, a chydnabu athrawon allanol fy mod i wedi sefydlu enw rhyngwladol yn y maes hwn. Roeddwn i’n un o’r arbenigwyr o ran cais gan y Sefydliad Cyfreithiol Rhyngwladol yn Efrog Newydd am gyllid gan Lywodraeth UDA i hyrwyddo mynediad gwell at hawliau gan garcharorion (cyn achosion llys) yn Nhiwnisia.  Bu Prifysgol Maastricht yn ymgynghori â mi o ran y gwaith cydweithredol i ddarparu safonau a threfniadau hyfforddi ledled Ewrop i’r rhai sy’n rhoi cyngor i bobl ddrwgdybiedig yng ngorsafoedd heddlu (prosiect SUPRALAT). Rwyf yn un o’r arbenigwyr a gydnabuwyd yng nghanlyniadau’r prosiect.