Trosolwg
Mae Emma Richards yn uwch-ymchwilydd yn y Ganolfan Heneiddio Arloesol ac ar gyfer y Ganolfan Ymchwil i Heneiddio a Dementia yn y Gyfadran Meddygaeth, Iechyd a Gwyddor Bywyd.
Ar hyn o bryd, mae Emma yn Brif Ymchwilydd ar brosiect a ariennir gan grant UKRI sy’n ymchwilio i golli clyw a lle (HELP) ac mae'n brif ymchwilydd ar gyfer prosiect a ariennir gan Gronfa Arloesi Ymchwil Cymru sy'n ymchwilio i newidiadau mewn gwynnin a symptomau clefydau’r glust mewn pobl hŷn.
Mae ei rolau blaenorol yn cynnwys:
- Prif Ymchwilydd ar brosiect a oedd yn ymchwilio i gymorth grŵp i bobl sy'n byw gyda dementia a'u gofalwyr yn ystod Covid.
- Nodi'r hyn y mae ei angen ar unigolion sy'n byw gyda dementia er mwyn hwyluso a chefnogi eu potensial i 'Fyw'n Dda gyda Dementia' ym Mae Abertawe. Y nod yw creu meincnod er mwyn targedu camau gweithredu yn y Cynllun Gweithredu ar gyfer Dementia i ddarparu gwasanaethau ledled y rhanbarth a datblygu fframwaith strategol. Bydd y gwaith hwn yn rhan hanfodol o ddatblygu Strategaeth Dementia'r bwrdd iechyd lleol.
- Arweinydd prosiect de Cymru ar gyfer yr Astudiaeth ar Weithrediad Gwybyddol a Heneiddio (CFAS) Welcome to CFAS | Cognitive Function and Ageing Studies
Ffocws PhD Emma oedd Nodweddu Amhariadau Gwybyddol Fasgwlaidd (Dementia Fasgwlaidd) o ran cyflymderau prosesu'r ymennydd. Y nod oedd cynyddu ein dealltwriaeth o arwyddion a symptomau cynnar y clefyd. Roedd hyn yn cynnwys datblygu protocolau, ymchwil a datblygu a chael cymeradwyaeth foesegol gan y GIG, profi cyfranogwyr gan ddefnyddio nifer o brofion niwroseicolegol, ymchwilio i niwroddelweddau a dadansoddi ystadegol ac ansoddol.
Mae ganddi radd Meistr mewn seicoleg, gan arbenigo yn yr ymennydd a heneiddio, gan gynnwys triniaethau nad ydynt yn fferyllol ar gyfer dementia ac yfed alcohol a'r risg o ddementia, gan y Brifysgol Agored.
Hefyd, mae ganddi TAR (Addysg a Hyfforddiant Ôl-orfodol) gan Brifysgol De Cymru.
Dechreuodd Emma ei gyrfa academaidd ym Mhrifysgol Abertawe, gan ennill BSc (Anrhydedd), gyda'i phrosiect ymchwil yn ymchwilio i effeithiau symiau amrywiol o gamwybodaeth dros amser ar dystiolaeth llygad-dyst plant, a thraethawd hir: Alzheimer's disease: Assessment, cognitive deficits and treatment. Meysydd pwnc: Seicoffarmacoleg, Niwroseicoleg, Dulliau Ymchwil, Seicoleg Wybyddol a Datblygiadol.