DATGELU I'R HEDDLU

Nod y Brifysgol yw cynorthwyo ymchwiliadau'r heddlu yn rhesymol ac mae'n gofyn bod pob cais yn cael ei gyflwyno ar Ffurflen Cais Diogelu Data swyddogol, gan gynnwys y canlynol:

• Manylion ynghylch pa ddata personol y gofynnir amdanynt
• Caniatâd gan Arolygydd neu Uwch-swyddog.
• Fel arfer, os oes angen data personol ar gyfer ymchwiliad dilys, caiff y data eu rhyddhau.

• Cadarnhad bod angen yr wybodaeth ar gyfer ymchwiliad sy'n ymwneud â diogelwch cenedlaethol, atal neu ddatgelu trosedd, neu ddal neu erlyn troseddwyr.

Mae Prifysgol Abertawe wedi mireinio ei gweithdrefn ar gyfer rheoli'r ceisiadau hyn fel a ganlyn:

Oriau Swyddfa:

• Mae'n rhaid i Swyddogion e-bostio ffurflen cais Diogelu Data i  myunihub@abertawe.ac.uk.
• RHAID i'r ffurflen hon gael ei chwblhau a'i llofnodi gan Arolygydd neu Uwch-swyddog.

Yna bydd y cais yn cael ei ystyried gan aelodau perthnasol o staff Prifysgol Abertawe a darperir ymateb fel y bo'n briodol.

Ceisiadau Brys y Tu Allan i Oriau:

• Ar gyfer argyfyngau y tu allan i oriau, cysylltwch â Diogelwch ar 01792 604271.
• Bydd Diogelwch yn cysylltu â'r Tîm Rheoli Achosion i awdurdodi darparu'r wybodaeth.

Mae'n bosib nad yw asiantaethau eraill yn defnyddio ffurflenni safonol ond dylent ddarparu:

• Cais ysgrifenedig ar bapur pennawd swyddogol, wedi’i lofnodi gan swyddog/rheolwr.
• Disgrifiad o'r wybodaeth y mae ei hangen a'r ymchwiliad.

Cadarnhad bod yr wybodaeth yn hanfodol ar gyfer yr ymchwiliad.

Dylai'r Brifysgol gadw copïau o bob cais, gohebiaeth â'r asiantaeth gorfodi'r gyfraith ac unrhyw ddata a ryddhawyd am chwe blynedd

Anfonwch unrhyw gwestiynau neu faterion ynghylch ceisiadau ysgrifenedig gan asiantaethau gorfodi'r gyfraith at Swyddog Cydymffurfiaeth Gwybodaeth y Brifysgol yn dataprotection@abertawe.ac.uk