Byw Ar Gampws Parc Singleton
Mae preswylwyr Campws Parc Singleton yn gallu elwa o gyfleustra bod yn agos at y darlithoedd a chyffro bod yng nghanol bywyd myfyrwyr. Mae holl breswylfeydd Campws Parc Singleton o fewn pellter cerdded i'r parc, Parc Chwaraeon Bae Abertawe, Bae Abertawe ac Ysbyty Singleton.
Mae byw ar Gampws Parc Singleton yn ddewis poblogaidd ar gyfer myfyrwyr yn eu blwyddyn gyntaf, myfyrwyr sy'n dychwelyd, myfyrwyr rhyngwladol, myfyrwyr Meddygaeth a myfyrwyr ôl-raddedig.
Campws Parc Singleton sy’n gartref i’r Ysgol Diwylliant a Chyfathrebu, Ysgol y Gwyddorau Cymdeithasol, Yr Ysgol Iechyd a Gofal Cymdeithasol, yr Ysgol Seicoleg, Ysgol y Biowyddorau, Daearyddiaeth, Ffiseg, Yr Ysgol Feddygaeth, ac Ysgol y Gyfraith Hillary Rodham Clinton. Gall myfyrwyr sy'n astudio unrhyw bwnc fyw ar Gampws Parc Singleton a cheir gwasanaeth bws rheolaidd ac uniongyrchol rhwng y campysau.
Mae preswylfeydd Campws Parc Singleton yn cynnig dewis o lety en-suite neu lety safonol yn ogystal ag ystafelloedd wedi'u haddasu. Mae gan bob fflat gegin a rennir ac mae rhai preswylfeydd yn cynnig lwfans arlwyo. Hefyd, mae gennym ni fflatiau ar y safle ar gyfer siaradwyr Cymraeg sy’n boblogaidd ymhlith myfyrwyr Cymraeg eu hiaith sy’n chwilio am rywle i fyw gyda siaradwyr Cymraeg eraill.
Edrychwch ar yr opsiynau sydd ar gael ar gyfer ystafelloedd ar Gampws Parc Singleton isod. Prisiau cychwynnol yw'r holl ffioedd; gallwch ddarllen ein tudalen ffioedd i gael rhagor o wybodaeth am y prisiau a thalu.
