Efelychiad Prifysgol Abertawe - SUSIM

Rydym yn cydweithio yn Abertawe fel ein bod yn dysgu ac yn hyfforddi gyda'n gilydd hefyd. Mae dysgu gweithio gyda'n gilydd mewn ffyrdd hynod effeithiol â chymorth dulliau addysg sy'n seiliedig ar efelychu'n sicrhau bod gennym fyfyrwyr a gweithwyr gofal iechyd proffesiynol hyderus a medrus sy'n myfyrio wrth weithredu ac ar eu gweithredu ac yn datblygu ymddygiadau cyfathrebu a thîm agored.

Dengys tystiolaeth gynyddol fod modelau uwch o ddysgu sy'n seiliedig ar efelychu o fudd i'r dysgwr, ac maent yn ein galluogi i ddod â safleoedd, arbenigedd a galwedigaethau gwasgaredig ynghyd i ddatblygu profiad a chanlyniadau addysgol.

Rydym yn defnyddio model cyflwyno "prif ganolfan a lloerennau", gan wella ein mannau dysgu a’n hymagwedd hyblyg ac ystwyth . Bydd ein prif ganolfannau hefyd yn galluogi ein myfyrwyr i ddatblygu ymhellach eu sgiliau drwy ddysgu annibynnol sy'n ategu sesiynau addysgu ffurfiol ac yn cefnogi anghenion dysgwyr unigol ar yr un pryd.

Mae gan Brifysgol Abertawe ystod eang o fathau o efelychu sydd wedi'u cynnwys a'u hymestyn drwy gydol ein cyfres o raglenni clinigol, iechyd a gofal cymdeithasol.

Mae'r rhain yn cynnwys; cleifion efelychol, efelychu gan ddefnyddio dymis sy'n amrywio o adnoddau technoleg isel i uchel, efelychu hybrid (cymysgedd o ddulliau amrywiol) realiti estynedig, rhithwir a chynorthwyol ac efelychu cyfrifiadurol. Bydd gennym ystafelloedd efelychu wal trochi hefyd yn fuan. Bydd y rhain yn gwella pob math o efelychu a chyfleoedd dysgu rhyngbroffesiynol.

Mae gan raglen SUSIM nifer o bartneriaethau cydweithredol a phrosiectau ymchwil y byddwn yn eu harddangos wrth i'n rhaglen SUSIM ehangu.

Mae gennym nifer o gydweithrediadau ag arweinwyr ym maes realiti rhithwir ac efelychu gan gynnwys: adran realiti rhithwir y Gyfadran Gwyddoniaeth a Pheirianneg, ACCELERATE, Rescape, a byrddau iechyd lleol.

Hefyd, rydym yn aelodau o nifer o Gymdeithasau Efelychu ac yn gweithio'n agos gyda nhw, gan gynnwys: Addysg a Gwella Iechyd Cymru, Simulation, Association for Simulated Practice in Healthcare (ASIPH), Society for Simulation in Europe (SESAM), the Society for Simulation in Healthcare (SSIH) a'r International Nursing Association for Clinical Simulation and Learning.

Rydym yn gweithio gyda phartneriaid yn y diwydiant efelychu megis CAE, Laerdal, Gaumard a Simbodies i gefnogi ein rhaglenni gyda'r datblygiadau diweddaraf mewn technoleg efelychu.

Dengys tystiolaeth gynyddol fod dulliau uwch o addysg sy'n seiliedig ar efelychu o fudd i'r dysgwr, ac maent yn ein galluogi i ddod â safleoedd, arbenigedd a gweithwyr proffesiynol gwasgaredig ynghyd i ddatblygu profiad a deilliannau addysgol, a hwylusir gan ein haddysgwyr arbenigol. 

Rydym yn defnyddio dull cyflawni prif ganolfan a lloerennau, gan ddatblygu ein mannau a’n hymagwedd dysgu hyblyg ac ystwyth. Mae amrywiaeth o gyfarpar efelychu a dysgu rhithwir technoleg uchel yn galluogi ein myfyrwyr i brofi senarios byd go iawn.

Bydd ein hybiau hefyd yn galluogi ein myfyrwyr i ddatblygu ymhellach eu sgiliau drwy ddysgu annibynnol sy'n atgyfnerthu sesiynau dysgu a hwylusir ac yn cefnogi anghenion dysgwyr unigol ar yr un pryd.

Gan ddefnyddio tîm rhyngbroffesiynol o hyrwyddwyr efelychu, mae sesiynau addysgol efelychu, arloesiadau mewn efelychu, megis defnyddio cyfleoedd realiti ac ymchwil cymysg yn y maes hwn, yn ehangu'n gyflym. Caiff hyn ei gefnogi drwy agor mannau dysgu trochi o'r radd flaenaf ar draws ein campysau er mwyn galluogi myfyrwyr i gael profiad o drochi mewn amgylcheddau realistig i'w paratoi nhw ar gyfer ymarfer clinigol a chymunedol a lleoliadau gwaith.

Wrth i ni ddatblygu a gwella ein rhaglenni addysg efelychu i gael eu cynnwys yn fwy ar draws ein cyrsiau iechyd a chlinigol, byddwn yn cyflwyno mwy o gyfleoedd cyffrous ar-lein a fydd yn gwella'r profiad dysgu efelychol ar gyfer ein myfyrwyr.

• Adnewyddu ein mannau addysg glinigol
• Technoleg Wal Drochi
• Datblygiadau mewn dysgu drwy realiti cymysg
• Ehangu ein system mannau dysgu CAE