Prifysgol Bergamo

Ydych chi am dreulio 3 wythnos yn Bergamo yn dysgu Eidaleg? Yna beth am gofrestru am gwrs haf dwys Prifysgol Bergamo!

Hyd 3 wythnos o 1 i 19 Gorffennaf 2024

Trefniant y cwrs 24 awr yr wythnos, 4 awr yn y bore o ddydd Llun i ddydd Gwener a 2 awr mewn 2 brynhawn. Yn ogystal â'r cwrs, cynhelir gweithgareddau diwylliannol gan gynnwys canu opera, llenyddiaeth a theithiau diwylliannol i ddarganfod Bergamo, ynghyd â gweithgareddau at ddibenion profiad a hamdden.

Dyddiad cau i gofrestru 3 Mehefin 2024

Mae gwybodaeth bellach am y cwrs dwys ar gael yma.

Rhesymau i gofrestru!

Profi diwylliant newydd
Archwilio dinas Bergamo a'r cyffiniau
Gwneud ffrindiau newydd
Gwella eich sgiliau iaith

Cymhwysedd

Rhaid bod myfyrwyr wedi cofrestru ym Mhrifysgol Abertawe
Ni all myfyrwyr fod yn eu blwyddyn astudio olaf
Gall myfyrwyr ôl-raddedig gyflwyno cais am gyllid ond rhaid darparu tystiolaeth bod eu goruchwyliwr academaidd yn cymeradwyo eu bod yn cymryd rhan.
Dylai myfyrwyr rhyngwladol siarad â Rhyngwladol@BywydCampwsi wirio effaith y lleoliad gwaith ar eu fisa Llwybr Myfyrwyr

Costau a Chyllid

Amcangyfrif y costau ar gyfer pob myfyriwr:Oddeutu £300 y myfyriwr neu oddeutu £150 y myfyriwr sy'n gymwys am y cynllun Ehangu Cyfranogiad

Mae hwn wedi'i seilio ar amcangyfrif o gostau cyffredinol sef £1,165 sy'n cynnwys:

Cost y rhaglen sef £515

Amcangyfrif y costau ychwanegol: £560 sy'n cynnwys

Cost dybiedig hedfan - £120
Llety hostel - £440

Amcangyfrifwyd costau ychwanegol ar gyfer mis Ionawr 2024 a gall y rheiny gynyddu/leihau. Efallai bydd angen i fyfyrwyr dalu costau ychwanegol nas nodir uchod. Amcangyfrifon yw'r ffigurau uchod a gallant newid.

CYLLID SYDD AR GAEL

Mae cyllid ar gael sy'n werth £775 y myfyriwr neu £925 y myfyriwr sy'n gymwys am y cynllun Ehangu Cyfranogiad

Gwybodaeth Ychwanegol

Gall cyllid gael ei ddarparu gan Taith neu Ewch yn Fyd-eang.
Ni fydd diwrnodau rhaglen ar ôl 31 Awst 2024 yn cael eu hariannu.
Os byddwch yn methu cwblhau'r rhaglen gyfan, bydd angen i chi ad-dalu unrhyw gyllid rydych chi wedi'i dderbyn.

Gwybodaeth Ychwanegol

Meini Prawf Ehangu Cyfranogiad

incwm aelwyd blynyddol o £25,000 neu'n llai (gan godi i £30,000 ar gyfer bwrsariaethau Ewch yn Fyd-eang)
myfyrwyr sy'n derbyn Credyd Cynhwysol neu fudd-daliadau sy'n ymwneud ag incwm (ar gyfer Taith a Turing yn unig)
ymadawyr gofal a myfyrwyr sydd wedi bod mewn gofal
gofalwyr (ac eithrio Taith)
myfyrwyr sydd wedi'u dieithrio o'u teuluoedd.
ffoaduriaid a cheiswyr lloches.
profiad rhyngwladol neu broffesiynol cyntaf (ar gyfer Santander yn unig)

Sut i gyflwyno cais

Nid ydym yn argymell eich bod yn ymrwymo'n ariannol i'r rhaglen sy'n well gennych tan eich bod wedi derbyn cadarnhad o gyllid a rhagor o arweiniad gan Brifysgol Abertawe.

Gwnewch gais am gyllid

Cwblhewch Ffurflen Gais Bwrsariaeth Ewch yn Fyd-eang yma
Byddwn ni'n cadarnhau eich cymhwysedd am gyllid

Ymgeisio ar gyfer y rhaglen

Cyflwynwch gais yn uniongyrchol i Brifysgol Bergamo
Rhowch wybod i dîm Ewch yn Fyd-eang drwy e-bostio studyabroad@abertawe.ac.uk os byddwch yn cael eich derbyn i’r rhaglen