Travelteer Nepal

Mae Travelteer ar flaen y gad ym myd teithio'n gyfrifol a gwirfoddoli'n foesegol. Ar ôl i'w sefydlwyr gael profiad personol o'r effaith gadarnhaol y gall gwirfoddoli ei chael ar gymunedau lleol, mae'r sefydliad wedi llunio amrywiaeth o raglenni elusennol sy'n defnyddio setiau sgiliau gwirfoddolwyr i wneud gwahaniaeth go iawn. Mae ei athroniaeth yn cyfuno antur llawn ysbrydoliaeth â gwirfoddoli sy'n creu effaith fawr wrth gynnal amgylchedd diogel a chymdeithasol. Mae'r prosiectau i gyd yn cefnogi Travelteer Impact (ei elusen), lle bydd pob un geiniog o gyllid myfyrwyr yn ariannu prosiectau yn Sri Lanka a Nepal.

Mae Travelteer yn cynnal y rhaglen ganlynol yn Nepal:

Rhaglen datblygu cymunedol ym mhentrefi'r mynyddoeddhttps://travelteer.co.uk/programmes/community-development
Mae tîm Travelteer bob amser ar gael dros y ffôn neu drwy anfon e-bost neu neges destun i ateb unrhyw gwestiynau sydd gennych!
Bydd yn eich cyfeirio chi at wirfoddolwyr eraill ym Mhrifysgol Abertawe.
Bydd yn gwneud yn siŵr eich bod chi wedi eich paratoi'n llwyr am eich taith; gan gynnwys eich helpu chi i drefnu eich tocynnau awyren, trefnu eich fisa a hyd yn oed argymell beth dylech chi ei roi yn eich bag.
Mae tîm Travelteer yn darparu cymorth cynhwysfawr yn y wlad 24/7.
Rhoddir hyfforddiant ar gyfer y rhaglen yn y wlad ar ddechrau'r rhaglen.

Yn ogystal â chostau'r rhaglen, mae angen i'r holl gyfranogwyr godi o leiaf £75 yr wythnos ar gyfer pob wythnos y byddant yn gwirfoddoli. Mae angen i wirfoddolwyr sy'n ymgymryd â lleoliad pedair wythnos neu fwy godi o leiaf uchafswm o £300 o bunnoedd. Mae'r arian a godir yn galluogi Travelteer i brynu cyfarpar a datblygu'r rhaglenni ymhellach. Mae 100% o'r arian a godir yn mynd yn uniongyrchol i'r rhaglen rydych chi’n gwirfoddoli arni. Mae rhagor o wybodaeth ar gael yn https://travelteer.co.uk/fundraising

Os ydych chi’n barod i gyflwyno cais am y rhaglen, cwblhewch ein ffurflen gais am fwrsariaeth yma. Gellir dod o hyd i ragor o wybodaeth am y broses gyflwyno cais yn y gwymplen isod.

Rhesymau i gofrestru!

Mae tîm Travelteer bob amser ar gael dros y ffôn neu drwy anfon e-bost neu neges destun i ateb unrhyw gwestiynau sydd gennych!
Bydd yn eich cyfeirio chi at wirfoddolwyr eraill ym Mhrifysgol Abertawe.
Bydd yn gwneud yn siŵr eich bod chi wedi eich paratoi'n llwyr am eich taith; gan gynnwys eich helpu chi i drefnu eich tocynnau awyren, trefnu eich fisa a hyd yn oed argymell beth dylech chi ei roi yn eich bag.
Mae tîm Travelteer yn darparu cymorth cynhwysfawr yn y wlad 24/7.
Rhoddir hyfforddiant ar gyfer y rhaglen yn y wlad ar ddechrau'r rhaglen.

Costau a Chyllid

Amcangyfrif y costau ar gyfer pob myfyriwr: Oddeutu £550 y myfyriwr neu oddeutu £250 y myfyriwr sy'n gymwys am y cynllun Ehangu Cyfranogiad

Mae hwn wedi'i seilio ar amcangyfrif o gostau cyffredinol sy'n werth £2,180:

Cost y rhaglen ar gyfer 4 wythnos: £980 sy'n cynnwys:

Blaendal nad oes modd ei ad-dalu
llety
Trafnidiaeth rhwng prosiectau penodol
3 phryd o fwyd y dydd ac eithrio'r penwythnos

Amcangyfrif y costau ychwanegol: £1,200 sy'n cynnwys:

cost dybiedig hedfan - £1,050
cost y fisa - oddeutu £40
teithio rhwng meysydd awyr yn y wlad - oddeutu £90
Gwiriad gan y Gwasanaeth Datgelu a Gwahardd - oddeutu £18 os yw'n berthnasol, gan ddibynnu ar y rhaglen rydych chi’n ei dewis
Efallai y bydd costau ychwanegol gennych nas rhestrir uchod

Amcangyfrifwyd costau ychwanegol ar gyfer mis Tachwedd 2023 a gall y rheiny gynyddu/leihau. Efallai bydd angen i fyfyrwyr dalu costau ychwanegol nas nodir uchod. Amcangyfrifon yw'r ffigurau uchod a gallant newid.

CYLLID SYDD AR GAEL

Mae cyllid ar gael sy'n werth £1,630 y myfyriwr neu £1,930 y myfyriwr sy'n gymwys am y cynllun Ehangu Cyfranogiad

Mae cyllid ar gael i gefnogi hyd at 20 o fyfyrwyr cymwys o Brifysgol Abertawe ar gyfer y rhaglen wirfoddoli 4 wythnos.

Gwybodaeth Ychwanegol

Gall cyllid gael ei ddarparu gan Taith, Turing neu Ewch yn Fyd-eang.
Ni fydd diwrnodau rhaglen ar ôl 31 Awst 2024 yn cael eu hariannu.
Os byddwch yn methu â chwblhau'r rhaglen, bydd gofyn i chi ddychwelyd unrhyw gyllid rydych chi wedi ei dderbyn a byddwch chi'n gyfrifol am ad-dalu cost rhaglen Travelteer i Brifysgol Abertawe.
Ni all y rhaglen 4 wythnos gynnwys taith ddewisol Travelteer.
Nid oes cyllid ar gael ar gyfer y daith ddewisol
Os byddwch chi'n derbyn cyllid, caiff y gost o'r rhaglen sy'n weddill, sef £812, ei thalu'n uniongyrchol o'r cyllid a ddyrennir i chi i Travelteer. Byddwch yn derbyn y swm sy'n weddill o gyfanswm y cyllid a ddyrannwyd i chi ar ddechrau'r rhaglen unwaith bydd Travelteer wedi cadarnhau eich bod chi wedi cyrraedd Mae'n bwysig eich bod yn ystyried hyn wrth gyllidebu.

Cymhwysedd

Rhaid bod myfyrwyr wedi cofrestru ym Mhrifysgol Abertawe
Ni all myfyrwyr fod yn eu blwyddyn astudio olaf
Gall myfyrwyr ôl-raddedig gyflwyno cais am gyllid ond rhaid darparu tystiolaeth bod eu goruchwyliwr academaidd yn cymeradwyo eu bod yn cymryd rhan.

Meini Prawf Ehangu Cyfranogiad

incwm aelwyd blynyddol o £25,000 neu'n llai (gan godi i £30,000 ar gyfer bwrsariaethau Ewch yn Fyd-eang)
myfyrwyr sy'n derbyn Credyd Cynhwysol neu fudd-daliadau sy'n ymwneud ag incwm (ar gyfer Taith a Turing yn unig)
ymadawyr gofal a myfyrwyr sydd wedi bod mewn gofal
gofalwyr (ac eithrio Taith)
myfyrwyr sydd wedi'u dieithrio o'u teuluoedd.
ffoaduriaid a cheiswyr lloches.
profiad rhyngwladol neu broffesiynol cyntaf (ar gyfer Santander yn unig)

Sut i gyflwyno cais

Nid ydym yn argymell eich bod yn ymrwymo'n ariannol i'r rhaglen sy'n well gennych tan eich bod wedi derbyn cadarnhad o gyllid a rhagor o arweiniad gan Brifysgol Abertawe.

Cyflwynwch gais am gyllid

Cwblhewch Ffurflen Gais Bwrsariaeth Ewch yn Fyd-eang yma
Byddwn ni'n cadarnhau eich cymhwysedd am gyllid

Ymgeisio ar gyfer y rhaglen

Cyflwynwch gais yn uniongyrchol i Travelteer https://travelteer.co.uk/
Rhowch wybod i dîm Ewch yn Fyd-eang drwy e-bostio studyabroad@abertawe.ac.uk os byddwch yn cael eich derbyn ar gyfer y rhaglen