Ysgol Fusnes Mannheim, Yr Almaen

Yr haf hwn, gallech chi astudio yn un o'r ysgolion busnes gorau yn yr Almaen...

Gallwch chi gwrdd â phobl ar-lein ledled y byd, rhoi hwb i'ch rhwydwaith proffesiynol drwy drafod ag ymarferwyr profiadol a darganfod sut brofiad yw astudio yn ysgol fusnes orau'r Almaen. Mae Ysgol Fusnes Prifysgol Mannheim yn un o ysgolion busnes enwocaf Ewrop.Mae Prifysgol Mannheim yn ymddangos yn gyson ar frig y tablau cenedlaethol ac mae'n un o'r ychydig yn unig o sefydliadau Almaenaidd sydd wedi ennill y tri phrif achrediad rhyngwladol (AACSB, EQUIS, ac AMBA).

Peidiwch â cholli'r cyfle i ddysgu rhagor am yr Almaen ac ymgolli yn niwylliant Almaenaidd yr haf hwn!

Mae tri dewis 1 wythnos ar gael.Mae cyllid ar gael i fyfyrwyr sy'n cwblhau dwy wythnos yn olynol yn unig (h.y. Dewis 1+2 24 Mehefin i 5 Gorffennaf neu Ddewis 2+3 1 Gorffennaf i 12 Gorffennaf)

Entrepreneuriaeth ac Arloesedd - Cyllido torfol: 24-28 Mehefin 2024
Deallusrwydd Artiffisial mewn Busnes - 1-5 Gorffennaf 2024
Dylunio Modelau Busnes sydd wedi'u llywio gan ddata - 8 i 12 Gorffennaf 2024

Mae'r Ysgol Haf ar gyfer myfyrwyr graddedig a myfyrwyr israddedig uwch.Sylwer, ni ellir defnyddio credydau a enillir yn ystod y rhaglen haf hon tuag at eich gradd ym Mhrifysgol Abertawe.

Mae rhagor o wybodaeth ar gael ar wefan Ysgol Fusnes Mannheim.

Costau a Chyllid

Amcangyfrif o’r costau ar gyfer pob myfyriwr ar y rhaglen 2 wythnos:Oddeutu £500 y myfyriwr neu oddeutu £200 y myfyriwr sy'n gymwys am y cynllun Ehangu Cyfranogiad

Mae hwn wedi'i seilio ar amcangyfrif o gostau cyffredinol sy'n werth £2,200:

Amcangyfrif o gost y rhaglen ar gyfer pythefnos gan gynnwys dau fodiwl:£1,650 (1,900 o ewros) sy'n cynnwys:

Dysgu, deunyddiau darlithoedd
Ymweliadau â chwmnïau, gweithgareddau diwylliannol yn ystod yr wythnos
Llythyr gwahoddiad (sy'n angenrheidiol ar gyfer y fisa)
Cinio yn ystod yr wythnos, derbyniad croeso a derbyniad ffarwelio yng nghyfleusterau darlithio Ysgol Fusnes Mannheim
Cludiant Cyhoeddus i ymweld â chwmnïau a mynd i ddigwyddiadau cymdeithasol yn ystod y rhaglen
Mynediad at Wi-Fi ar y campws
Pecyn gwybodaeth a chroeso
Tystysgrif o gyfranogiad, trawsgrifiad o gofnodion
Cymorth gan y tîm Rhaglenni Byrion cyn a thrwy gydol y rhaglen

Amcangyfrif y costau ychwanegol: £550 sy'n cynnwys:

cost dybiedig hedfan - £150
cost dybiedig llety - £400

Amcangyfrifwyd costau ychwanegol ar gyfer mis Chwefror 2024 a gall y rheiny gynyddu/leihau. Efallai bydd angen i fyfyrwyr dalu costau ychwanegol nas nodir uchod. Amcangyfrifon yw'r ffigurau uchod a gallant newid

CYLLID SYDD AR GAEL

Mae cyllid ar gael sy'n werth £1,700 y myfyriwr neu £2,000 y myfyriwr sy'n gymwys am y cynllun Ehangu Cyfranogiad

Mae cyllid ar gael i gefnogi hyd at 4 o fyfyrwyr cymwys o Brifysgol Abertawe ar gyfer y rhaglen 2 wythnos.

Gwybodaeth Ychwanegol

Nid ydym yn argymell eich bod yn ymrwymo'n ariannol i'r rhaglen sy'n well gennych tan eich bod wedi derbyn cadarnhad o gyllid a rhagor o arweiniad gan Brifysgol Abertawe.
Chi fydd yn gyfrifol am dalu blaendal o 490 o ewros yn uniongyrchol i Brifysgol Mannheim.
Chi fydd yn gyfrifol am dalu costau'r rhaglen i Brifysgol Mannheim
Mae cyllid ar gael am y rhaglen bythefnos sy'n cynnwys 2 fodiwl yn unig
Gall cyllid gael ei ddarparu gan Taith neu Ewch yn Fyd-eang.
Ni fydd diwrnodau rhaglen ar ôl 31 Awst 2024 yn cael eu hariannu.
Os byddwch yn methu cwblhau'r rhaglen, bydd gofyn i chi ddychwelyd unrhyw gyllid rydych chi wedi ei dderbyn. Ceir manylion am bolisi canslo Ysgol Fusnes Mannheim yma:MBS Summer School 2024_Terms and Conditions_Data Protection (mannheim-business-school.com).
Os byddwch yn derbyn cyllid, caiff hwn ei dalu unwaith ein bod ni wedi cael cadarnhad eich bod chi wedi cyrraedd Mannheim. Mae'n bwysig eich bod yn ystyried hyn wrth gyllidebu.

Sut i gyflwyno cais

Gwnewch gais am gyllid

Cwblhewch Ffurflen Gais Bwrsariaeth Ewch yn Fyd-eang yma
Byddwn ni'n cadarnhau eich cymhwysedd am gyllid

Ymgeisio ar gyfer y rhaglen:

Y dyddiad cau i gyflwyno cais yw 30 Ebrill
Cyflwynwch gais yn uniongyrchol i Ysgol Fusnes Mannheim
Rhowch wybod i dîm Ewch yn Fyd-eang drwy e-bostio studyabroad@abertawe.ac.uk os byddwch yn cael eich derbyn i’r rhaglen

Ysgol Fusnes Mannheim, Yr Almaen