Mathemateg, MSc

Gibin Powathil

Trosolwg o'r Cwrs

Mae ein MSc mewn Mathemateg yn ddelfrydol os ydych chi am adeiladu ar eich BSc, ymestyn eich gwybodaeth drwy amrywiaeth ehangach o bynciau, ac arddangos eich sgiliau ymchwilio i lenyddiaeth drwy draethawd hir estynedig.

Byddwch yn astudio elfennau gwahanol mathemateg megis elfennau mathemategol cyfrifiadura, ac yn datblygu eich sgiliau ymchwil, rheoli prosiectau a chyfathrebu ysgrifenedig.

Mae ein cymorth arbenigol helaeth yn eich helpu i lunio eich traethawd hir, gan greu sylfaen ardderchog ar gyfer eich gyrfa yn y dyfodol.

Pan fyddwch chi'n graddio, byddwch yn fathemategydd gwybodus â’r sgiliau profedig i weithio'n annibynnol i gyflawni prosiectau sylweddol. Bydd hyn yn rhoi mantais unigryw i chi yn y farchnad swyddi sy'n dod yn fwyfwy cystadleuol. 

Pam Mathemateg ym Mhrifysgol Abertawe?

Mae ein Hadran Fathemateg drws nesaf i draeth hyfryd Bae Abertawe yn adeilad y Ffowndri Gyfrifiadol ar ein Campws y Bae. Mae gan fyfyrwyr fannau astudio ac addysgu pwrpasol a ddyluniwyd gan fathemategwyr ac ar eu cyfer. At hynny, mae llyfrgell yr adran yn llawn adnoddau astudio ac ymchwil.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Eich profiad ym maes Mathemateg

Mae ein staff yn arbenigwyr yn eu maes mathemateg ac mae'r rhan fwyaf ohonynt wedi’u cydnabod yn Gymrawd neu’n Uwch-gymrawd yr Academi Addysg Uwch. Bydd academyddion llawn ysbrydoliaeth ac o fri rhyngwladol sydd ag arbenigedd mewn amrywiaeth o bynciau ym meysydd mathemateg bur a chymhwysol yn llunio eich dysgu.

Rydym hefyd yn meithrin ymdeimlad o gymuned a pherthyn drwy drefnu digwyddiadau cyflogadwyedd rheolaidd, lle daw siaradwyr allanol i siarad â chi yn ein Hystafell Ddarllen. Rydym yn annog y gweithgareddau difyr hyn i sicrhau eich bod yn datblygu rhwydweithiau proffesiynol ac yn gwneud ffrindiau, gan greu amgylchedd cefnogol.  Caiff eich astudiaethau eu cefnogi gan gyfleusterau sy'n cynnwys prif lyfrgell y Brifysgol - sy'n cynnwys casgliad helaeth o adnoddau mathemategol, a'n Gwasanaethau Digidol.

Gyrfaoedd a Chyflogadwyedd

Mae MSc mewn Mathemateg yn rhoi hwb sylweddol i'ch rhagolygon gyrfa. Mae cyrchfannau gyrfa poblogaidd yn cynnwys y proffesiwn actiwaraidd, cyllid, technoleg a busnes, lle mae galw mawr am fathemategwyr i ymgymryd â swyddi dadansoddi ystadegol, ymchwil a datblygu.

Mae cyrchfannau cyffrous posib ar gyfer graddedigion yn cynnwys:

  • Addysgu
  • Y sector actiwaraidd - yn benodol ar gyfer myfyrwyr sy'n dewis y cyfuniadau gofynnol o fodiwlau dewisol i gymhwyso ar gyfer eithriadau IFoA posib.
  • Y Sector Bancio a Chyllid - er enghraifft, cyfrifyddiaeth yn y sectorau preifat a chyhoeddus, y diwydiant yswiriant a bancio yn y ddinas
  • Gyrfaoedd Ystadegau - mae hyn yn cynnwys gyrfaoedd yn y sectorau preifat a chyhoeddus
  • Rhaglennu - rhaglennu cyfrifiadurol cyffredinol a rhaglennu ystadegol
  • Astudiaethau pellach - mae ein rhaglenni gradd yn cynnig sylfaen fathemategol gref ar gyfer astudiaethau PhD

Yn ddiweddar mae ein graddedigion wedi dod o hyd i swyddi mewn sefydliadau gan gynnwys AXA, British Airways, Deutsche Bank, Shell Research, awdurdodau iechyd a llywodraeth leol.

Mae gradd mewn Mathemateg yn radd fodern, hygyrch a chynhwysol sy'n rhoi i chi'r sgiliau amrywiol a'r hyder y mae galw mawr amdanynt gan gyflogwyr heddiw.