Callum Pink, Hyfforddwr Perfformiad Uchel
Callum yw Prif Hyfforddwr tîm hoci Merched Cyntaf Prifysgol Abertawe. Mae'n hyfforddwr hoci cymwysedig Lefel 2 UKCC, ac yn ddyfarnwr cymwysedig. Mae Callum yn gyn-fyfyriwr o Brifysgol Abertawe, lle cwblhaodd ei PhD mewn Peirianneg Fecanyddol yn ddiweddar.
Yn ystod ei gyfnod ym Mhrifysgol Abertawe, llwyddodd Callum i feithrin profiad helaeth o'r rhaglen hoci, yn ei rôl fel capten y clwb a thrysorydd y clwb. Diolch i'w brofiad helaeth o'r clwb hoci ym Mhrifysgol Abertawe, mae Callum bellach yn dilyn llwybr hyfforddi perfformiad Hoci Cymru ac yn rheoli ac yn cyfrannu at y gwaith o bennu cyfeiriad strategol, arwain a goruchwylio hoci perfformiad ym Mhrifysgol Abertawe.
Gareth Beer, Hyfforddwr Cryfder a Chyflyru
Mae Gareth yn cynllunio, yn cyflwyno ac yn monitro cymorth cryfder a chyflyru i athletwyr perfformiad uchel a chlybiau chwaraeon yn y Brifysgol. Mae gan Gareth brofiad helaeth o gefnogi llawer o athletwyr mewn gwahanol chwaraeon ac mae wedi gweithio gyda Rhwyfo Cymru, Jiwdo Cymru ac Academi'r Scarlets. Mae Gareth yn gyn-chwaraewr rygbi lled-broffesiynol â diddordeb mewn cic-focsio, MMA ac mae wrthi'n hyfforddi ar hyn o bryd ar gyfer cystadleuaeth Dyn Haearn. Mae Gareth yn frwdfrydig iawn ynghylch chwaraeon, perfformiad uchel, cryfder a chyflyru, maeth, gweithgarwch corfforol ac mae'n mwynhau teithio.
.png)
