Gwyddor Barafeddygol, BSc (Anrh)

Mae gofynion mynediad academaidd yn berthnasol i'r holl ymgeiswyr, gan gynnwys myfyrwyr aeddfed. Mae'r isafswm ofynion mynediad academaidd y bydd eu hangen ar ymgeiswyr fel a ganlyn:

Lefel 2

5 TGAU gydag o leiaf radd C gan gynnwys:

• Mathemateg
• Gymraeg neu Saesneg
• Gwyddoniaeth

Lefel 3: Safon Uwch/BTEC/Mynediad at Addys Uwch

Gradd B mewn 3 Safon Uwch (BBB). Mae'n well gennym Safon Uwch mewn Gwyddoniaeth ond nid yw hyn yn hanfodol.

Byddwn yn ystyried Diploma Estynedig BTEC yn hytrach na Safonau Uwch.

Mae hwn yn gyfwerth â 120 o Bwyntiau Tariff UCAS.

Derbynnir cyrsiau Diploma Mynediad at Addysg Uwch mewn pynciau sy'n gysylltiedig ag iechyd neu wyddoniaeth yn unol â'r manylebau isod. 

Dyma'r graddau angenrheidiol ar gyfer y Diploma Mynediad at Addysg Bellach:

• 24 o raddau Rhagoriaeth
• 18 o raddau Teilyngdod
• 3 o raddau Llwyddo 

Dylai'r credydau gynnwys o leiaf:

• 15 o gredydau ar lefel 2 (heb eu graddio ond rhaid i chi lwyddo: gweler y cafeat isod) a
• 45 o gredydau ar lefel 3 (wedi'u graddio)

Mae angen o leiaf radd Teilyngdod ar gyfer credydau ychwanegol y gellir ymgymryd â hwy.

Lefel 4

Ni fyddai angen Safonau Uwch os byddai gennych Ddiploma Addysg Uwch, Tystysgrif Addysg Uwch neu Radd. Mae'n well gennym bwnc sy'n gysylltiedig â gofal iechyd neu wyddoniaeth.

Achredu/Cydnabod Dysgu Blaenorol

Unigolion brofiad perthnasol a fyddai'n caniatáu iddynt gael mynediad at y rhaglen, p'un a oes ganddynt y cymwysterau uchod ai peidio. Yn yr amgylchiadau unigryw hyn, gellir defnyddio'r egwyddorion a'r prosesau Cydnabod Dysgu Blaenorol ac Achredu Dysgu Blaenorol.

Gallu yn yr Iaith Saesneg

Rhaid bod ymgeiswyr yn gallu cyfathrebu yn Saesneg hyd at safon dda yn unol â gofynion proffesiynol y rhaglen.

Caiff hyn ei fesur fel ei fod yn gyfwerth â lefel 7 o'r System Brofi Ryngwladol ar gyfer yr Iaith Saesneg (IELTS), ac rhaid i bob elfen fod â gradd 6.5 ac uwch.

Gofynion Trwydded Yrru

Rhaid i ymgeiswyr feddu ar drwydded yrru â llaw Categori B llawn y DU heb fod â mwy na thri phwynt cosb i'w hystyried am gynnig - fodd bynnag, anogir unigolion sy'n cael gwersi gyrru ar hyn o bryd i gyflwyno cais hefyd.

Erbyn dechrau'r cwrs, rhaid i ymgeiswyr feddu ar:

• Drwydded dros dro categori C1.
• Mae categori C1 llawn (neu’n uwch) yn ddymunol ond nid yn hanfodol.

Bydd angen geirda addysgol boddhaol ar bob ymgeisydd.

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/galwad fideo. Mae ein Cyngor Cyfweliadau yn esbonio mwy am yr hyn y gallwch ei ddisgwyl.

Os ydych yn llwyddiannus yn y cyfweliad, bydd unrhyw gynnig lle yn amodol ar wiriad y Gwasanaeth Datgelu a Gwahardd/yr Heddlu boddhaol neu gyfwerth gan eich gwlad gartref yn ogystal â datganiad iechyd galwedigaethol ac asesiad cyn dechrau eich astudiaethau. Darperir rhagor o fanylion os byddwch yn derbyn cynnig.

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Byddwch yn elwa o ddull dysgu cyfunol hyblyg, gan gynnwys darlithoedd, seminarau, dysgu gyda chymorth cyfrifiadur, ymarfer clinigol, cynnwys defnyddwyr gwasanaeth, efelychu, sesiynau mentora yn ogystal ag ystod lawn o fodiwlau e-ddysgu'r GIG, ee hyfforddiant Trais ac Ymosodedd, llawlyfr triniaeth, asesiad cleifion, ac ati.

Byddwch yn gallu rhoi eich dysgu academaidd mewn ymarfer clinigol gyda chefnogaeth profiad Ymarferwyr gofal iechyd. Datblygu sgiliau rhyngbersonol a chefnogi mewnwelediad i wasanaethau ambiwlans; y lleoliad cyntaf fydd 3 wythnos gyda'r WAST ac un diwrnod yn un o'r canolfannau cyswllt clinigol rhanbarthol yng Nghymru.

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Cymeradwywyd gan Gyngor y Proffesiynau Iechyd a Gofal

Nikki Williams - Athro Cyswllt & Arweinydd Tîm Gwyddoniaeth Barafeddygon

Tom Hewes - Uwch Ddarlithydd mewn Parafeddygaeth a Chyfarwyddwr Rhaglen Gwyddoniaeth Barafeddygon BSc (Anrh)

Marc Lewis - Uwch darlithydd mewn Parafeddygaeth a Chyfarwyddwr y Rhageln BSc (Anrh) Gwyddor Barafeddygol ar gyfer TAMs

Paul Haddow - Uwch-ddarlithydd Gwyddoniaeth Parafeddyg

Marc Thomas - Uwch-ddarlithydd Gwyddoniaeth Parafeddyg

Fen Sanders-Lamb - Uwch-ddarlithydd Gwyddoniaeth Parafeddyg a Thiwtor Derbyn

Jason Sadler - Uwch-ddarlithydd Gwyddoniaeth Parafeddyg

Dean Messer - Darlithydd Gwddoniaeth Parafeddyg 

Matt Waters - Darlithydd Gwddoniaeth Parafeddyg 

Catrin Davies - Darlithydd Gwddoniaeth Parafeddyg 

Tace Richards - Darlithydd Gwddoniaeth Parafeddyg (Cymraeg Rhugl)

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Os gallwch ymrwymo i weithio yng Nghymru am ddwy flynedd ar ôl graddio, gallai eich ffioedd dysgu gael eu talu'n llawn drwy Gynllun Bwrsariaeth GIG Cymru. Yn ogystal, gallech gael cyllid cynhaliaeth a benthyciad ar gyfradd ostyngol gan Cyllid Myfyrwyr.

Gwelwch ein tudalen Nawdd GIG i wirio eich cymhwyster am gyllid cyn gwneud cais.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Gwiriad DBS uwch. Ar hyn o bryd mae hyn yn costio £40 ac mae'n daladwy gan ymgeiswyr,
• Costau meddyg teulu i brosesu ffurflen gwirio iechyd galwedigaethol. Ariennir eich gwiriad iechyd gan yr Ysgol Iechyd a Gofal Cymdeithasol ond mae disgwyl i chi dalu unrhyw gostau meddyg teulu.
• Parcio a theithio tra ar leoliad clinigol. Bydd y milltiroedd y cesglir yn cael eu had-dalu (ar hyn o bryd yn 27c / milltir) ar ddiwedd eich lleoliad. Lle nad oes parcio rhad ac am ddim ar gael mewn lleoliad clinigol, gellir adennill costau parcio hefyd ar ddiwedd y lleoliad,
• Efallai yr hoffech brynu'ch stethosgop eich hun (ar gael am oddeutu £40) a / neu oriawr ffob (ar gael am ryw £6).

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Yn ystod y cwrs, gallwch ennill un o ddau ddyfarniad:

Tystysgrif Addysg Uwch (Gofal Brys a Heb ei Drefnu)

Rhaid i chi lwyddo mewn 120 o gredydau ar lefel 4 i ennill y dystysgrif hon; gallwch gwblhau'r dystysgrif o fewn blwyddyn. Os byddwch yn gadael y cwrs ar ddiwedd y flwyddyn gyntaf, ni fyddwch yn gymwys i wneud cais i Gyngor y Proffesiynau Iechyd a Gofal am gael cofrestru fel parafeddyg.

Diploma Addysg Uwch (Astudiaethau Gwyddor Parafeddygol)

Rhaid i chi lwyddo mewn 240 o gredydau, gyda 120 o'r credydau hynny ar lefel 5, i ennill diploma. Gallwch gwblhau'r Diploma o fewn dwy flynedd yn llawn amser ac, ar ôl ei gwblhau, byddwch yn gymwys i wneud cais i Gyngor y Proffesiynau Iechyd a Gofal am gael cofrestru fel parafeddyg.