Graddau Rhyngosodol

GRADDAU RHYNGOSODOL

Mae gradd ryngosodol yn cynnwys blwyddyn ychwanegol o astudio ar ben eich rhaglen radd mewn Meddygaeth ac mae’n gyfle i archwilio maes newydd yn fanylach, ennill gwybodaeth newydd a meithrin sgiliau newydd.

Mewn rhai ysgolion meddygaeth, mae hyn yn orfodol, ond mewn llawer o ysgolion eraill mae’n ddewisol.

Er nad oes rhaid gwneud blwyddyn ychwanegol ar ein rhaglen Feddygaeth, rydym yn annog ein holl fyfyrwyr i ystyried y dewis hwn.

Mae profiad wedi dangos y bydd y rhai sydd wedi cymryd gradd ryngosodol yn ennill gwybodaeth ddyfnach am yr wyddoniaeth ategol yn ogystal â dealltwriaeth well am eu hastudiaethau clinigol.

Cysylltwch â ni

E-bostiwch study@abertawe.ac.uk

Beth yw manteision astudio ar gyfer gradd ryngosodol?

Mae cael saib o’ch astudiaethau er mwyn gwneud blwyddyn ychwanegol yn rhoi cyfle ichi:

Chwilio’n ddyfnach i bwnc neu arbenigedd sydd o ddiddordeb i chi
Gwella eich rhagolygon gyrfaol mewn marchnad sy’n gystadleuol i raddedigion (i fyfyrwyr meddygaeth, bydd blwyddyn ychwanegol lwyddiannus yn ennill pwyntiau ychwanegol sy’n gallu eich helpu i sicrhau’r lleoliad F1 o’ch dewis pan fyddwch yn graddio);
Gwella eich sgiliau ymchwil, meddwl gwyddonol beirniadol, gwerthuso tystiolaeth ac ysgrifennu academaidd;
Cwrdd â ffrindiau newydd a chael profiad o fywyd fel myfyriwr ymaith o’ch rhaglen glinigol
Cael profiad o ddinas newydd – gallwch gwblhau’r radd hon mewn prifysgol sy’n wahanol i’r un lle rydych yn astudio ar hyn o bryd

Sut ydw i’n cyflwyno cais am Radd Ryngosodol?

Byddai gofyn i ddarpar fyfyrwyr gradd Meistr Ryngosodol gyflwyno cais drwy broses ymgeisio’r Brifysgol.

Bydd gofyn ichi gyflwyno trawsgrifiad o’ch perfformiad academaidd presennol a llythyr o gefnogaeth (sy’n cadarnhau y cewch eich rhyddhau) gan eich Ysgol Feddygaeth.

Beth bydd Gradd Ryngosodol yn costio imi?

Os byddwch yn talu eich ffioedd eich hun, bydd disgwyl ichi wneud hynny am y flwyddyn ychwanegol. Pennir y Ffioedd Dysgu gan bob cwrs penodol – bydd hyn ar gael ichi ar dudalennau gwe pob un o’r cyrsiau, sydd wedi’u rhestru uchod.

Dysgwch am Ffioedd Ôl-raddedig a Chyllid yma.

Pryd caf ddechrau’r radd?

Caiff myfyrwyr sydd ar raglenni hyfforddiant sy’n para 5 mlynedd gyflwyno cais am ddechrau gradd Meistr ryngosodol ar ddiwedd eu trydedd flwyddyn (gan ei bod yn cyfateb i gwblhau 360 o gredydau gradd israddedig) a dychwelyd i flwyddyn 4 eu rhaglenni meddygaeth.

O ran cyrsiau Meddygaeth i Raddedigion, argymhellir ichi gyflwyno cais a chymryd cyfle gradd Meistr ryngosodol rhwng diwedd blwyddyn 2 a dychwelyd i flwyddyn 3 eich cwrs meddygaeth.

Ga i wneud gradd sy’n seiliedig ar ymchwil?

Cewch. Oherwydd bod llawer o flynyddoedd olaf yn seiliedig ar ymchwil, rydym yn cynnig cyfleoedd rhyngosodol ar y cyrsiau canlynol hefyd:

MSci mewn Biocemeg Feddygol (Blwyddyn 4)
MSci mewn Geneteg (Blwyddyn 4)
MSci Mewn Biocemeg a Geneteg (Blwyddyn 4)
MSci mewn Geneteg Feddygol (Blwyddyn 4)
MPharm (Blwyddyn 4)

Graddau Rhyngosodol