Therapi Galwedigaethol, BSc (Anrh)

Safon Uwch: O leiaf BBB. Mae cyrsiau iechyd neu sy'n gysylltiedig â gwyddoniaeth yn ddymunol.

Diploma Mynediad at Addysg Uwch: Cyfanswm o 60 credyd gydag o leiaf 45 ar lefel 3 a 15 ar lefel 2. O'r 45 credyd ar lefel 3, bydd rhaid cael o leiaf 24 rhagoriaeth, o leiaf 18 teilyngdod ac uchafswm o 3 llwyddiant

BTEC: DDM

Lefelau T: Teilyngdod

Bagloriaeth Sgiliau Cymru Uwch: B a BB yn Safon Uwch neu DD yn BTEC

Tystysgrif Gadael Iwerddon:360

TGAU: O leiaf bum TGAU graddau A i C. Rhaid i'r rhain gynnwys Iaith Gymraeg/Saesneg, Mathemateg a Gwyddor Ffisegol neu Wyddoniaeth Ddwbl.

IELTS: Lefel 7 heb gydran sy'n llai na 6.5 (I ymgeiswyr sydd wedi ennill cymwysterau mynediad y tu allan i'r DU)

I ymgeiswyr ansafonol: Cydnabyddir y gallai fod gan ymgeiswyr heb gymwysterau ffurfiol brofiad a gwybodaeth berthnasol. Caiff ceisiadau eu hystyried ar sail unigol.

Cydnabyddiaeth o Ddysgu Blaenorol: Ystyrir ceisiadau yn unigol. Fel Prifysgol, mae gennym hefyd bolisi gydnabyddiaeth o`ddysgu blaenorol i gefnogi nodau ehangu mynediad.

Os ydych yn cael cynnig lle ar y rhaglen hon, bydd gofyn hefyd am y canlynol:

• Gwiriad Datgelu a Gwahardd ("DBS") uwch boddhaol. Caiff ceisiadau gan ddarpar ddysgwyr ag euogfarn droseddol eu hystyried ar sail unigol, gan gyfeirio at Safonau Ymddygiad, Perfformiad a Moeseg diweddaraf y Cyngor Proffesiynau Iechyd a Gofal. Mae gennym ni ddull sefydledig ar gyfer ymdrin â sefyllfaoedd fel hyn drwy brosesau Ffitrwydd i Ymarfer. Ymgeiswyr fydd yn gorfod talu am eu gwiriad datgelu a gwahardd.
• Mae asesiad Iechyd Galwedigaeth yn cadarnhau y bydd ymgeiswyr yn ffit i ymgymryd â'r rhaglen.

Yn ogystal, rhaid i ddysgwyr fodloni Canllawiau Iechyd (Mawrth 2007) ‘Health clearance for, Tuberculosis, Hepatitis B, Hepatitis C and HIV: New healthcare workers’.

Bydd angen geirda addysgol boddhaol ar bob ymgeisydd.

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/galwad fideo. Mae ein Cyngor Cyfweliadau yn esbonio mwy am yr hyn y gallwch ei ddisgwyl.

Os ydych yn llwyddiannus yn y cyfweliad, bydd unrhyw gynnig lle yn amodol ar wiriad y Gwasanaeth Datgelu a Gwahardd/yr Heddlu boddhaol neu gyfwerth gan eich gwlad gartref yn ogystal â datganiad iechyd galwedigaethol ac asesiad cyn dechrau eich astudiaethau. Darperir rhagor o fanylion os byddwch yn derbyn cynnig.

Bydd gofyn i bob ymgeisydd gael gwiriad manylach gan y Gwasanaeth Datgelu a Gwahardd (DBS) a gwiriad iechyd galwedigaethol.  Gellir ystyried unrhyw bryderon sy'n codi o'r rhain ym Mhanel Addasrwydd a Phriodoldeb i Ymarfer Proffesiynol yr Ysgol Iechyd a Gofal Cymdeithasol a gall arwain at dynnu lle ar y rhaglen yn ôl.

Byddwch yn profi cymysgedd o addysgu wyneb yn wyneb a rhithwir, astudio hunangyfeiriedig a lleoliadau yn seiliedig ar ymarfer mewn tri lleoliad gwahanol dros gyfnod eich cwrs. Bydd yr astudiaeth yn cael ei harwain gan dîm staff therapi galwedigaethol pwrpasol i'ch helpu chi i ddysgu mewn lleoliadau dysgu theori, ymarferol a lleoliad dan arweiniad theori.

Byddwch yn treulio cyfanswm o tua 1050 awr ar leoliad, yn ymgysylltu â phartneriaid practis a phobl sy'n defnyddio gwasanaethau therapi galwedigaethol. Gall lleoliadau fod mewn lleoliadau gwledig neu drefol a'ch galluogi i ddysgu am sut y gall therapi galwedigaethol fod yn effeithiol gyda phobl sydd ag ystod o wahanol anghenion. Bydd hyn yn eich helpu i ddysgu'r wybodaeth, y sgiliau a'r proffesiynoldeb sy'n ofynnol i weithio ochr yn ochr ag ystod eang o bobl ag anghenion corfforol, iechyd meddwl neu gymdeithasol. Rhoddir cyfle hefyd i ddysgu am bwysigrwydd cydweithredu rhyngbroffesiynol i gyfoethogi profiad y bobl sy'n defnyddio gwasanaethau a'u gofalwyr.

Gwybodaeth ar gyfer Myfyrwyr Rhan-Amser

Bydd yn ofynnol i fyfyrwyr rhan-amser fynychu'r campws unwaith yr wythnos ar gyfer addysgu, er hynny ar gyfer blociau lleoliad disgwylir i fyfyrwyr fynychu'r rhain yn llawn amser. Hefyd, fe fydd disgwyl i fyfyrwyr rhan-amser fynychu un wythnos lawn o addysgu ar y campws bob tymor, pan nad ydynt ar leoliad. Yn eu 4edd flwyddyn bydd yn ofyniad presenoldeb o 2 wythnos ar gyfer y modiwl ymarferwr arbenigol. Ar draws y pedair blynedd, mae lleoliadau yn cyfrif am 8 wythnos ym mlwyddyn 1, 10 wythnos ym mlwyddyn 3 a 12 wythnos ym mlwyddyn 4.

Argymhellwn bod myfyrwyr rhan-amser yn treulio diwrnod ychwanegol bob wythnos ar eu hastudiaethau i'w helpu gyda'u hastudiaethau. Bydd angen i fyfyrwyr mewn cyflogaeth drafod yr amser angenrheidiol ar gyfer eu hastudiaethau gyda'u cyflogwr.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un i wella eich sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Mae’r rhaglen hon wedi’i chymeradwyo gan y Cyngor Proffesiynau Iechyd a Gofal ac wedi’i hachredu gan Gorff Proffesiynol y DU, Coleg Brenhinol y Therapyddion Galwedigaethol (RCOT). Bydd achrediad RCOT hefyd yn rhoi cydnabyddiaeth gan Ffederasiwn Therapyddion Galwedigaethol y Byd.

Mae'r tîm addysgu'n cynnwys therapyddion galwedigaethol cofrestredig cymwys a brwdfrydig HCPC ochr yn ochr â darlithwyr arbenigol eraill sydd ag ystod eang o wybodaeth broffesiynol i'w rhannu gyda chi.

Mae profiad y timau o therapi galwedigaethol mewn lleoliadau iechyd a gofal cymdeithasol neu’r gymuned ehangach yn darparu adnodd rhagorol i ddysgwyr ddatblygu dealltwriaeth o’r berthynas rhwng theori ac ymarfer.

Mae'r tîm yn arbenigwyr yn eu maes ac maent wedi ymrwymo i wella gwasanaethau therapi galwedigaethol ar lefel leol, genedlaethol a rhyngwladol trwy ymwneud â chymdeithasau cenedlaethol, cyhoeddiadau proffesiynol a rhannu gwybodaeth yn yr amgylchedd iechyd a gofal cymdeithasol ehangach.

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Os gallwch chi ymrwymo i weithio yng Nghymru am ddwy flynedd wedi i chi raddio, fe allech gael eich ffioedd dysgu wedi eu talu’n llawn trwy Gynllun Bwrsariaeth GIG Cymru, yn ogystal â chyllid cynhaliaeth a benthyciad cyfradd is gan Gyllid Myfyrwyr.

Cyn gwneud cais, gweler ein tudalen we Cyllido'r GIG i wirio'ch cymhwysedd i gael cyllid.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

*Mae’r cwrs hwn ar gael drwy’r system Glirio a gallwch Ymgeisio ar-lein neu drwy ffonio 0808 175 3071.

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Llawn amser: I'r rhai sy'n gwneud cais i astudio ein cwrs llawn amser BSc Therapi Galwedigaethol dylech wneud cais trwy UCAS.

Rhan-amser: Ar gyfer ein cwrs rhan-amser BSc Therapi Galwedigaethol dylech wneud cais yn uniongyrchol drwy'r botwm 'Gwneud Cais' ar y dudalen hon.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.