Mathemateg a Chyfrifiadureg, BSc (Anrh)

Darganfyddwch Abertawe yn ein Diwrnod Agored nesaf

Cadwch le heddiw
mathemateg

Trosolwg o'r Cwrs

Mae mathemateg yn sail i bob maes cyfoes o ran gwyddoniath, busnes a thechnoleg. Mae ein gradd BSc tair blynedd mewn Mathemateg a Chyfrifiadureg yn rhaglen uchel ei pharch sy'n croesawu myfyrwyr o bob cwr o'r byd.

Drwy gydol eich astudiaethau byddwch yn datblygu sylfaen gadarn yng nghysyniadau sylfaenol mathemateg a chyfrifiadureg, gan gwmpasu ystod o bynciau sy'n berthnasol i fyd diwydiant gan gynnwys modelu, graffeg, diogelwch, dadansoddi data, dysgu peirianyddol a deallusrwydd artiffisial.

Byddwch hefyd yn cael cyfle i ddewis un o dair thema allweddol; Modelu ac Efelychu, Gwyddor Data a Rhesymeg, ac AI, gan ystyried y sylfeini damcaniaethol a datblygu'r sgiliau ymarferol mewn rhaglennu a datrys problemau, i roi ffocws i'ch diddordebau a'ch rhagolygon gyrfa.

Bydd eich dysgu yn cael ei lywio gan academyddion llawn ysbrydoliaeth ac o fri rhyngwladol sydd ag arbenigedd mewn ystod o bynciau, a byddwch yn astudio mewn mannau addysgu pwrpasol wedi'u cynllunio gan fathemategwyr ac ar eu cyfer.

Byddwch yn meistroli syniadau a rhesymeg mathemateg a chyfrifiadureg a'u cymwysiadau, â sgiliau dadansoddol cryf, rhesymu rhesymegol, trin data a meddwl meintiol, gan adeiladu set ddymunol iawn o briodoleddau graddedigion a fydd yn eich gosod ben ac ysgwyddau uwchlaw eraill yn y farchnad gyflogaeth.

Pam Mathemateg yn Abertawe?

Byddwch yn astudio mewn adran uchel ei pharch yn ein Ffowndri Gyfrifiadol y buddsoddwyd £32.5m ynddi, ar ein Campws y Bae arfordirol.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Mae gofynion mynediad yna i roi arweiniad i chi, nid i fod yn rhwystr, a bydd ein cynnig wedi cael ei deilwra ar eich cyfer chi a beth rydym yn meddwl y medrwch chi ei gyflawni.

Rydym yn gwybod bod pethau'n gallu newid wrth i chi fynd drwy'r siwrnai. Gallwch siarad â ni am eich cynnig ar unrhyw gyfnod a byddwn yn gwneud yn siŵr ei fod yn gynnig y medrwch chi ei gyflawni.

Eich profiad mathemateg

Byddwch yn elwa o fannau dysgu ac addysgu pwrpasol, yn rhan o'r Ffowndri Gyfrifiadol o'r radd flaenaf y buddsoddwyd £32.5m ynddi , a ddatblygwyd yn benodol ar gyfer mathemategwyr a chyfrifiadurwyr. Mae'r cyfleusterau'n cynnwys Ystafell Ddarllen Mathemateg, hyb ar gyfer astudio a gwaith grŵp, llyfrgell adrannol o adnoddau ar gyfer dysgu ac ymchwil, a gofod rhwydweithio i fyfyrwyr gymdeithasu.

Byddwch yn cael eich addysgu gan arbenigwyr yn eu meysydd, a byddwch yn cael cymorth personol drwy gydol eich astudiaethau, drwy diwtorialau mewn grwpiau bach a chynllun mentora cymheiriaid i'ch helpu wrth ddechrau eich cwrs.

Mae gan yr Adran Fathemateg gymdeithas fyfyrwyr weithgar, Cymdeithas Myfyrwyr Mathemateg Prifysgol Abertawe (SUMSOC), sy'n cynnal digwyddiadau cymdeithasol ac academaidd mynych i ddod â myfyrwyr a staff at ei gilydd.

Gyrfaoedd a Chyflogadwyedd

Ar ôl cwblhau eich gradd, gallwch fod yn hyderus o'ch rhagolygon gyrfa, gan fod galw mawr am fathemategwyr a chyfrifiadurwyr mewn ystod eang o ddiwydiannau a sectorau, gan gynnwys:

  • Data, dadansoddeg a thechnoleg
  • Cyllid, bancio a buddsoddi
  • Diwydiannau creadigol
  • Y llywodraeth, y sector cyhoeddus a'r Gwasanaeth Sifil
  • Addysg ac addysgu
  • Meddalwedd a Gwasanaethau Digidol
  • Busnes, ymgynghori a gweithrediadau
  • Yswiriant a materion actiwaraidd

Mae ein graddedigion wedi cael cyflogaeth mewn amrywiaeth o sefydliadau gan gynnwys Google, Barnett Waddingham, Ocado Retail, British Airways, Deutsche Bank, awdurdodau iechyd a llywodraeth leol.

Mathemateg a Chyfrifiadureg, BSc (Anrh)

Mathemateg a Chyfrifiadureg gyda Blwyddyn Sylfaen, BSc (Anrh)

Mathemateg a Chyfrifiadureg gyda Blwyddyn Dramor, BSc (Anrh)

Mathemateg a Chyfrifiadureg gyda Blwyddyn mewn Diwydiant, BSc (Anrh)