Paratowyd y cynllun gweithredu hwn yn unol â Mesur y Gymraeg (Cymru) 2011 a Rheoliadau Safonau’r Gymraeg (Rhif 6) 2017 a ddaeth i rym ar 29 Medi 2017.
Mae’n ofynnol i Brifysgol Abertawe, yn unol â Safonau’r Gymraeg, gyhoeddi dogfen sy’n esbonio sut y mae’n bwriadu cydymffurfio â’r safonau cyflenwi gwasanaethau, y safonau llunio polisi a'r safonau gweithredu a fanylir yn ei hysbysiad cydymffurfio Safonau'r Gymraeg.
1.1 Sefydlodd Mesur y Gymraeg (Cymru) 2011 fframwaith cyfreithiol i osod dyletswyddau ar sefydliadau penodol i gydymffurfio â safonau o ran y Gymraeg drwy is-ddeddfwriaeth. Rheoliadau Safonau’r Gymraeg (Rhif 6) 2017 yw’r is-ddeddfwriaeth sy’n pennu dyletswyddau Prifysgol Abertawe. Rhestrir y Safonau sy’n berthnasol i’r Brifysgol ac y cyfeirir atynt yn y cynllun hwn ac yn ei hysbysiad cydymffurfio.
1.2 Yn unol â gofynion Safonau’r Gymraeg rhif 165, 167, 171, 173, 177 ac 179, mae’r ddogfen hon yn nodi sut y bwriadwn gydymffurfio â Safonau Cyflenwi Gwasanaethau (adran 5), Safonau Llunio Polisi (adran 6) a Safonau Gweithredu (adran 7).
1.3 Diweddarwyd y cynllun hwn ym mis Ionawr 2022.
2.1 Mae gan bob cyfarwyddiaeth a chyfadran academaidd gyfrifoldeb cyffredinol am weithredu Safonau’r Gymraeg yn eu hadrannau eu hunain gan ymateb yn gadarnhaol i weithgareddau monitro a hyrwyddo perthnasol.
2.2 Yr Athro Elwen Evans CB, Dirprwy Is-Ganghellor a Deon Gweithredol, Cyfadran y Dyniaethau a’r Gwyddorau Cymdeithasol, sy’n gyfrifol am bortffolio iaith a diwylliant Cymraeg y Brifysgol. Mae’r Athro Evans yn cadeirio Pwyllgor Strategaeth Gymraeg y Brifysgol ac yn cyflwyno materion sy’n ymwneud â’r Gymraeg i’r Uwch-dîm Rheoli.
2.3 Rôl Pwyllgor Strategaeth y Gymraeg yw datblygu a gweithredu strategaeth ar gyfer defnyddio’r Gymraeg a datblygu addysg cyfrwng Cymraeg. Mae’r Pwyllgor yn ymgynnull unwaith bob tymor academaidd, ac yn adrodd i Senedd y Brifysgol.
2.4 Mae Swyddfa Polisi’r Gymraeg, sy’n rhan o dîm Gwasanaethau Cyfreithiol a Chydymffurfiaeth y Brifysgol, yn adrodd ar faterion yn ymwneud â chydymffurfiaeth â Safonau’r Gymraeg ym mhob cyfarfod Pwyllgor Strategaeth y Gymraeg, gan amlygu unrhyw feysydd sydd angen eu gwella, a chael adborth wrth aelodau’r Pwyllgor.
2.5 Mae Academi Hywel Teifi (Cyfarwyddwr, Dr. Gwenno Ffrancon) yn arwain y gwaith o ddatblygu a chefnogi darpariaeth academaidd cyfrwng Cymraeg y Brifysgol, gan gydweithio’n agos â’r Coleg Cymraeg Cenedlaethol.
2.6 Mae gan y Brifysgol dîm cyfieithu mewnol, sy’n darparu gwasanaeth cyfieithu ysgrifenedig a llafar. Mae’r tîm yn rhan o gyfarwyddiaeth Gwasanaethau Academaidd.
3.1 Yn ogystal â chreu deunydd pwrpasol amrywiol i staff penodol, mae Swyddog Polisi’r Gymraeg wedi creu’r adnoddau cyffredinol canlynol er mwyn esbonio gofynion y Safonau a chynnig dulliau gweithio ymarferol i staff y Brifysgol:
4.1 Mae Swyddfa Polisi’r Gymraeg yn defnyddio dulliau amrywiol i fonitro cydymffurfiaeth:
4.2 Monitro misol o’r cyfryngau cymdeithasol a dulliau cyfathrebu eraill: bydd rhai adrannau’n cael eu monitro bob mis ac eraill yn llai aml, gan ddilyn fframwaith Swyddfa Polisi’r Gymraeg. Rhoddir adroddiad ar ddwyieithrwydd y cyfryngau cymdeithasol (ar ffurf canran cydymffurfiaeth) i’r Rheolwr Marchnata Digidol bob mis, sy’n rheadru’r canlyniadau i’r swyddogion perthnasol. Rhoddir gwybod i adrannau pan fo diffygion o ran tudalennau gwe, gwasanaethau e-gymorth a chymorth ar y ffôn.
4.3 Gweithgaredd hunan-fonitro blynyddol: anfonir ffurflen hunanfonitro at bennaeth pob cyfadran ac adran gwasanaethau proffesiynol. Mae’r ffurflenni yn wahanol ar gyfer gwasanaethau proffesiynol ag i’r cyfadrannau academaidd, ac mae ffurflen ychwanegol ar gyfer yr adran adnoddau dynol. Nod yr amrywiaeth hon yw sicrhau bod y cwestiynau’n berthnasol i’r adran dan sylw. Anfonir adroddiad cydymffurfiaeth cynhwysfawr yn ôl at gyfarwyddwr pob adran yn nodi, safon wrth safon, a ydynt yn cydymffurfio ai peidio. Nodir hefyd y camau sydd angen eu dilyn er mwyn cydymffurfio. Wrth anfon yr adroddiad i’r bobl berthnasol, nodir lle mae angen gwella a hefyd rhoddir canmoliaeth i arfer da. Rhoddir neges generig hefyd i atgoffa lle y gellir cael gwybodaeth am gydymffurfiaeth ac anfon testun i’r tîm cyfieithu. Rhoddir crynodeb o ganlyniadau’r gweithgaredd i’r Athro Elwen Evans, Dirprwy Is-ganghellor sy’n gyfrifol am bortffolio iaith a diwylliant Cymraeg y Brifysgol.
4.4 Monitro wyneb-yn-wyneb ar hap ar draws y ddau gampws a monitro ar hap o bellter: adroddir ar y canlyniadau i’r gwasnaethau perthnasol a rhoddir gwybod i gyfarwyddwr pob adran a’r Athro Elwen Evans, os oes mater difrifol sydd angen sylw.
4.5 Yn ogystal â’r uchod, bydd Swyddfa Polisi’r Gymraeg yn monitro ar hap wrth gyflawni ei rôl o ddydd i ddydd, er enghraifft wrth ddefnyddio’r wefan neu siarad gyda chydweithwyr a phan fo amheuaeth benodol ynglŷn â chydymffurfiaeth.
4.6 Mae canlyniadau’r gweithgareddau hyn yn pennu sylfaen i waith ymgysylltu a mesurau ar gyfer gwella ym mhob maes.
5.1 Mae’r grid isod yn amlinellu sut y bydd y Brifysgol yn sicrhau cydymffurfiaeth â’r Safonau Cyflenwi Gwasanaethau.
|
Maes/Safonau |
Sut mae’r Brifysgol yn bwriadu Cydymffurfio |
Dulliau goruchwylio |
|
Gohebiaeth (1, 2, 3, 4, 5, 6, 7) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir neges llofnod e-bost (gan gynnwys neges allan o’r swyddfa): Rydym yn croesawu gohebiaeth yn Gymraeg neu yn Saesneg, a byddwn yn ymateb i ohebiaeth Gymraeg yn Gymraeg. Ni fydd gohebu yn Gymraeg yn arwain at oedi. We welcome correspondence in English or Welsh, and we will respond to Welsh correspondence in Welsh. Corresponding in Welsh will not lead to a delay. Rhoddir gwybod i staff perthnasol bod dewis iaith myfyrwyr wedi’i nodi yng nghofrestr ‘SITS’ y Brifysgol. Hyrwyddir cronfa o negeseuon dwyieithog cyffredin a sut y gall staff fynd ati i gael cyfieithiad wrth y tîm mewnol. Dosberthir deunydd ‘Mae Gen i Hawl’ ymhlith myfyrwyr, yn enwedig ar adegau penodol o’r flwyddyn e.e. wythnos y glas, diwrnod hawliau’r Gymraeg. |
Gweithgaredd hunan-fonitro blynyddol Monitro misol Monitro ar hap
|
|
Galwadau ffôn (8, 9, 11, 12, 13, 14, 15, 16, 17, 19, 20, 21, 22) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Mae mwyafrif galwadau ffôn ac adnoddau e-sgyrsio’r Brifysgol yn mynd trwy’r switsfwrdd neu ddesg MyUniHub, sydd â darpariaeth Gymraeg gyflawn. Mae staff di-Gymraeg yn swyddfeydd y Brifysgol yn cynnig trosglwyddo galwad/cais i aelod o staff Cymraeg lle bo angen. |
Gweithgaredd hunan-fonitro blynyddol Monitro misol Monitro ar hap
|
|
Cyfarfodydd (24, 24A, 26, 26A, 27, 27A, 27D, 29, 29A, 30, 31, 32, 33, 34) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir canllaw ar gynnal cyfarfodydd a digwyddiadau cyhoeddus Cymraeg. Anogir staff i gysylltu â Swyddogion Polisi’r Gymraeg, neu edrych ar y canllawiau ar-lein, cyn mynd ati i drefnu cyfarfod cyhoeddus er mwyn sicrhau cydymffurfiaeth. |
Gweithgaredd hunan-fonitro blynyddol Monitro ar hap
|
|
Digwyddiadau cyhoeddus (35, 36) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir canllaw ar gynnal cyfarfodydd a digwyddiadau cyhoeddus Cymraeg. Anogir staff i gysylltu â Swyddogion Polisi’r Gymraeg, neu edrych ar y canllawiau ar-lein, cyn mynd ati i drefnu cyfarfod cyhoeddus er mwyn sicrhau cydymffurfiaeth. Hysbysir yr adran farchnata yn benodol am y gofynion. |
Gweithgaredd hunan-fonitro blynyddol Monitro ar hap
|
|
Darlithoedd cyhoeddus (40, 40a)
|
Byddwn yn rhoi gwybod i staff am y gofynion yn ystod hyfforddiant mewnol ac yn y canllawiau mewnol i staff. Hysbysir yr adran farchnata yn benodol am y gofynion. Byddwn yn hyrwyddo’r canllaw ar gynnal digwyddiadau cyhoeddus Cymraeg. |
Gweithgaredd hunan-fonitro blynyddol Monitro ar hap
|
|
Seremonïau graddio a gwobrwyo (41, 42) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran farchnata yn benodol am y gofynion. Cynigir cymorth i’r swyddogion di-Gymraeg sydd â rôl yn y seremoni i ynganu geiriau Cymraeg.
|
Gweithgaredd hunan-fonitro blynyddol Monitro ar hap
|
|
Dogfennau a ffurflenni cyhoeddus (43, 51, 52, 53, 53a) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran farchnata yn benodol am y gofynion. Dosberthir deunydd ‘Mae Gen i Hawl’ ymhlith myfyrwyr. |
Gweithgaredd hunan-fonitro blynyddol
Monitro ar hap
Monitro misol
|
|
Gwefannau a gwasanaethau ar-lein corff (54, 55, 56, 57, 58, 59, 60, 61, 62, 63) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran farchnata yn benodol am y gofynion. |
Monitro misol Monitro ar hap Gweithgaredd hunan-fonitro blynyddol
|
|
Peiriannau hunanwasanaeth (64) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir staff perthnasol yn benodol. |
Monitro ar hap |
|
Arwyddion a hysbysiadau (65, 66, 67, 74) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir cyfieithiadau parod ar gyfer arwyddion ar y fewnrwyd. Hysbysir yr adran farchnata a’r adran ystadau yn benodol am y gofynion.
|
Monitro ar hap |
|
Gwasanaeth derbynfa (68, 69, 69a, 70, 71, 72, 73, 74) |
Rhoddir gwybod i’r staff perthnasol am y gofynion, gan wahaniaethu rhwng ‘prif dderbynfeydd’, yn ystod hyfforddiant mewnol. Cynhyrchir a dosberthir arwyddion i ddatgan bod croeso i bobl ddefnyddio’r Gymraeg yn y dderbynfa / cael gwasanaeth Cymraeg ar y ffôn. Dosberthir bathodynnau gwaith i nodi bod staff y dderbynfa’n medru’r Gymraeg. Dosberthir deunydd ‘Mae Gen i Hawl’ ymhlith myfyrwyr. |
Gweithgaredd hunan-fonitro blynyddol Monitro misol Monitro ar hap
|
|
Dyfarnu grantiau neu’n darparu cymorth ariannol (75, 76, 76a, 78, 79) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Gweithgaredd hunan-fonitro blynyddol |
|
Tendro a dyfarnu contractau (80, 81, 81a, 83, 84) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adrannau caffael a gwasanaethau cyfreithiol yn benodol am y gofynion. Ceir templed safonol sy’n nodi’r gofynion, gan gynnwys geiriad i ddatgan y caniateir i dendrau gael eu cyflwyno yn Gymraeg, ac na fydd tendr a gyflwynir yn Gymraeg yn cael ei drin yn llai ffafriol na thendr a gyflwynir yn Saesneg. |
Gweithgaredd hunan-fonitro blynyddol
|
|
Hybu gwasanaethau Cymraeg a hunaniaeth gorfforaethol (85, 86, 87) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran farchnata yn benodol am y gofynion. |
Gweithgaredd hunan-fonitro blynyddol Monitro ar hap
|
|
Cyfleoedd dysgu (88, 89) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Mae cyfeiriad at yr hawl i wersi Cymraeg wedi’i gynnwys ym mholisi absenoldeb astudio’r Brifysgol. |
Gweithgaredd hunan-fonitro blynyddol Monitro ar hap
|
|
Cyflwyno gwaith ysgrifenedig yn Gymraeg (90, 90a) |
Hyrwyddir hawliau i fyfyrwyr a darpar fyfyrwyr ar y wefan a rhoddir gwybod i staff perthnasol sut i ymdrin â gwaith a gyflwynir yn y Gymraeg. Dosberthir deunydd ‘Mae Gen i Hawl’ ymhlith myfyrwyr. Mae’r manylion wedi’u cynnwys yng Nghanllaw Academaidd y Brifysgol ac ym mholisi asesu ac adborth y Brifysgol. |
Gweithgaredd hunan-fonitro blynyddol Monitro ar hap
|
|
System annerch gyhoeddus (91) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran ystadau’n benodol am y gofynion. |
Monitro ar hap
|
|
Llety myfyrwyr (92, 92a) |
Mae’r Brifysgol wedi sicrhau bod llety penodol Cymraeg ar gael i siaradwyr Cymraeg. Hysbysir yr adran ystadau’n benodol am y gofynion. Hyrwyddir hawliau i fyfyrwyr a darpar fyfyrwyr ar y wefan a dosberthir deunydd ‘Mae Gen i Hawl’ ymhlith myfyrwyr. |
Gweithgaredd hunan-fonitro blynyddol Monitro ar hap
|
|
Tiwtor personol (93) |
Hyrwyddir yr hawl ar bob tudalen cwrs ar ein gwefan, ac wrth hyrwyddo ymgyrch sawl gwaith y flwyddyn. Manylir ar y weithdrefn ar dudalennau gwe i fyfyrwyr presennol ‘MyUni’. |
Gweithgaredd hunan-fonitro blynyddol Monitro ar hap
|
6.1 Mae’r grid isod yn amlinellu sut y bydd y Brifysgol yn sicrhau cydymffurfiaeth â’r Safonau Llunio Polisi.
|
Maes |
Sut rydyn ni’n bwriadu Cydymffurfio |
Dulliau goruchwylio |
|
Llunio, adolygu neu addasu polisi (94, 95, 96) |
Mae ffurflenni Asesu Effaith unrhyw bolisi neu strategaeth newydd bellach yn cynnwys adran am y Gymraeg, gan gynnwys astudiaethau achos. Mae Swyddogion Polisi’r Gymraeg yn derbyn copi o unrhyw ffurflen newydd sy’n cael ei chwblhau er mwyn gwirio bod y broses yn drylwyr, ac ymyrryd os oes angen. |
Gweithgaredd hunan-fonitro blynyddol Monitro ar hap
|
|
Cyhoeddi dogfennau ymgynghori (97, 98, 99) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Gweithgaredd hunan-fonitro blynyddol Monitro ar hap
|
|
Polisi ar ddyfarnu grantiau (100) |
Cyhoeddir sut y bydd y Brifysgol yn cydymffurfio â’r gofyniad hwn. |
Monitro ar hap |
|
Comisiynu gwaith ymchwil (101, 102, 103) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Gweithgaredd hunan-fonitro blynyddol Monitro ar hap
|
|
Datblygu neu addasu cwrs (104) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Gweithgaredd hunan-fonitro blynyddol Monitro ar hap
|
7.1 Mae’r grid isod yn amlinellu sut y bydd y Brifysgol yn sicrhau cydymffurfiaeth â’r Safonau Gweithredu
|
Maes |
Sut rydyn ni’n bwriadu Cydymffurfio |
Dulliau goruchwylio |
|
Polisi ar ddefnyddio’r Gymraeg yn fewnol (105) |
Cyhoeddir polisi ar ddefnyddio’r Gymraeg yn fewnol ar fewnrwyd y Brifysgol. Caiff ei adolygu’r achlysurol a’i gymeradwyo gan Bwyllgor y Gymraeg. Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Monitro ar hap
|
|
Materion cyflogaeth (106, 107, 108, 109, 110, 111) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir y gofynion i swyddogion perthnasol yr adran adnoddau dynol. Gofynnir i ymgeiswyr swyddi a fyddant yn dymuno y ddogfennaeth berthnasol yn y Gymraeg. Anfonir ebost arwyddbostio at aelodau staff newydd sydd wedi dewis Cymraeg fel dewis iaith ar gyfer y ddogfennaeth berthnasol. |
Gweithgaredd hunan-fonitro blynyddol Monitro ar hap
|
|
Cyhoeddi polisïau yn y Gymraeg (112, 113, 114, 115, 116, 117, 118) |
Pan fo polisïau perthnasol yn bodoli, cânt eu cyhoeddi yn y Gymraeg ar fewnrwyd y Brifysgol. Hyrwyddir y gofynion i swyddogion perthnasol yr adran adnoddau dynol. |
Gweithgaredd hunan-fonitro blynyddol Monitro ar hap |
|
Cwynion a materion disgyblu (119, 119A, 121, 122, 123, 123A, 125, 126) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hyrwyddir y gofynion i swyddogion perthnasol yr adran adnoddau dynol. Mae’r gofynion wedi’u cynnwys yng ngweithdrefn cwynion cyflogaeth y Brifysgol. Ac mae canllaw manwl ar gynnal cyfarfodydd yn y Gymraeg ar y fewnrwyd. |
Gweithgaredd hunan-fonitro blynyddol Monitro ar hap |
|
Gwirydd sillafu a gramadeg (127) |
Rhoddir gwybod i staff yn ystod hyfforddiant mewnol ac mewn canllawiau mewnol. Mae’r feddalwedd ar gael ar bob cyfrifiadur y Brifysgol. |
Monitro ar hap |
|
Mewnrwyd staff (128, 131, 132, 133) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. |
Monitro ar hap |
|
Asesu sgiliau Cymraeg staff (134) |
Gofynnir i ymgeiswyr swyddi am eu sgiliau Cymraeg ac aiff y wybodaeth hon ar gofnod y staff yr unigolyn. Mae modd diweddaru’r lefel unrhyw bryd. |
Gweithgaredd hunan-fonitro blynyddol Monitro ar hap |
|
Hyfforddiant staff (135, 136, 137, 138, 139, 140, 141) |
Rhoddir gwybod i staff yn ystod hyfforddiant mewnol ac mewn canllawiau mewnol. Hyrwyddir y gofynion i swyddogion perthnasol yr adran adnoddau dynol. Cynhelir yr hyfforddiant sy’n ymwneud â’r Gymraeg. Pan fo’r hyfforddiant arall yn bodoli, caiff ei gynnig yn y Gymraeg. Mae cyfeiriad at yr hawl i wersi Cymraeg wedi’i gynnwys ym mholisi absenoldeb astudio’r Brifysgol. |
Gweithgaredd hunan-fonitro blynyddol Monitro ar hap |
|
Negeseuon ebost (142, 143) |
Rhoddir gwybod i staff yn ystod hyfforddiant mewnol ac mewn canllawiau mewnol. Mae’r gofynion wedi’u cynnwys yn nhempled ebyst corfforaethol y Brifysgol. |
Gweithgaredd hunan-fonitro blynyddol Monitro ar hap |
|
Logo i adnabod siaradwyr Cymraeg (144, 144A) |
Dosberthir laniardau a bathodynnau iaith gwaith i staff. Caiff y logo iaith gwaith ei gynnwys gyda manylion y templed ebyst corfforaethol. Mae rhestr manylion staff y Brifysgol (Webtel) yn nodi holl siaradwyr a dysgwyr Cymraeg, gyda logo iaith gwaith. |
Gweithgaredd hunan-fonitro blynyddol Monitro ar hap |
|
Recriwtio staff (145, 145A, 146, 146A, 146B, 148, 149) |
Cynhelir asesiad o’r sgiliau Cymraeg angenrheidiol ar gyfer pob swydd newydd. Rhoddir gwybod i staff am y gofynion yn ystod hyfforddiant mewnol ac mewn canllawiau mewnol, gan gynnwys tudalennau pwrpasol ar y fewnrwyd ynglŷn ag asesu sgiliau Cymraeg. Byddwn yn cysylltu â rheolwyr llinell ar draws y Brifysgol i egluro’r broses. Hyrwyddir y gofynion i swyddogion perthnasol yr adran adnoddau dynol. Caiff hawliau’n ymwneud â’r Gymraeg wrth ymgeisio am swydd eu hyrwyddo gyda’r deynudd ymgeisio. Sefydlir proses ar gyfer bodloni hawliau o ran defnyddio’r Gymraeg yn y broses gyfweld. |
Gweithgaredd hunan-fonitro blynyddol Monitro ar hap |
|
Arwyddion (150, 151, 152) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran farchnata yn benodol am y gofynion. Hyrwyddir cyfieithiadau parod ar gyfer arwyddion ar y fewnrwyd. |
Monitro ar hap |
|
Cyhoeddiadau dros offer sain (152) |
Rhoddir gwybod i staff am y gofynion yn ystod hyfforddiant mewnol ac mewn canllawiau mewnol. Hysbysir yr adran ystadau yn benodol am y gofynion. |
Gweithgaredd hunan-fonitro blynyddol Monitro ar hap |
