Momentwm - Gorffennaf 2024

Mae Prifysgol Abertawe wedi'i gosod ymysg y 100 prifysgol orau yn Ewrop, yn ôl ail rifyn o Dablau Prifysgolion y Byd QS: Ewrop 2025.

Bydd deallusrwydd artiffisial (AI) yn helpu pobl i ddysgu am dechnoleg lled-ddargludyddion, sy'n hanfodol i bopeth o ffonau symudol a cherbydau electronig i loerenni, drwy giosgau rhyngweithiol newydd a ddatblygwyd gan Imersifi, cwmni realiti rhithwir ac arbenigwyr o Brifysgol Abertawe.

Yn ei lyfr newydd, The President’s Kill List: Assassination in US Foreign Policy Since 1945 (Gwasg Prifysgol Caeredin), mae Dr Luca Trenta, sy'n arbenigo mewn Polisi Tramor yr Unol Daleithiau ac yn Athro Cysylltiadau Rhyngwladol ym Mhrifysgol Abertawe, yn cynnig trosolwg cynhwysfawr o gysylltiad llywodraeth yr Unol Daleithiau â llofruddiaethau o'r Rhyfel Oer cynnar hyd at heddiw.

Mae ymarferwyr proffesiynol gofal iechyd y dyfodol yn elwa nawr o fuddion cyfleusterau hyfforddi arloesol Prifysgol Abertawe. Mae dau safle Canolfan Efelychu a Dysgu Ymdrochol Prifysgol Abertawe (SUSIM) yn gartref i'r dechnoleg wal ymdrochi fwyaf yn y byd. 

Mae prosiect dan arweiniad Prifysgol Abertawe'n gobeithio atal cynnydd pryderus canser y croen yng Nghymru drwy archwilio canfyddiadau presennol plant, rhieni/gofalwyr ac addysgwyr am gael lliw haul. Bydd y canlyniadau'n helpu i ddatblygu pecyn cymorth addysgol newydd am ddiogelwch yn yr haul ar gyfer cwricwlwm Cymru.

Ymwelodd tîm o Brifysgol Abertawe, dan arweiniad yr Athro Geoff Proffitt, ymweld â'r Gambia i ymchwilio i'r bygythiadau lluosog i fangrofau'r wlad a chynnal asesiad cynhwysfawr o goedwigoedd mangrof Gambia, asesu adnoddau dŵr a datblygu dulliau adfer mwy effeithiol.

Mae llawer o strategaethau i gefnogi bwydo ar y fron yn canolbwyntio ar gymorth ymarferol ar gyfer menywod ar lefel bersonol.Tra bod hyn yn bwysig, mae ymchwil yr Athro Amy Brown wedi archwilio dylanwadau seico-gymdeithasol-ddiwylliannol ehangach sy'n niweidio bwydo ar y fron, yn enwedig dealltwriaeth wael ar lefel gymdeithasol ynghylch sut mae bwydo ar y fron yn gweithio ac ymddygiad arferol babanod.

Er mwyn lliniaru'r difrod a achosir gan dwristiaeth, mae'r Athro Sarah Nicholls, mewn partneriaeth ag Awdurdod Parc Cenedlaethol Arfordir Penfro, wedi datblygu proses rheoli digwyddiadau effeithiol a fydd yn galluogi'r awdurdod, ac ardaloedd gwarchodedig eraill ledled y DU a'r tu hwnt, i hwyluso gweithgareddau pleserus profiadau a diogel i bob defnyddiwr a chynnal nodweddion arbennig tiroedd gwarchodedig yn fwy llwyddiannus.

Yn y bennod hon o Archwilio Problemau Byd-eang, mae'r Athro Yogesh Dwivedi a Dr Laurie Hughes yn trafod y manteision, yr heriau a'r risgiau posib sy'n gysylltiedig â defnyddio platfformau deallusrwydd artiffisial cynhyrchiol megis ChatGPT mewn addysg a goblygiadau posib deallusrwydd artiffisial cynhyrchiol i unigolion, cyrff a sefydliadau yn y gymdeithas ehangach. .

Yn yr erthygl hon o The Conversation, mae Dr Irene Reppa yn trafod gwyddor harddwch, a faint rydyn ni'n hoffi rhywbeth a pha mor hardd rydyn ni'n ei ddarganfod, sy'n gallu cael effaith gymhellol ar ein profiad a'n hymddygiad.

Mae Dr Jun Yang yn Darlithydd Cyfieithu a Chyfieithu ar y Pryd Saesneg-Tsieinëeg. Mae ei hymchwil yn canolbwyntio ar gyfieithu cydweithredol ar-lein sy'n cynnwys cyfieithu torfol a chyfieithu gan gefnogwyr.

Mae Gargi Naha yn gwneud PhD mewn Astudiaethau Meddygaeth a Gofal Iechyd. Nod ei hymchwil yw archwilio rôl rhywedd ac amddifadedd ym mhrofiad pobl ifanc o ofal brys ar gyfer asthma acíwt a'r canlyniadau yn sgîl mynd i Adrannau Achosion Brys yng Nghymru.

Nod yr Arsyllfa Polisi Cyffuriau Byd-eang yw hyrwyddo polisi cyffuriau sy’n seiliedig ar dystiolaeth a hawliau dynol, drwy fonitro, dadansoddi ac adrodd am ddatblygiadau polisi yn gynhwysfawr ac yn drylwyr, ar lefelau cenedlaethol a rhyngwladol.

Mae ffisegwyr ym Mhrifysgol Abertawe a Phrifysgol Åbo Akademi wedi torri tir newydd sylweddol mewn technoleg celloedd solar drwy ddatblygu model dadansoddol newydd sy'n gwella dealltwriaeth o ddyfeisiau ffotofoltäig ffilm denau a’u heffeithlonrwydd.

Bydd nyrsys ym Mauritius yn gallu elwa o hyfforddiant gofal iechyd arobryn Prifysgol Abertawe fel rhan o gydweithrediad rhyngwladol newydd. Bydd y Brifysgol yn darparu rhaglen BSc Nyrsio (Atodol) ar ôl llofnodi cytundeb partneriaeth â Hyb Addysg Rhyngwladol Uniciti (UIEH) ym Mauritius.

Mae Innovate UK wedi dyfarnu cyllid i optimeiddio ymhellach blatfform gwynt alltraeth arnofiol unigryw a hyblyg ar gyfer cymwysiadau yn y Môr Celtaidd yn rhan o  gydweithrediad sy'n cynnwys Prifysgol Abertawe. Dan arweiniad Marine Power Systems, bydd Adran Peirianneg Fecanyddol Prifysgol Abertawe'n gweithio ar y cyd â Ledwood Mechanical Engineering, Tata Steel UK, ABP (Associated British Ports) Port Talbot, a Phorthladd Aberdaugleddau ar y prosiect sy'n werth dros £800,000.

Mae tîm ymchwil rhyngwladol o Brifysgol Abertawe ac UBC Okanagan (UBCO) wedi darganfod gwybodaeth newydd am esblygiad dynol drwy gymharu calonnau dynol â chalonnau epaod mawr eraill.

Mae ymchwil newydd a arweiniwyd gan Brifysgol Abertawe a Phrifysgol Zurich wedi canfod bod siarcod wedi cadw lefelau uchel o amrywiaeth swyddogaethol am y rhan fwyaf o'r 66 miliwn o flynyddoedd diwethaf, cyn dirywio'n gyson yn ystod y 10 miliwn o flynyddoedd diwethaf, gan gyrraedd y gwerth isaf a gofnodwyd erioed heddiw.