Strategaeth Cydbwysedd Rhywedd

“Hyrwyddo, hybu ac eirioli dros Gydraddoldeb, Amrywiaeth a Chynhwysiant (EDI) i'r holl staff a myfyrwyr.

I weithio mewn modd tryloyw sy'n seiliedig ar dystiolaeth, lle rydym yn dal ein hunain ac eraill yn atebol, i annog twf mewn meddylfryd ynghylch EDI.”

Cynyddu cynrychiolaeth fenywaidd ym maes Peirianneg Fecanyddol

Dim ond ~8.5% yw’ gynrychiolaeth fenywaidd yng ngharfan Peirianneg Fecanyddol (PF) Prifysgol Abertawe. Dyfarnwyd y prosiect uchelgeisiol hwn trwy Raglen Effaith Amrywiaeth The Royal Academy of Engineering, sy'n ymdrechu i fynd i'r afael â'r anghydbwysedd rhwng y rhyweddau trwy ymyriadau sydd â buddiolwyr wrth eu gwraidd, sy'n seiliedig ar dystiolaeth. Bydd y strategaeth a gyflwynir yn cyfeirio at ddiwygio trawsnewidiol o fewn y gymuned PF ac yn gweithredu fel “Sbardun” i sicrhau cynrychiolaeth fenywaidd “50% ar gyfer y Dyfodol”, nid yn unig yn astudio PF ym Mhrifysgol Abertawe, ond o fewn y proffesiwn.

DATBLYGU STRATEGAETH

Dechreuwyd ar y gwaith cwmpasu ar gyfer “50% ar gyfer y Dyfodol” ym mis Medi 2021. Er mwyn dal gwir lais y buddiolwyr, sefydlwyd gweithgor a oedd yn cynnwys cynrychiolaeth amrywiol o’n carfan o fyfyrwyr Peirianneg Fecanyddol, academyddion, diwydiant ac IMechE. Yn ogystal â’r nod clir o gynyddu nifer y myfyrwyr benywaidd yn yr adran, nododd y gweithgor dri maes problemus fel rhai y mae angen mynd i’r afael â nhw er mwyn helpu i gyflawni’r nod hirdymor hwn, yn ogystal â darparu effaith gadarnhaol fwy uniongyrchol ar gyfer y buddiolwyr.

Y Mesydd Problem

1. Y camsyniadau ynghylch Peirianneg Fecanyddol - I'w grynhoi fel gwrthdaro “peirianneg a stereoteip rhywedd”

2. Cymdeithas llawn dynion - Creu gogwydd patriarchaidd amlwg.

3. Effaith piblinell sy'n gollwng ("leaky pipeline effect") - Lle mae llai o fenywod yn dilyn gyrfa mewn Peirianneg Fecanyddol

Ein Gweledigaeth

O fewn yr amgylchedd o wrywdod llethol a brofir gan fenywod sy'n astudio Peirianneg Fecanyddol, mae ymchwil y Gyfadran Gwyddoniaeth a Pheirianneg (FSE) Prifysgol Abertawe yn cadarnhau bod merched yn cael eu heffeithio'n negyddol gan ddangos hunanhyder ac hunaneffeithiolrwydd isel, profi unigedd a diffyg modelau rôl y gellir uniaethu â hwy.

Bydd “50% ar gyfer y Dyfodol” yn ymdrechu i:

Greu profiad mwy cefnogol a chyfoethogol i fenywod wrth astudio
Creu cwricwlwm mwy cynhwysol
Cynyddu ffocws ar fentora a modelau rôl, i wella hyder ein buddiolwyr o ran dilyn gyrfa lwyddiannus ym maes Peirianneg Fecanyddol.

Ein Huchelgais

Cynyddu cydbwysedd rhwng y rhywiau ymhlith carfan myfyrwyr yr Adran Peirianneg Fecanyddol i gymhareb o 50% cyn 2050
Cyfateb â'r Cyfartaledd Cenedlaethol ar gyfer myfyrwyr benywaidd sy'n astudio Peirianneg Fecanyddol o fewn 5 mlynedd
Monitro boddhad a lles ein hisraddedigion benywaidd trwy Holiaduron a grwpiau ffocws rheolaidd wedi'u sgorio – lle bynnag y bo modd, byddwn yn ceisio gwella ein sgoriau a’n hadborth
Sicrhau bod/cynnal cyfran uchel (<75%) o’n hisraddedigion benywaidd yn ddigon cymelledig/hyderus i ddilyn gyrfa ym maes Peirianneg Fecanyddol

Ein Hamcanion

Ffocws y prosiect ymchwil hwn yw deall ymhellach a mynd i'r afael â'r 3 maes problemus ynghylch tangynrychiolaeth menywod mewn Peirianneg Fecanyddol ym Mhrifysgol Abertawe.

Gellir ystyried hefyd bod y 3 maes yn cyfateb i gamau penodol yn y broses o ddod yn Beiriannydd Mecanyddol proffesiynol:

“Y Cyn”

Gwella ein dealltwriaeth o'r ffactorau ysgogol sy'n ymwneud â dewis pynciau STEM ac wedyn Peirianneg Fecanyddol
Gwella ein dealltwriaeth o ganfyddiadau gwahanol dynion a menywod o Beirianneg Fecanyddol.

“Nawr”

Canfod sut y gallwn leihau effaith negyddol amgylchedd dysgu sy'n llawn dynion, i atal myfyrwyr benywaidd rhag unrhyw rwystrau i lwyddiant a chymhelliant wrth astudio.

“Y dyfodol”

Nodi ffyrdd o gefnogi ein myfyrwyr benywaidd yn well yn eu dyheadau gyrfa yn y dyfodol i liniaru'r effaith “piblinell sy'n gollwng"

Mae Cystadleuaeth Ysgiffenu Creadigol

Mae Cystadleuaeth Ysgrifennu Creadigol 50% ar gyfer y Dyfodol bellach ar agor ar gyfer ceisiadau a bydd ar agor tan Gwener 1af Rhagfyr 2023.

“Peirianneg Fecanyddol Trwy Fy Llygaid i…”

Ysgrifennwch stori fer (ffuglen/ffeithiol), cerdd, taflen, neu boster gan ddefnyddio'r teitl uchod.Byddwch mor greadigol neu ddyfeisgar ag y dymunwch!!!

Mae dau gategori oedran ar gyfer cyflwyniadau: 11-13 oed a 14-16 oed.

Mae yna 2 wobr ANHYGOEL ar gyfer pob categori oedran!!

Gwobr 1^af = Penset VR a Gemau

2^il wobr = Argraffydd 3D

Anogir plant o bob gallu i ddefnyddio eu creadigrwydd a'u dychymyg i gynhyrchu darn o ysgrifennu creadigol o'r enw “Peirianneg Fecanyddol Trwy Fy Llygaid…”. Y peth pwysig yw eich bod yn meddwl am ac yn edrych i mewn i'r hyn y mae Peirianwyr Mecanyddol yn ei wneud ... nid ydym am i chi boeni am sillafu, atalnodi na gramadeg, dim ond gwneud eich gorau!

Rhaid i bob stori:

Fod rhwng 500 – 1000 o eiriau (ni chaiff y teitl ei gynnwys yn y cyfrif geiriau)
Os ydych yn creu taflen neu boster, gallwch ddefnyddio lluniau neu ddyluniadau ond rhaid cael digon o destun ysgrifenedig hefyd.
Rhaid i unrhyw gyflwyniad gael ei ysgrifennu gan unigolyn, nid fel grŵp; a,
Rhaid iddo fod eich syniad a'ch gwaith eich hun….

Ni ddylai eich cyflwyniad:

Roi unrhyw fanylion personol amdanoch chi/ffrindiau/teulu.

Sut i gystadlu

Mae'r gystadleuaeth bellach ar agor i dderbyn ceisiadau, tan 18:00 dydd Gwener 1^af Rhagfyr 2023.

Rhaid i bob cais ysgrifennu creadigol fod yn ddogfen ddigidol, fel y gall eich athro gyflwyno eich cais ar eich rhan.

Cyhoeddir yr enillwyr a’r rhai a ddaeth yn agos ati yn yr wythnos yn cychwyn 8^fed Ionawr 2024.

Pam fod y gystadleuaeth hon mor bwysig?

Ym mis Ionawr 2022, sicrhaodd Adran Peirianneg Fecanyddol Prifysgol Abertawe grant gan y Royal Academy of Engineering (RAEng) i ddatblygu strategaeth a fydd yn mynd i’r afael â’r gynrychiolaeth bresennol, sy’n is na’r cyfartaledd cenedlaethol, o fenywod ar ei chwrs gradd israddedig mewn Peirianneg Fecanyddol.

Nod y gystadleuaeth hon yw hybu a chodi ymwybyddiaeth o Beirianneg Fecanyddol a mynd i'r afael â'r camsyniad ynghylch y maes pwnc, yn enwedig ymhlith merched. Rydyn ni eisiau i chi wir feddwl a myfyrio am beth mae Peiriannydd Mecanyddol yn ei wneud? Sut maen nhw wedi / yn / byddan nhw'n cyfrannu at gymdeithas? Rydym am i chi agor eich llygaid i fyd Peirianneg Fecanyddol…

Bydd eich ceisiadau i'r gystadleuaeth yn ein helpu i ddeall yn well eich canfyddiad a'ch syniadau o beth yw Peirianneg Fecanyddol.

Ein bwriad yw cynnal y gystadleuaeth hon bob blwyddyn, i weld sut mae eich canfyddiadau a’ch syniadau yn newid ac yn datblygu dros amser. Rydym mor gyffrous i weld eich cynigion eleni! 😊

Cwestiynau Cyffredin

Pryd mae'r gystadleuaeth ar agor?

Mae’r gystadleuaeth bellach ar agor a bydd y cyfle i gyflwyno stori ar-lein yn cau am 6pm ddydd Gwener 1^st Rhagfyr 2023.

Os ydw i'n ysgrifennu stori, pa mor hir dylai fod?

Dylai eich straeon ffuglen neu draethodau ffeithiol fod rhwng oddeutu 500 a 1000 o eiriau. Os oes gan eich cais gyfrif geiriau llawer uwch na 1000, yn anffodus bydd yn rhaid i ni ddiarddel eich cais.

Oes rhaid i mi ysgrifennu stori/traethawd?

Rydyn ni eisiau i chi fod mor greadigol ag y dymunwch – felly, na, gallwch hefyd ysgrifennu cerdd, neu ddylunio taflen neu boster… beth bynnag sydd orau gennych.

Sut wnaethoch chi benderfynu ar y ddau gategori oedran (11-13 a 14-16)?

Fe wnaethom gynnal arolwg gyda'n Myfyrwyr Peirianneg Fecanyddol ym Mhrifysgol Abertawe. Dywedodd y canfyddiadau o hyn wrthym fod ein myfyrwyr wedi dechrau ymddiddori mewn Peirianneg o ~13 oed ac yn benodol mewn Peirianneg Fecanyddol tua 16 oed.
Felly, rydym am i chi ddechrau meddwl ychydig mwy am Beirianneg Fecanyddol cyn 13 oed, hyd at 16 oed.

Pam nad yw sillafu, atalnodi a gramadeg yn bwysig i ni ar gyfer y Gystadleuaeth ysgrifennu creadigol hon?

Rydym yn awyddus bod plant o bob gallu yn gallu cymryd rhan yn ein cystadleuaeth, heb y pwysau ychwanegol o sillafu, atalnodi a gramadeg. Mae hwn yn gyfle i ddathlu eich creadigrwydd wrth eich ysgogi i feddwl am Beirianneg Fecanyddol.

Pwy yw'r beirniaid?

Bydd gweithwyr proffesiynol Peirianneg Fecanyddol ym Mhrifysgol Abertawe yn beirniadu'r gystadleuaeth; efallai y byddwn hefyd yn gofyn am gyngor/barn gan athrawon yn eich ysgol.

A yw ceisiadau'n cael eu gwirio am gymorth AI?

Rhaid i bob cyflwyniad fod yn waith gwreiddiol yr ymgeisydd ac ni ddylent amharu ar hawliau unrhyw barti arall. Yn ogystal, ni chaniateir defnyddio offer cynhyrchu AI i greu unrhyw ran o'r cais a bydd yn arwain at waharddiad.

A ellir cyflwyno ceisiadau Cymraeg?

Gellir

Sut mae cyflwyno fy ngwaith?

Bydd eich athro yn eich helpu i gyflwyno'ch cais

Pryd fydd y beirniadu'n digwydd?

Byddwn yn darllen eich ceisiadau ac yn dewis enillydd trwy gydol mis Rhagfyr 2023. Yna bydd yr enillydd yn cael ei gyhoeddi yn yr wythnos yn dechrau 8^fed Ionawr 2024 h.y. pan fyddwch yn ôl yn yr Ysgol ar ôl gwyliau'r Nadolig.

Beth yw'r gwobrau?

Bydd gan bob categori oedran wobr 1^af ac 2^il.
Gwobr 1^af = Penset VR a Gemau
2^il wobr = Argraffydd 3D
Rydym wedi dewis y gwobrau hyn i'ch annog i ymarfer a datblygu sgiliau ym maes Peirianneg Fecanyddol, a gobeithiwn y byddant yn tanio eich diddordeb yn y pwnc ymhellach.