Modern Languages and History, BA (Anrh)
Astudiwch Ieithoedd Modern a Hanes
Trosolwg o'r Cwrs
Defnyddiwch eich diddordeb yn y gorffennol yn dda drwy astudio Ieithoedd Modern a Hanes ym Mhrifysgol Abertawe. Byddwch yn meithrin sgiliau sy'n werthfawr i gyflogwyr ar draws amrywiaeth o sectorau, wrth archwilio cyflwr dynol o'r Oesoedd Canol hyd at heddiw.
Mae Hanes ac Ieithoedd Modern yn archwilio hanes drwy bynciau gan gynnwys hanes a rhywedd menywod, hanes cymdeithasol Prydain fodern a hanes crefydd, iechyd a meddygaeth, gan ymestyn o'r Oesoedd Canol hyd at yr oes fodern. Byddwch hefyd yn astudio amrywiaeth gyfoethog yr iaith o'ch dewis (Ffrangeg, Almaeneg neu Sbaeneg), ynghyd â modiwlau mewn astudiaethau diwylliannol, ffilmiau, hanes, cyfieithu ac addysgu ieithoedd.
Mae astudio'r cwrs gradd hwn yn agor drysau i amrywiaeth o gyfleoedd gyrfaoedd cyffrous drwy eich helpu chi i ddatblygu sgiliau sy'n werthfawr iawn i gyflogwyr.
Gellir astudio'r cwrs mewn tair blynedd neu gallwch chi ymestyn eich astudiaethau am flwyddyn ychwanegol drwy ymgymryd â Blwyddyn Dramor neu Flwyddyn mewn Diwydiant*. Bydd yr opsiynau ychwanegol hyn yn caniatáu i chi wella ymhellach eich profiad fel myfyriwr drwy roi dealltwriaeth unigryw i chi o fyd diwylliant a chyfleoedd sy'n seiliedig ar sgiliau.
Pam ieithoedd modern a hanes ym mhrifysgol abertawe?
Mae ein cwrs Ieithoedd Modern a Hanes ym Mhrifysgol Abertawe, y byddwch yn ei astudio ar ein Campws Parc Singleton hardd, mewn parcdir sy’n edrych dros Fae Abertawe ar ymyl Penrhyn Gŵyr, yn uchel ei barch ymhlith myfyrwyr a chyflogwyr.
Mae Ieithoedd Modern yn Abertawe wedi'i restru fel a ganlyn:
- 1af yn y DU ar gyfer Boddhad Addysgu (Guardian University Guide 2025)
- 1af ar gyfer Cyfleoedd Dysgu (NSS 2024)*
- 2il ar gyfer Addysgu (ACF 2024)**
- 2il ar gyfer Llais Myfyrwyr (NSS 2024)*
- 5ed yn y DU yn gyffredinol (Guardian University Guide 2025), ac mae
- 93% o raddedigion mewn cyflogaeth a/neu'n astudio, neu'n ymgymryd â gweithgareddau eraill, megis teithio, 15 mis ar ôl gadael Prifysgol Abertawe (HESA 2023)
*Yn seiliedig ar y sgôr positifrwydd cyfartalog ar draws cwestiynau 5 i 9 yn ACF 2024 o’i gymharu â’r prifysgolion sydd wedi’u cynnwys yn y Times Good University Guide.
**Yn seiliedig ar y sgôr positifrwydd cyfartalog ar draws cwestiynau 1 i 4 yn ACF 2024 o’i gymharu â’r prifysgolion yn y Times Good University Guide.
***Yn seiliedig ar y sgôr positifrwydd cyfartalog ar draws cwestiynau 22 i 25 yn yr ACF 2024 o’i gymharu â’r prifysgolion sydd wedi’u cynnwys yn y Times Good University Guide.
Mae Hanes yn Abertawe wedi'i restru fel a ganlyn:
- Ymhlith y 25 safle uchaf am Foddhad Myfyrwyr (Complete University Guide 2025)
- Byddwch yn cael eich addysgu gan staff sydd ag arbenigedd mewn hanes Prydeinig, Ewropeaidd ac Americanaidd, o'r Oesoedd Canol hyd at heddiw, ar bynciau sy'n cynnwys rhywedd, rhywioldeb ac anghydraddoldebau; treftadaeth a hanes yn y gweithle; meddygaeth, iechyd ac anabledd; a rhyfel, trais a heddwch.
Eich profiad Ieithoedd Modern a Hanes
Rydym yn cynnig amgylchedd dysgu a chymuned gynhwysol sy’n canolbwyntio ar fyfyrwyr. Caiff modiwlau eu haddysgu a’u hasesu mewn amrywiaeth o ffyrdd gwahanol a chewch eich annog i gymryd cyfrifoldeb am eich dysgu eich hun, i weithio’n annibynnol yn ogystal ag ar y cyd ag eraill, i ymddwyn yn broffesiynol a meistroli sgiliau newydd.
Drwy gydol eich cwrs, bydd gennych diwtor personol i'ch cefnogi chi i gyrraedd eich nodau. Mae'r Gymdeithas Hanes, a arweinir gan fyfyrwyr, sy'n trefnu digwyddiadau cymdeithasol a gweithgareddau diwylliannol, yn un o'r llawer o gymdeithasau y bydd gennych fynediad atynt fel myfyriwr ym Mhrifysgol Abertawe.
Mae'r Flwyddyn Dramor yn cynnig cyfle i chi astudio yn un o'n sefydliadau partner yn Ffrainc, Gwlad Belg, y Swistir, Sbaen, yr Almaen neu Awstria. Fel arall, gallwch ddewis gweithio fel athro Saesneg Iaith Dramor drwy'r British Council. Ar gyfer myfyrwyr Sbaeneg, mae cyfleoedd ychwanegol ar gael yn America Ladin. Mae treulio blwyddyn dramor, naill ai ar leoliad gwaith â thâl neu astudio yn un o'n sefydliadau partner yn gyfle cyffrous a gwerthfawr a fydd yn rhoi hwb pellach i'ch profiad fel myfyriwr a'ch rhagolygon cyflogaeth.
Gellir treulio'r Flwyddyn mewn Diwydiant yn y DU neu dramor**, gan roi profiad gwerthfawr yn y gweithle. Mae'r Brifysgol yn ffafrio lleoliadau â thâl, sydd â chyflog o £20,000+ ar gyfartaledd. Mae lleoliadau di-dâl yn cael eu hystyried fesul achos. Er mai cyfrifoldeb y myfyriwr yw sicrhau lleoliad, rydym yn gweithio gyda sawl sefydliad sy'n cynnig cyfleoedd amrywiol. Cefnogir myfyrwyr drwy gydol taith y cais gyda chyngor, arweiniad ac adnoddau. Os na allwch sicrhau lleoliad erbyn diwedd yr ail flwyddyn astudio, byddwch yn trosglwyddo i'r rhaglen radd gyfatebol.
*Cyfrifoldeb y myfyriwr yw sicrhau lleoliad, ond byddwch yn cael eich cefnogi drwy gydol taith eich cais gyda chyngor ac arweiniad. Os na allwch sicrhau lleoliad erbyn diwedd yr ail flwyddyn astudio, byddwch yn trosglwyddo i'r rhaglen radd gyfatebol.
**Mae lleoliadau tramor yn dibynnu ar gyfyngiadau FISA fesul gwlad.
Cyfleoedd Cyflogadwyedd Ieithoedd Modern a Hanes
Mae astudio Ieithoedd Modern a Hanes yn datblygu sgiliau meddwl yn feirniadol, cyfathrebu ar lafar ac yn ysgrifenedig, datrys problemau a chasglu a dadansoddi gwybodaeth.
Mae ein graddedigion yn symud ymlaen i weithio mewn amrywiaeth o sectorau, gan gynnwys:
- Addysg
- Y Cyfryngau a Chysylltiadau Cyhoeddus
- Treftadaeth ac Amgueddfeydd
- Busnes a rheoli
- Y Gyfraith a Gwasanaethau Cyhoeddus
Mae 93% o raddedigion mewn cyflogaeth a/neu'n astudio, neu'n ymgymryd â gweithgareddau eraill, megis teithio, 15 mis ar ôl gadael Prifysgol Abertawe (HESA 2023)
Ein gofynion mynediad safonol yw ABB-BBC (pwyntiau tariff UCAS 112-128) neu gyfwerth. Gwneir yr holl gynigion ar ôl adolygu'r ffurflen gais, graddau a phynciau a ddisgwylir/gyflawnir, geirdaon a datganiad personol. Byddwn hefyd yn derbyn amrywiaeth o gymwysterau lefel uwch, gan gynnwys: Bagloriaeth Ryngwladol 32; Bagloriaeth Sgiliau Uwch Cymru - gradd sy'n gyfwerth â Safon Uwch; Mynediad at Addysg Uwch a chymwysterau'r Brifysgol Agored, a Phrosiect Estynedig.
Mae TGAU gydag o leiaf radd C (4) mewn iaith dramor fodern yn ddymunol ond nid yn hanfodol.
Caiff ceisiadau ar gyfer yr holl ieithoedd eu hystyried ar sail teilyngdod.
Dyma'r gofynion ar gyfer myfyrwyr rhyngwladol.
Ar gyfer ymgeiswyr nad Saesneg yw eu hiaith gyntaf, mae angen sgôr IELTS o 6.0 ar y cyfan (gydag isafswm o 5.5 ym mhob cydran) neu brawf Saesneg cyfwerth.
Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs.
Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.
Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.
Rhywfaint o ddarpariaeth
Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd
ym mhob blwyddyn.
Mae Academi Hywel Teifi yma i'ch cefnogi trwy gydol
eich amser ym Mhrifysgol Abertawe. Rydym yn cynnig:
- Mynediad at ysgoloriaethau a bwrsariaethau hael ar
gyfer astudio trwy gyfrwng y Gymraeg.
- Mynediad at fodiwlau a addysgir yn gyfan gwbl neu'n rhannol yn Gymraeg.
- Mynediad at ap Arwain er mwyn derbyn y diweddaraf am
ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
- Cyfle am gyfweliad trwy gyfrwng y Gymraeg wrth wneud cais am le.
- Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
- Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi
wedi dewis astudio yn Saesneg), a bydd eich gwaith yn cael ei farcio yn Gymraeg.
- Tiwtor Personol Cymraeg ei iaith.
- Cefnogaeth un i un i wella eich sgiliau Cymraeg academaidd.
- Cyfle i ennill cymhwyster ychwanegol sy'n
dystiolaeth o'ch gallu yn yr iaith Gymraeg i gyflogwyr.
- Cyfle i fod yn aelod o Gangen Prifysgol Abertawe o'r Coleg
Cymraeg Cenedlaethol.
- Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel
Teifi
I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi
Mae cyfleoedd i astudio Ffrangeg a Sbaeneg drwy gyfrwng y Gymraeg, ond nid oes digon o ddarpariaeth eto i gyrraedd 40 o gredydau ym mhob blwyddyn.
Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.
Mae rhagor o wybodaeth am ein harbenigedd academaidd ar ein tudalennau staff.
| Dyddiad Dechrau |
D.U. |
Rhyngwladol |
|
Medi 2024
|
£ 9,000
|
£ 19,200
|
|
Medi 2025
|
£ 9,250
|
£ 20,150
|
| Dyddiad Dechrau |
D.U. |
Rhyngwladol |
|
Medi 2024
|
£ 9,000
|
£ 19,200
|
|
Medi 2025
|
£ 9,250
|
£ 20,150
|
| Dyddiad Dechrau |
D.U. |
Rhyngwladol |
|
Medi 2024
|
£ 9,000
|
£ 19,200
|
|
Medi 2025
|
£ 9,250
|
£ 20,150
|
Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.
Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.
Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.
Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Efallai y byddwch yn gymwys i gael arian i helpu i gefnogi eich astudiaethau.
I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.
Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.
Mae’n bosib eich bod yn gymwys i gael cymorth ariannol tuag at eich astudiaethau.
I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen
ysgoloriaethau a bwrsariaethau'r Brifysgol.
Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog.
I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi
Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.
Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):
- Teithio i'r campws ac oddi yno
- Costau argraffu, llungopïo, rhwymo, deunydd ysgrifennu ac offer (e.e. ffyn USB)
- Prynu llyfrau neu werslyfrau
- Gwisgoedd ar gyfer seremonïau graddio
Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.
Mae ein gwasanaethau cymorth gyrfaoedd yn cynnwys:
- Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
- Cyngor ac arweiniad unigol gan Ymgynghorwyr Gyrfaoedd proffesiynol
- Cymorth i chwilio am swyddi, interniaethau, lleoliadau gwaith a chyfleoedd gwirfoddoli
- Mynediad i adnoddau gwybodaeth am amrywiaeth eang o bynciau rheoli gyrfa
- Cyngor ac arweiniad ar astudio a chyllid i fyfyrwyr ôl-raddedig.
- Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr
Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.
Yn ogystal â chymorth pwnc penodol gan staff addysgu'r coleg a'ch tiwtor
personol, mae'r
Ganolfan Llwyddiant Academaidd yn darparu cyrsiau, gweithdai a chymorth un-i-un mewn
meysydd fel:
- Ysgrifennu academaidd
- Mathemateg ac ystadegau
- Meddwl critigol
- Rheoli amser
- Sgiliau digidol
- Sgiliau cyflwyno
- Cymryd nodiadau
- Technegau adolygu, dysgu ar gof ac arholiadau
- Sgiliau Saesneg (os nad Saesneg yw eich iaith gyntaf)
Yn ogystal, os oes gennych Anhawster Dysgu Penodol (ADP/SpLD), anabledd,
cyflwr iechyd meddwl neu gyflwr meddygol, mae gan y Ganolfan Llwyddiant
Academaidd Diwtoriaid Arbenigol i gefnogi'ch dysgu. Bydd y tiwtoriaid yn
gweithio ochr yn ochr â'r Swyddfa Anabledd
a'r Gwasanaeth Lles i gefnogi eich holl anghenion a
gofynion tra byddwch yn astudio ym Mhrifysgol Abertawe.
I ddysgu mwy am astudio dramor, ewch i'n tudalennau gwe Go Global. Nid yw cofrestru
ar raglen sy'n cynnwys semester/blwyddyn dramor yn gwarantu lleoliad gwaith
semester/blwyddyn dramor yn awtomatig. Mae nifer gyfyngedig o leoedd ar gael
ac yn amodol ar broses ddethol gystadleuol. Os na fyddwch chi'n llwyddo i ennill
lleoliad gwaith semester/blwyddyn dramor, cewch chi eich trosglwyddo i gwrs
safonol eich cynllun gradd heb semester neu flwyddyn dramor.
Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n
para o 2 i 6 wythnos, ar draws cyrchfannau megis Sri Lanka, De Corea, Fiji, Bali,
UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.
Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer
cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae
rhagor o wybodaeth ar gael ar ein tudalen we Dyddiadau
cau ar gyfer cyflwyno cais.
