Canllaw Cyflym Gwyddorau Biofeddygol

Gradd gyda'ch gyrfa mewn golwg

Cofestrwch am Ddiwrnod Agored

Pam astudio Gwyddorau Meddygol yn Abertawe?

Yma ym Mhrifysgol Abertawe, rydym o ddifri am y gwyddorau biofeddygol a natur drawsnewidiol y sector hwn i iechyd, cyfoeth a lles ein cymunedau'n fyd-eang. Ein cenhadaeth yw defnyddio ein gwybodaeth wyddonol i wella canlyniadau iechyd cleifion go iawn.

Mae ein graddau BSc ac MSci israddedig yn cynnig cyfle i chi arbenigo ym meysydd gwahanol y gwyddorau biofeddygol, deall sut mae'r corff yn gweithio, sut mae'n ymateb i ysgogiadau gwahanol a sut gall y ddealltwriaeth hon gyflwyno gofal iechyd sy'n benodol i'r unigolyn. Mae gwybodaeth o'r fath o gymorth i ni wrth i ni archwilio a goresgyn yr heriau mwyaf rydym yn eu hwynebu fel rhywogaeth ac wrth i ni baratoi ein myfyrwyr at fynd i'r afael â'r heriau hyn yn uniongyrchol fel gwyddonwyr.

Mae ein rhaglenni yn y gwyddorau biofeddygol yn y safleoedd uchaf yn rheolaidd yn y tablau cynghrair cenedlaethol. Er enghraifft, gwnaethom gyrraedd y 12fed safle yn y DU ar gyfer y gwyddorau biofeddygol yn ôl The Complete University Guide (2024) ac yn ôl The Guardian (2024), Prifysgol Abertawe yw'r brifysgol orau yng Nghymru ar gyfer y gwyddorau biofeddygol.

Newydd ar gyfer 2024

Bydd ein graddau rhyngddisgyblaethol newydd, sef BSc Microbioleg ac Imiwnoleg a BSc Microbioleg ac Imiwnoleg gyda Blwyddyn Sylfaen yn cyfuno meysydd Microbioleg ac Imiwnoleg, gan ganolbwyntio ar sut maent yn rhyngweithio â'i gilydd mewn ymateb i glefydau heintus ynghyd ag ystyried anhwylderau a geir o ganlyniad i system imiwnedd sy'n camweithio.

Beth galla i ei astudio gyda safon uwch mewn bioleg?

Mae pob un o'n cyrsiau yn y gwyddorau biofeddygol yn addas i'r bobl hynny sydd â Safon Uwch mewn Bioleg; fodd bynnag, efallai bydd y bobl sydd â diddordeb penodol mewn Bioleg am ystyried y rhaglenni isod. Sylwer y gall fod gan rai o'r rhaglenni ofynion mynediad ychwanegol.

Beth galla i ei wneud gyda safon uwch mewn cemeg?

Mae pob un o'n cyrsiau yn y gwyddorau biofeddygol yn addas i'r bobl hynny sydd â Safon Uwch mewn Cemeg; fodd bynnag, efallai bydd y bobl sydd â diddordeb penodol mewn Cemeg am ystyried y rhaglenni isod. Sylwer y gall fod gan rai o'r rhaglenni ofynion mynediad ychwanegol.

Beth alla i ei wneud gyda gradd mewn gwyddor biofeddygol?

Mae amrywiaeth o rolau ar gael i chi os byddwch yn dewis astudio gradd yn y Gwyddorau Biofeddygol. Mae gradd yn y Gwyddorau Biofeddygol yn ddewis ardderchog os ydych chi'n bwriadu astudio Meddygaeth yn y pendraw neu os oes diddordeb gennych chi mewn gyrfa ymchwil. Mae rhai o'r rolau sydd ar gael i raddedigion yn y Gwyddorau Biofeddygol yn cynnwys:

Gwyddonydd Biofeddygol/GIG/clinigol (gydag astudiaethau/hyfforddiant pellach)
Biotechnolegydd
Dadansoddwr/epidemiolegydd data clinigol
Gwyddonydd fforensig (gydag astudiaethau pellach)
Meddyg meddygol (gyda gradd ychwanegol sef Meddygaeth i Raddedigion)
Microbiolegydd
Ffarmacolegydd/rolau datblygu cyffuriau
Cydymaith Meddygol (gydag astudiaethau pellach)
Datblygu cynhyrchion neu sicrhau ansawdd ym myd diwydiant
Gwyddonydd ymchwil (gall fod angen astudiaethau pellach megis MSc neu PhD)
Awdur gwyddoniaeth
Rolau arbenigol ym myd diwydiant, y byd academaidd neu labordai'r Llywodraeth megis Uwch-wyddonydd neu Arbenigwr Technegol
Athro mewn Ysgol Uwchradd (gydag astudiaethau pellach)
Tocsicolegydd

A allwch chi ddod yn feddyg gyda biomed?

Gallwch, byddai astudio gradd yn y gwyddorau biofeddygol yn eich gwneud chi'n gymwys i gyflwyno cais ar gyfer rhaglen Meddygaeth i Raddedigion pe byddech chi'n bwriadu cymhwyso fel meddyg meddygol yn y pendraw.

Ym Mhrifysgol Abertawe, mae gennym 5 gradd yn y Gwyddorau Biofeddygol a ddisgrifir fel Llwybrau i Feddygaeth, sy'n gwarantu cyfweliad i fyfyrwyr ar gyfer ein rhaglen Meddygaeth i Raddedigion. Mae llwybrau'n opsiwn perffaith os ydych chi wedi colli'r cyfle i astudio Meddygaeth, os ydych chi'n chwilio am bumed opsiwn UCAS neu os ydych chi'n dal i benderfynu a yw Meddygaeth yn addas i chi.

Mae ein Llwybrau i Feddygaeth yn cynnwys:

Y Gwyddorau Meddygol Cymhwysol

Biocemeg Feddygol

Geneteg Feddygol

Ffarmacoleg Feddygol

Iechyd y Boblogaeth a'r Gwyddorau Meddygol

Beth os nad ydyw i’n bodloni’r gofynion mynediad o ran graddau ar gyfer cyrsiau’r gwyddorau biofeddygol?

Os nad ydych chi'n bodloni'r gofynion mynediad o ran graddau neu bynciau ar gyfer y rhaglen BSc tair blynedd o'ch dewis, efallai byddwch chi am ystyried ein hopsiynau Blwyddyn Sylfaen. Rydym yn cynnig opsiwn Blwyddyn Sylfaen ar gyfer pob un o'n rhaglenni BSc yn y Gwyddorau Biofeddygol, sy’n addas ar gyfer y bobl hynny nad ydynt yn bodloni'r gofynion mynediad ac felly nid ydynt yn gallu cofrestru'n uniongyrchol ar gyfer y rhaglen tair blynedd.

Mae eich gyrfa yn dechrau yma

Mae gan ein graddau israddedig mewn gwyddor bywyd wedi gwreiddio ynddynt, ffocws gyrfaoedd. P'un a ydych chi'n chwilio am Lwybr at Feddygaeth ac yn gwireddu eich breuddwyd o ddod yn feddyg, neu'n dymuno dilyn un o'n graddau ymchwil dwys MSci a sefydlu'ch hun ar gyfer astudiaeth bellach neu yrfa mewn ymchwil, mae gan ein cyrsiau a'n darlithwyr eich gyrfa mewn golwg.

Microbioleg ac Imiwnoleg

Newydd ar gyfer 2024: Blwyddyn Sylfaen a BSc ar gael

Gwyddorau Meddygol Cymhwysol

Blwyddyn Sylfaen, a BSc Ar gael

Biocemeg

Blwyddyn Sylfaen, BSc a MSci Ar gael

Geneteg

Blwyddyn Sylfaen, BSc, ac MSci ar gael

Ffarmacoleg Feddygol

Blwyddyn Sylfaen, ac BSc ar gael

Iechyd Poblogaethau a'r Gwyddorau Meddygol

Blwyddyn Sylfaen, ac BSc ar gael

Diddordeb mewn meddygaeth?

Mae llawer o'n graddau Gwyddor Bywyd hefyd yn Llwybrau at Feddygaeth, sy'n cynnig y cyfle am gyfweliad gwarantedig ar gyfer Meddygaeth i Raddedigion, gan eich helpu i gyflawni eich uchelgais i astudio Meddygaeth a dod yn Feddyg.

Ein heffaith ymchwil

I’r rhai sydd â diddordeb mewn gyrfa ym maes ymchwil, byddwch yn ymuno â sefydliad sydd ag enw rhagorol am ymchwil, fel y cydnabyddir gan berfformiad cryf iawn yn y Fframwaith Rhagoriaeth Ymchwil (REF2021) gan arwain at welliannau iechyd i gleifion, i ddiwydiant a’r cyhoedd yn ehangach.

Cewch eich addysgu gan academyddion sy’n arwain y byd a chael eich amgylchynu gan ymchwilwyr o safon fyd-eang sydd ar flaen y gad o ran ymchwil arloesol ym maes gwyddor bywyd sy’n archwilio’r problemau byd-eang sy’n ein hwynebu ym maes iechyd.

Uchafbwyntiau ymchwil

Ymchwil yn y Gyfadran Meddygaeth, Iechyd a Gwyddor Bywyd

Sefydliadau ymchwil Meddygaeth, Iechyd a Gwyddor Bywyd

FRY 2021 - Ein Canlyniadau

Difrod DNA a Diogelwch Nanoddeunyddiau

Brwydro yn erbyn camddefnyddio sylweddau gydag offer a thechnegau canfod cyffuriau datblygedig

Defnyddio Bacteria i Dargedu Tiwmorau

Blog Myfyriwr: Ffion Evans, MSci Biocemeg

Astudiodd Ffion Biocemeg ym Mhrifysgol Abertawe, gan raddio gyda'i Msci yn 2020. Dyma ei phrofiad o astudio yn Abertawe:

"Wrth benderfynu ar brifysgol, roedd y cyfle i astudio trwy’r Gymraeg yn bwysig iawn i mi. Roedd Prifysgol Abertawe yn cynnig y cwrs Biocemeg yn rhannol trwy’r Gymraeg. Wrth ddod i ddiwrnod agored roedd y campws yn teimlo’n gartrefol i mi ac roedd y staff yn gyfeillgar, yn gefnogol ac yn frwdfrydig iawn am y cwrs.

Yn yr ysgol, Bioleg a Chemeg oedd fy hoff bynciau. Mae gen i ddiddordeb mawr yn y newidiadau sy’n digwydd yn y corff wrth ddioddef o glefydau gwahanol, yn enwedig cyflyrau niwroddirywiol.

Felly, roedd astudio Biocemeg yn ehangu fy nealltwriaeth o’r pynciau yma a chefais gyfle i wneud prosiect ymchwil ar glefyd niwroddirywiol yn fy mhedwaredd flwyddyn."

Am ddarganfod mwy am Abertawe?

Wedi'ch ysbrydoli i astudio gradd Gwyddor Feddygol? Cymerwch amser i archwilio ein campws o gysur eich cartref eich hun gan ddefnyddio ein taith rithwir, siaradwch â rhai o'n myfyrwyr presennol am sut beth yw astudio yn Abertawe a gwnewch yn siŵr eich bod yn cofrestru ar gyfer ein Diwrnod Agored nesaf lle gallwch chi brofi Abertawe, ein cymuned a'n cyrsiau yn bersonol.