"Chwaraeon, y Cyfryngau a Diwylliant gyda Blwyddyn Sylfaen", BA (Anrh)

Manylion Allweddol y Cwrs

4 Blynedd Llawn Amser Gyda Blwyddyn Sylfaen

Côd UCAS: P36F
Dull Astudio: Ar y Campws
Cynnig Nodweddiadol (gweler dewisiadau arall): CDD-DDD
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	£ 9,250

4 Blynedd Llawn Amser Gyda Blwyddyn Sylfaen

Côd UCAS: P36F
Dull Astudio: Ar y Campws
Cynnig Nodweddiadol: CDD-DDD - Gwybodaeth Rhagor
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2025	£ 18,400

"Chwaraeon, y Cyfryngau a Diwylliant gyda Blwyddyn Sylfaen", BA (Anrh)

Paratowch am Yrfa ym maes Cyfryngau a Newyddiaduraeth Chwaraeon

Trosolwg o'r Cwrs

Mae'r Flwyddyn Sylfaen yn rhoi cyflwyniad cyffrous i chi i Addysg Uwch, yn rhoi'r sgiliau, yr hyder a'r wybodaeth y mae eu hangen arnoch chi i fod yn llwyddiannus yn eich gradd israddedig. Mae'n ddelfrydol os bydd angen ychydig mwy o gymorth arnoch chi ar ôl addysg bellach neu'n dychwelyd i fyd addysg ar ôl blynyddoedd lawer.

Ar ôl symud ymlaen o'r flwyddyn sylfaen, cewch gyfle i astudio ein rhaglen sydd yn eich paratoi ar gyfer gyrfa yn y dyfodol fel creawdwr a chyfathrebwr cynnwys chwaraeon proffesiynol ar draws y cyfryngau cyfathrebu chwaraeon cyfoes.

Datblygwyd y cwrs hwn i sicrhau y byddwch yn graddio fel creawdwr cynnwys chwaraeon galluog a chymwys, sy’n meddu ar sgiliau newyddiadurol, ac sy’n fedrus wrth greu a hyrwyddo cynnwys amlgyfrwng sy’n canolbwyntio ar chwaraeon, o bodlediadau i adroddiadau ar gemau ac o sylwebaeth chwaraeon i strategaethau cyfathrebu chwaraeon hyrwyddol.

Pam "Chwaraeon, y Cyfryngau a Diwylliant gyda Blwyddyn Sylfaen" yn Abertawe?

Cewch eich addysgu gan academyddion sydd ag ystod eang o brofiad yn y diwydiant a byddwch yn elwa o fynediad at gyfleusterau ffilmio, golygu a dylunio o safon diwydiant. Yn ogystal, mae ein cysylltiadau agos â sefydliadau chwaraeon fel Clwb Pêl-droed Dinas Abertawe, y Gweilch, a’n partneriaeth â Chwaraeon Abertawe yn golygu y byddwch yn cael safbwynt y diwydiant cyfathrebu chwaraeon ar draws eich rhaglen radd.

Mae’r rhaglen hon wedi’i lleoli o fewn ein hadran Cyfryngau, Cyfathrebu, Newyddiaduraeth a Chysylltiadau Cyhoeddus. Mae Cyfryngau yn Abertawe wedi cael y sgorau canlynol:

8fed yn y DU ar gyfer Boddhad Myfyrwyr (Complete University Guide 2025)
8fed yn y DU ar gyfer Profiad Myfyrwyr (Times Good University Guide 2025)
10fed yn y DU ar gyfer Ansawdd Dysgu (Times Good University Guide 2025)

Mae’r cwrs hwn wedi’i leoli yn ein campws Parc Singleton bendigedig, mewn tir parc sy’n edrych dros Fae Abertawe ar gyrion Penrhyn Gŵyr. Byddwch hefyd yn agos i ddinas Abertawe, sy’n ddinas fywiog, amlddiwylliannol, ddiogel a chost-effeithiol.

Eich Profiad "Chwaraeon, y Cyfryngau a Diwylliant gyda Blwyddyn Sylfaen"

Bydd ein cwrs gradd BA (Anrh.) Chwaraeon, y Cyfryngau a Diwylliant gyda Blwyddyn Sylfaen yn rhoi cyflwyniad cyffrous i chi i addysg uwch ac mae'n rhan o gwrs gradd integredig pedair blynedd.

Yn ystod eich blwyddyn sylfaen, byddwch chi'n dysgu'r sgiliau allweddol y mae eu hangen arnoch chi i lwyddo yn eich gradd wrth ddatblygu gwybodaeth am eich maes pwnc a sut mae'n perthyn i'r dyniaethau a'r gwyddorau cymdeithasol.

Byddwch yn dysgu sut i wella eich sgiliau llafar ac ysgrifennu, ymchwilio a chasglu gwybodaeth, cyflwyno eich syniadau mewn amrywiaeth o fformatau, datrys problemau a gwneud penderfyniadau ar sail gwybodaeth.

Byddwch yn dechrau'r cwrs gradd yn eich ail flwyddyn. Ar ein rhaglen Chwaraeon, y Cyfryngau a Diwylliant byddwch ddatblygu a chymhwyso set amlddimensiynol o sgiliau ymarferol. Ar ôl cwblhau’r rhaglen, bydd myfyrwyr llwyddiannus yn gwybod sut i ddod o hyd i stori newyddion chwaraeon ddiddorol a chymhellol, ysgrifennu’r stori honno i’w chyhoeddi, ffilmio a/neu recordio’r stori honno i’w darlledu neu ar gyfer eu podlediad, golygu’r pecyn fel y gellir ei ddarlledu mewn fformatau amrywiol, a gwybod sut i ddenu cynulleidfaoedd a hyrwyddo’r stori honno.

Y tu allan i’ch astudiaethau, byddwch yn rhan o gymuned fyfyrwyr gefnogol ac yn gallu cymryd rhan mewn llawer o wahanol glybiau chwaraeon a chymdeithasau gan gynnwys cymdeithas y cyfryngau.

Cyfleoedd Cyflogaeth "Chwaraeon, y Cyfryngau a Diwylliant gyda Blwyddyn Sylfaen"

Mae gyrfaoedd disgwyliedig yn amrywio o:

Newyddiadurwr Chwaraeon
Darlledwr Chwaraeon
Arbenigwr Cysylltiadau Cyfryngau
Rheolwr Cyfryngau Cymdeithasol Chwaraeon
Cydlynydd Digwyddiadau Chwaraeon
Rheolwr Cysylltiadau Cyhoeddus Chwaraeon
Arbenigwr Marchnata Chwaraeon
Dadansoddwr/Sylwebydd Chwaraeon
Creawdwr Cynnwys Chwaraeon
Cyfarwyddwr Gwybodaeth Chwaraeon

Mae cyfleoedd ar gael hefyd i astudio ymhellach ar lefel Meistr.

Modiwlau

Yn eich Blwyddyn Sylfaen, byddwch chi'n dewis modiwlau a fydd yn cynnig sgiliau astudio allweddol i chi, gwybodaeth am y pwnc, ac ymwybyddiaeth o bwysigrwydd y dyniaethau a'r gwyddorau cymdeithasol. Yna byddwch chi'n symud ymlaen i’ch gradd.

Blwyddyn 0 (Lefel 3)

Entry Level 3 / Foundation Year

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Academic Writing and Skills Development	September-January (TB1)	20	FY-011
Introduction to Being Human	September-January (TB1)	20	FY-012
Introduction to Research	September-January (TB1)	20	FY-015
Critical Reflection and Problem Solving	January-June (TB2)	20	FY-014
Research Essay	January-June (TB2)	20	FY-016
Place, Memory & Identity in Literature, Film and Art	January-June (TB2)	20	FY-017

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Introduction to Media Communication	September-January (TB1)	20	MS-100
Delivering and Decoding the News	September-January (TB1)	20	MS-114
Pitch Invasion: Sport and its Impact on Society	September-January (TB1)	20	MS-116
Introduction to Media History	January-June (TB2)	20	MS-120

Modiwlau Opsiynol

Compulsory Selective 1

Dewiswch Yn union 20 o gredydau o'r Modiwlau a ganlyn:

SYLWER :Select Welsh Medium or English from:

Enw'r Modiwl	Hyd y Modiwl	Credydau	Cod y Modiwl	Canllawiau
Creative Media Platforms	January-June (TB2)	20	MS-126
Sgiliau Cyfryngau Allweddol	January-June (TB2)	20	MSW123

AND

Compulsory Selective 2

Dewiswch Yn union 20 o gredydau o'r Modiwlau a ganlyn:

SYLWER :Select Welsh Medium or English from:

Enw'r Modiwl	Hyd y Modiwl	Credydau	Cod y Modiwl	Canllawiau
Public Relations: Strategic Communications	January-June (TB2)	20	MSP100R
Cysylltiadau Cyhoeddus: Cyfathrebu Strategol	January-June (TB2)	20	MSW106

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Theorising the Media	September-January (TB1)	20	MS-200
All Ears - an Introduction to the Art of Podcasting	September-January (TB1)	20	MS-242
Pitch Perfect: Sports Commentary and Punditry	January-June (TB2)	20	MS-243

Modiwlau Opsiynol

Options TB1 Yr 2

Dewiswch Yn union 20 o gredydau o'r Modiwlau a ganlyn:

SYLWER :Select 20 credits from:

Enw'r Modiwl	Hyd y Modiwl	Credydau	Cod y Modiwl
Introduction to Film Production	September-January (TB1)	20	MS-228
Professional Development: Preparing for Work	September-January (TB1)	20	MS-229
Public Relations Theory in Action	September-January (TB1)	20	MSP200
Sgiliau Cyfryngau Ymarferol	September-January (TB1)	20	MSW200
Datblygiad Proffesiynol: Paratoi ar gyfer Gwaith	September-January (TB1)	20	MSW229

AND

Options TB2 Yr 2

Dewiswch Yn union 40 o gredydau o'r Modiwlau a ganlyn:

SYLWER :Select 40 credits from:

Enw'r Modiwl	Hyd y Modiwl	Credydau	Cod y Modiwl
Creative Media Practice	January-June (TB2)	20	MS-221
Social Media Cultures	January-June (TB2)	20	MS-232
Investigating Text, Process and Audiences	January-June (TB2)	20	MS-233
Media Law	January-June (TB2)	20	MS-235
Pop Culture and Alternative News Genres	January-June (TB2)	20	MS-237
Cyfathrebu Digidol	January-June (TB2)	20	MSW207

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Sports Public Relations	September-January (TB1)	20	MS-344

Modiwlau Opsiynol

Options TB1 Yr 3

Dewiswch Yn union 40 o gredydau o'r Modiwlau a ganlyn:

SYLWER :Select 40 credits from:

Enw'r Modiwl	Hyd y Modiwl	Credydau	Cod y Modiwl
Dissertation Preparation	September-January (TB1)	20	MS-310
Documentary and Fiction Filmmaking	September-January (TB1)	20	MS-323
Reporting the 21st Century	September-January (TB1)	20	MS-336
Game Over - Press Start to Continue: Critical Game Studies	September-January (TB1)	20	MS-346
Professional Sports Communication Placement	September-January (TB1)	20	MS-355
Strategy, Marketing and Branding	September-January (TB1)	20	MSP300R
Cynllunio Cynhyrchiad Aml-blatfform	September-January (TB1)	20	MSW312

AND

Options TB2 Yr 3

Dewiswch Yn union 60 o gredydau o'r Modiwlau a ganlyn:

SYLWER :Select 60 credits from:

Enw'r Modiwl	Hyd y Modiwl	Credydau	Cod y Modiwl	Canllawiau
Practical Web Technologies	January-June (TB2)	20	MS-307
Doing Digital Journalism	January-June (TB2)	20	MS-309
Dissertation	January-June (TB2)	20	MS-311
Guerrilla Campaigns: Subversive and Interruptive PR	January-June (TB2)	20	MS-348
Extended Professional Sports Communication Placement	January-June (TB2)	20	MS-356	To study MS-356 Extended professional Sports Communication Placement, students must also select MS-355 Professional Sports Communication Placement in semester 1.
Media and Communication Internship	January-June (TB2)	20	MSS312
Interniaeth y Cyfryngau a Chyfathrebu	January-June (TB2)	20	MSSW312
Creu Cynhyrchiad Aml-Blatfform	January-June (TB2)	20	MSW309

Gofynion Mynediad

Ein gofyniad mynediad safonol yw (120 o bwyntiau tariff UCAS) neu gyfwerth. Caiff ein holl gynigion eu gwneud yn dilyn adolygiad o'r ffurflen gais, y graddau a ragwelir/enillwyd a'r pynciau, y geirda a'r datganiad personol. Rydym hefyd yn derbyn amrywiaeth o gymwysterau lefel uwch, gan gynnwys: 32 yn y Fagloriaeth Ryngwladol; Bagloriaeth Cymru – gradd sy'n gyfwerth â Safon Uwch; Cymwysterau Mynediad i Addysg Uwch a'r Brifysgol Agored, a Phrosiect Estynedig.

Rydym yn gofyn am sgôr IELTS o 6.0 fan leiaf (gydag isafswm o 5.5 ymhob cydran) neu brawf Saesneg cyfatebol, ar gyfer ymgeiswyr nad ydynt yn siarad Saesneg fel eu hiaith gyntaf.

Sut byddwch chi'n cael eich dysgu

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Darpariaeth Gymraeg

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Tiwtor Personol Cymraeg ei iaith.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Os byddwch yn astudio o leiaf 40 credyd yn y Gymraeg a'i fod wedi'i restru fel cwrs cymwys ar y dudalen we, gallwch wneud cais am Ysgoloriaeth Academi Hywel Teifi (£300 am flwyddyn), neu yr Ysgoloriaeth Cymhelliant y Coleg Cymraeg (£500 y flwyddyn am 3 blynedd).

Cwrdd â'ch Darlithwyr

Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.

Mae rhagor o wybodaeth am ein harbenigedd academaidd ar ein tudalennau staff .

Ffioedd Dysgu

Dyddiad Dechrau	D.U.	Rhyngwladol
Medi 2024	£ 9,000	£ 17,500
Medi 2025	£ 9,250	£ 18,400

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennym system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Caiff pob un o'n myfyrwyr yr opsiwn o astudio dramor. Mae ein rhaglenni pedair blynedd yn cynnig blwyddyn lawn dramor ac rydym hefyd yn cynnig tymor dramor ar gyfer cyrsiau gradd tair blynedd, yn ystod eich ail flwyddyn o fis Ionawr i fis Mai yn Hong Kong, Singapôr ac UDA. Rhaglen gyfnewid yw'r tymor dramor felly byddwch yn talu ffioedd dysgu'r DU a byddwch yn gyfrifol am gostau llety a byw yn y sefydliad partner am y tymor hwnnw.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.