Trosolwg o'r Cwrs
Mae Ieithoedd Modern a Llenyddiaeth Saesneg ym Mhrifysgol Abertawe yn gwrs cyffrous a heriol, sy'n agor ystod o bosibiliadau gyrfa trwy eich helpu i ddatblygu sgiliau trosglwyddadwy y mae cyflogwyr yn eu gwerthfawrogi.
Byddwch yn astudio Ffrangeg, Almaeneg neu Sbaeneg a chanrifoedd o Lenyddiaeth Saesneg gan eich helpu i ddod yn rhan o gymuned fyd-eang ac agor drysau i ystod eang o yrfaoedd.
Yn ogystal ag astudio eich dewis iaith, mae cynnwys y cwrs yn ymestyn o lenyddiaeth genedlaethol a byd-eang gan gynnwys ysgrifau o’r Dadeni, ffuglen Gothig a genre, llenyddiaeth y 19eg ganrif, moderniaeth a ffuglen gyfoes, rhyw a diwylliant, ysgrifennu creadigol a phroffesiynol i iaith, diwylliant, hanes, sinema, ffuglen llenyddiaeth, cyfieithu ac addysgu iaith.
Gellir astudio'r cwrs fel cwrs tair blynedd, neu gallwch ymestyn eich astudiaethau am flwyddyn trwy wneud Blwyddyn Dramor neu Flwyddyn mewn Diwydiant*. Bydd yr opsiynau ychwanegol hyn yn eich galluogi i wella eich profiad myfyriwr ymhellach drwy roi mynediad i chi at fewnwelediadau diwylliannol unigryw a chyfleoedd seiliedig ar sgiliau.
Pam Ieithoedd Modern a Llenyddiaeth Saesneg ym Mhrifysgol Abertawe?
Wedi’i leoli ar ein campws godidog ym Mharc Singleton, mewn parcdir sy’n edrych dros Fae Abertawe ar gyrion Penrhyn Gŵyr;
Mae Ieithoedd Modern yn Abertawe wedi'u rhestru fel a ganlyn:
- 1af yn y DU ar gyfer Boddhad Addysgu (Guardian University Guide 2025)
- 1af ar gyfer Cyfleoedd Dysgu (NSS 2024)*
- 2il ar gyfer Addysgu (ACF 2024)**
- 2il ar gyfer Llais Myfyrwyr (NSS 2024)*
- 5ed yn y DU yn gyffredinol (Guardian University Guide 2025), ac mae
- 93% o raddedigion mewn cyflogaeth a/neu'n astudio, neu'n ymgymryd â gweithgareddau eraill, megis teithio, 15 mis ar ôl gadael Prifysgol Abertawe (HESA 2023)
*Yn seiliedig ar y sgôr positifrwydd cyfartalog ar draws cwestiynau 5 i 9 yn ACF 2024 o’i gymharu â’r prifysgolion sydd wedi’u cynnwys yn y Times Good University Guide.
**Yn seiliedig ar y sgôr positifrwydd cyfartalog ar draws cwestiynau 1 i 4 yn ACF 2024 o’i gymharu â’r prifysgolion yn y Times Good University Guide.
***Yn seiliedig ar y sgôr positifrwydd cyfartalog ar draws cwestiynau 22 i 25 yn yr ACF 2024 o’i gymharu â’r prifysgolion sydd wedi’u cynnwys yn y Times Good University Guide.
Mae Llenyddiaeth Saesneg Abertawe yn y rhestr ganlynol:
- Ymhlith y 101-150 gorau yn y Byd (QS World Rankings 2024)
- Safle 11 yn y DU am Effaith Ymchwil (REF2021)
- Y 25 Uchaf ar gyfer Boddhad Myfyrwyr (Complete University Guide 2025)
- 97% o raddedigion mewn cyflogaeth a/neu astudio, neu'n gwneud gweithgareddau eraill, megis teithio, 15 mis ar ôl gadael Prifysgol Abertawe (HESA 2023)
Mae ein darlithwyr a’n hathrawon yn awduron, yn ieithyddion, ac yn gyfieithwyr a gydnabyddir yn rhyngwladol y mae eu gwaith wedi’i gyhoeddi, ei ddarlledu a’i berfformio’n eang. Byddwch yn dysgu gan arbenigwyr ymchwil sy'n arbenigo mewn pynciau fel ffilm, astudiaethau rhywedd, llenyddiaeth, astudiaethau theatr a chyfieithu.
Eich profiad Ieithoedd Modern a Llenyddiaeth Saesneg
Rydym yn cynnig cynnwys cwrs amrywiol a hyblyg, felly gallwch arbenigo yn eich pynciau dewisol a siapio eich cwrs i gyd-fynd â’ch diddordebau, boed mewn llenyddiaethau cenedlaethol a byd-eang, y Dadeni, llenyddiaeth y 19eg ganrif neu gyfoes, ffuglen Gothig a genre, ysgrifennu creadigol a phroffesiynol neu Hanes, iaith, llenyddiaeth, ffilm, cyfieithu neu addysgu Ffrangeg.
Mae Cymdeithas Myfyrwyr Saesneg ffyniannus Abertawe a chymdeithasau iaith yn trefnu digwyddiadau cymdeithasol a diwylliannol. Mae diwylliant campws bywiog i fyfyrwyr iaith gan gynnwys cyfarfodydd rheolaidd ar gyfer ymarfer sgiliau iaith.
Bydd gennych hefyd diwtor personol ar gyfer unrhyw gymorth bugeiliol ac academaidd y gallai fod ei angen arnoch.
Mae'r Flwyddyn Dramor yn cynnig cyfle i chi astudio yn un o'n sefydliadau partner yn Ffrainc, Gwlad Belg, y Swistir, Sbaen, yr Almaen neu Awstria. Fel arall, gallwch ddewis gweithio fel athro Iaith Dramor Saesneg drwy'r Cyngor Prydeinig. Ar gyfer myfyrwyr Sbaeneg, mae cyfleoedd ychwanegol ar gael yn America Ladin.
Mae treulio blwyddyn dramor, naill ai ar leoliad gwaith cyflogedig neu’n astudio yn un o’n sefydliadau partner yn gyfle cyffrous a gwerthfawr a fydd yn rhoi hwb pellach i’ch profiad fel myfyriwr a’ch rhagolygon cyflogaeth.
Gellir treulio'r Flwyddyn mewn Diwydiant yn y DU neu dramor**, gan roi profiad gwerthfawr yn y gweithle. Mae'r Brifysgol yn eiriol dros leoliadau â thâl, sydd ar gyfartaledd â chyflog o £20,000+. Mae lleoliadau di-dâl yn cael eu hystyried fesul achos. Er mai cyfrifoldeb y myfyriwr yw sicrhau lleoliad, rydym yn gweithio gyda sawl sefydliad sy'n darparu ystod o gyfleoedd. Cefnogir myfyrwyr trwy gydol y daith ymgeisio gyda chyngor, arweiniad ac adnoddau. Os na allwch sicrhau lleoliad erbyn diwedd yr ail flwyddyn astudio, byddwch yn trosglwyddo i'r rhaglen radd gyfatebol.
*Cyfrifoldeb y myfyriwr yw sicrhau lleoliad, ond byddwch yn cael eich cefnogi trwy gydol eich taith ymgeisio gyda chyngor ac arweiniad. Os na allwch sicrhau lleoliad erbyn diwedd ail flwyddyn eich astudiaethau, byddwch yn trosglwyddo i'r rhaglen tair blynedd.
**mae lleoliadau tramor yn dibynnu ar gyfyngiadau VISA fesul gwlad.
Cyfleodd Cyflogadwyedd Ieithoedd Modern a Llenyddiaeth Saesneg
Mae ein graddedigion yn dechrau gyrfaoedd mewn ystod eang o sectorau gan gynnwys:
- Addysg
- Marchnata
- Cyfryngau cymdeithasol
- Gweinyddu prosiect
- Addysgu
- Gwaith dyngarol
- Newyddiaduraeth, y cyfryngau a chysylltiadau cyhoeddus
- Gwasanaethau cyhoeddus
