1. Hafan
  2. Israddedig
  3. Cyrsiau Israddedig
  4. Cyrsiau Israddedig y Gyfraith
  5. Cyfraith Busnes, LLB (Anrh)

Cyfraith Busnes, LLB (Anrh)

Gradd yn y gyfraith sy'n rhoi sylw i bob agwedd ar fusnes a masnach

students at the school of law

Trosolwg o'r Cwrs

Cymerwch y cam cyntaf tuag at amrywiaeth o yrfaoedd cyffrous mewn busnes a'r gyfraith fasnachol gyda'n rhaglen radd LLB arbenigol.

Byddwch yn meithrin dealltwriaeth gynhwysfawr o feysydd craidd gradd yn y Gyfraith. Wrth i'ch astudiaethau fynd yn eu blaenau, gallwch ddewis o amrywiaeth eang o feysydd pwnc gyda ffocws busnes, gan gynnwys y gyfraith fasnachol, cyfraith y cyfryngau, gwerthiannau masnachol, a chyfraith cyflogaeth.

Trwy gydol eich gradd gydanrhydedd, byddwch yn datblygu sgiliau ymchwil a dadansoddi ardderchog a’r gallu i gyfleu eich syniadau’n effeithiol ar lafar ac yn ysgrifenedig.

Mae ein holl raglenni israddedig  y Gyfraith yn cynnwys sylfeini gwybodaeth gyfreithiol y mae ei hangen i ddechrau gyrfa fel cyfreithiwr. Mae ein rhaglenni’n darparu sylfaen gadarn i fyfyrwyr sydd am sefyll yr Arholiadau Cymhwyso Cyfreithwyr (SQE) yn y dyfodol, ac yn bodloni cyfnod academaidd yr hyfforddiant sy’n ofynnol gan Fwrdd Safonau’r Bar i’r myfyrwyr sydd am fod yn fargyfreithwyr.

Os hoffech gwblhau LLB 4 blynedd gyda blwyddyn yn ymarfer, ewch i dudalen ein cwrs LLB Cyfraith Busnes ar Waith.

Pam Cyfraith Busnes yn Abertawe?

Yn Ysgol y Gyfraith Hillary Rodham Clinton, byddwch yn elwa o fod yn rhan o ymchwil fywiog ac amrywiol ac amgylchedd addysgu sy’n cylchdroi o amgylch ei fyfyrwyr.

Mae gan Brifysgol Abertawe enw da sefydledig sy’n parhau i ddatblygu ym maes addysgu ac ymchwil y Gyfraith. Cydnabyddir Ysgol y Gyfraith fel ffynhonnell arbenigedd ac ysgol sy’n dylanwadu ar bolisi ac ymarfer mewn amrywiaeth eang o feysydd ymarfer. Mae’r Ysgol yn gwbl ymrwymedig i welliant parhaus o ran dysgu ac addysgu, ac i roi eu myfyrwyr wrth wraidd eu gweithgareddau.

Mae'r Gyfraith yn Abertawe wedi'i rhestru:

  • 8fed yn y DU am y Gyfraith* (Longitudinal Education Outcomes (LEO) 2021/22)
  • 150 Gorau yn y byd (QS World Rankings 2024), a
  • Mae 94.6% o fyfyrwyr a astudiodd y Gyfraith mewn cyflogaeth, addysg bellach neu’r ddwy (Longitudinal Education Outcomes (LEO) 2021/22), a
  • 90% o Raddedigion yn Gweithio a/neu'n Astudio 15 Mis ar ôl Gadael Prifysgol Abertawe (HESA 2023)

*yn seiliedig ar sefydliadau addysg uwch

Eich Profiad Cyfraith Busnes

Rydym yn cynnig amgylchedd dysgu a chymuned gynhwysol sy’n canolbwyntio ar fyfyrwyr. Caiff modiwlau eu cyflwyno a’u hasesu mewn amrywiaeth o ffyrdd gwahanol a chewch eich annog i gymryd cyfrifoldeb dros eich dysgu eich hun, i weithio’n annibynnol yn ogystal ag ar y cyd ag eraill, i ymddwyn yn broffesiynol a meistroli sgiliau newydd. Yn ogystal â gweithgareddau dysgu ac addysgu, rydym yn cynnig amrywiaeth eang o gyfleoedd i chi gymryd rhan ynddynt: O leoliadau sy’n seiliedig ar ymchwil, i weithio gyda chleientiaid, i ddatblygu sgiliau eiriolaeth ac eraill. Mae ein Clinig Cyfreithiol ffyniannus yn cynnig cyfle i fyfyrwyr fod yn rhan o roi cyngor i gleientiaid ac mae gennym raglen dadlau, negodi a chyfweld allgyrsiol.

Mae strwythur hyblyg ein gradd israddedig yn y Gyfraith a Throseddeg, gydag ystod helaeth o ran modiwlau yn y flwyddyn olaf, yn rhoi digon o gwmpas i chi deilwra eich astudiaethau i’ch diddordebau penodol, nodau neu ddyheadau o ran gyrfa. 

 

Mae'r rhaglen hon yn rhoi cyfle i chi astudio dramor am flwyddyn yn un o'n sefydliadau partner. Gall ehangu eich gorwelion a chael profiadau bywyd a sgiliau newydd helpu i roi mantais gystadleuol i chi pan fyddwch chi yn y byd gwaith.

 

Yn ogystal â hynny, rydym hefyd yn cynnig ystod o gyfleoedd am leoliadau gwaith mewn amrywiaeth fawr o weithleoedd.

Cyfleoedd Cyflogaeth Cyfraith Busnes

Gall astudio gradd yn y Gyfraith arwain at amrywiaeth o yrfaoedd. Ein nod ni yw arfogi myfyrwyr â’r sgiliau amrywiol i wella eu rhagolygon i raddedigion. Mae ein graddedigion yn dod o hyd i swyddi mewn amrywiaeth eang o yrfaoedd, gan gynnwys y canlynol:

  • Bargyfreithiwr, gwas sifil, darlithydd, gweithredwr cyfreithiol, swyddog llywodraeth leol, gweithiwr paragyfreithiol, heddwas, swyddog carcharorion, brocer stoc neu swyddog safonau masnach.
Ymgeisio

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur

Cynigion wedi'u gwarantu*

Ymwadiad Rhaglen

Cyfraith Busnes

Cyfraith Busnes