Y Gyfraith ar Waith gyda Throseddeg, LLB (Anrh)

Ein cynnig safonol ar gyfer ein rhaglenni yn y Gyfraith yw 3 Chymhwyster Safon Uwch yn amrywio o raddau AAB i BBB neu gyfwerth. Gweler hefyd ein gofynion mynediad amgen am ragor o wybodaeth am gymwysterau fel Bagloriaeth Sgiliau Cymru Uwch a Chymhwyster y Prosiect Estynedig, yn ogystal â chyfrifo eich pwyntiau Tariff UCAS. Ar gyfer ymgeiswyr nad Saesneg yw eu hiaith gyntaf, mae angen sgôr IELTS o 6.0 ar y cyfan (gydag isafswm o 5.5. ym mhob cydran) neu brawf Saesneg cyfwerth).

Er mwyn ymgymryd ag elfen yr interniaeth yn y rhaglen hon, bydd gofyn i fyfyrwyr ennill cyfartaledd cyffredinol o 57% neu fwy ym Mlwyddyn 2, dangos tystiolaeth o bresenoldeb ac ymgysylltiad boddhaol â'u hastudiaethau, a phasio'r modiwl Sgiliau Cyflogadwyedd (LA-N150), a fydd yn baratoad gorfodol ar gyfer yr interniaeth.

Yn ogystal â hyn, bydd darparwyr lleoliadau gwaith yn disgwyl i fyfyrwyr gyflwyno cais am swyddi drwy CV, llythyr eglurhaol a ffurflen gais, a fydd yn cael ei ddilyn gan broses gyfweld.

Er mwyn pasio blwyddyn y lleoliad gwaith, rhaid i fyfyrwyr basio'r modiwl interniaeth (LA-S000) gyda marc cyffredinol o 40% neu uwch a bodloni'r nifer angenrheidiol o wythnosau mewn cyflogaeth (o leiaf 40 o wythnosau amser llawn (o leiaf 30 awr). Bydd myfyrwyr yn cael un ymgais i ailsefyll er mwyn gwneud yn iawn am fethu ar draws unrhyw/pob elfen o waith cwrs. Bydd methu bodloni'r gofynion hyn yn gyfystyr â methu blwyddyn y lleoliad gwaith a bydd myfyrwyr yn dychwelyd i'r rhaglen sy'n para tair blynedd heb leoliad gwaith sy'n cyfateb i'w rhaglen. 

Ein nod yw darparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i ddiwallu anghenion penodol eich cwrs.

Yn ystod eich gradd, cewch eich addysgu drwy ddarlithoedd, seminarau a gweithdai, sy'n cael eu cynnal wyneb yn wyneb, gan alluogi gweithio mewn grŵp a chyflwyniadau. Cynhelir darlithoedd mewn sesiynau grŵp mwy, mewn darlithfa. Mae cynnwys y cwrs yn cael ei archwilio'n fanylach mewn seminarau i grwpiau bach, gan alluogi trafodaeth bellach â'ch cyfoedion.

Mae recordiadau o ddarlithoedd ar gael ar gyfer bron pob modiwl, sy'n eich galluogi i ailedrych ar ddeunydd i adolygu ar gyfer asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n galluogi rhagor o hyblygrwydd wrth astudio.

Mae'r dulliau asesu yn y rhaglen hon yn cynnwys traethodau ac arholiadau traddodiadol, ond maent hefyd yn cynnwys dulliau eraill gan gynnwys arholiadau amlddewis, ymarferion myfyriol a chyflwyniadau.

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Os byddwch yn astudio o leiaf 40 credyd yn Gymraeg ac mae'r cwrs wedi'i restru fel cwrs cymwys ar y dudalen we, gallwch gyflwyno cais am Ysgoloriaeth Academi Hywel Teifi (£300 am flwyddyn), neu Ysgoloriaeth Cymhelliant y Coleg Cymraeg (£500 y flwyddyn am 3 blynedd).

Arbenigwyr sy’n addysgu eich graddau yn y Gyfraith, y mae rhai ohonynt yn ymarferwyr cyfreithiol profiadol ac y mae ganddynt oll gyfoeth o wybodaeth gyfreithiol i’w throsglwyddo i’n myfyrwyr.

Gallwch chi gael gwybod mwy am ein harbenigedd academaidd ar ein tudalennau staff.

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth Academaidd yn Ysgol y Gyfraith

Caiff Tiwtor Personol ei neilltuo i bob myfyriwr er mwyn helpu â'r canlynol:

• Arweiniad academaidd
• Cynllunio datblygiad personol
• Arweiniad ynghylch dod o hyd i gymorth gyda materion personol (sy'n effeithio ar eich lles, eich presenoldeb a'ch dilyniant drwy'r Brifysgol)

Ceir cynrychiolwyr myfyrwyr ym mhob blwyddyn o'n rhaglen y gyfraith yn ogystal â chynrychiolydd Ysgol ar gyfer myfyrwyr israddedig. Mae gan yr ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Cymdeithasau Myfyrwyr

Yn Abertawe, mae gennym ystod o gymdeithasau sy'n canolbwyntio ar y Gyfraith, sy'n cynnig cyfleoedd i chi gwrdd â chyd-fyfyrwyr a chymryd rhan mewn amrywiaeth o weithgareddau. Cynhelir y cymdeithasau hyn gan fyfyrwyr i fyfyrwyr ac maent yn cynnwys:

• Cymdeithas y Gyfraith
• Cymdeithas y Bar
• Cymdeithas Cyfraith Canada
• Cymdeithas Menywod yn y Gyfraith

Manylion cyswllt

Ymholi ynghylch materion israddedig

Dylai myfyrwyr rhyngwladol gysylltu â'n Tîm Rhyngwladol