Mae clirio yn agored i unrhyw un nad yw eisoes yn dal cynnig gan brifysgol neu goleg, ac mae lle ar y cyrsiau o hyd.
Mae'n rhedeg o'r 5ed o Orffennaf tan ganol mis Medi pan mae'r tymor yn dechrau.
Cofrestrwch i gadw mewn cysylltiad a chael y manylion diweddaraf
Cofrestrwch am ddiweddariadau Clirio
Mae nifer o resymau pam y gallwch chi ddewis mynd trwy glirio:
Beth bynnag yw'r rheswm, gall Clirio fod yn gyfle i sicrhau lle prifysgol sy'n hollol iawn i chi!
Gallwch wirio 'UCAS' i weld a ydych chi'n gymwys i Glirio.
Ni fydd UCAS yn anfon unrhyw beth yn y post i ddweud wrthych a ydych chi'n gymwys, felly mae'n bwysig eich bod chi'n gwirio ar-lein.
Os ydych chi'n gymwys ar gyfer Clirio bydd botwm 'Add Clearing choice' yn ymddangos ar eich sgrin 'Choices' yn UCAS, a gallwch ei ddefnyddio i dderbyn lle ar gwrs a gynigiwyd i chi trwy Glirio.
Mae clirio ar agor rhwng Gorffennaf a Medi. Dyma'r dyddiadau allweddol:
30 Mehefin - Dyddiad cau ceisiadau cyffredinol
5 Gorffennaf - Lleoedd Clirio yn mynd yn fyw
17 Awst - Diwrnod canlyniadau Safon Uwch: ffoniwch ni 0808 175 3071
Byddwch yn gymwys ar gyfer Clirio os:
Dilynwch y camau hyn a byddwch yn barod ar gyfer Clirio 2023.
Os ydych chi'n mynd trwy Clirio, peidiwch gofidio, bydd Abertawe yn rhoi cyfle i chi ac yn gweld beth yw'r opsiwn orau i chiLucy, sy'n astudio Geneteg Feddygol
Gall hyn ddibynnu ar bob sefydliad ond mae Clirio yn Abertawe yn gallu gorffen mor hwyr a mis Hydref os oes dal lle ar y cyrsiau.
Os na gawsoch chi na derbyn unrhyw gynigion, cysylltwch â'ch prifysgol o ddewis gan fod rhai yn cymryd ymgeiswyr hwyr.
Os ydych chi'n ansicr cysylltwch â Thîm Derbyn Prifysgol Abertawe i drafod eich opsiynau.
Cymerwch gip ar ein Canllaw Cyllid Clirio i gael gwybodaeth ar sut i sicrhau Cyllid Myfyrwyr.
Gall myfyrwyr sy'n gwneud cais yn ystod Clirio wneud cais am lety'r Brifysgol unwaith y byddant wedi cwblhau eu cais cwrs, gan ddefnyddio eu rhif adnabod UCAS. Os nad oes rhif adnabod UCAS gan y myfyriwr, gallant wneud cais unwaith y byddant wedi derbyn eu rhif myfyriwr gan y Brifysgol (byddwch yn derbyn y rhif ar ôl cyflwyno'ch cais cwrs). Gwnewch gais am lety cyn yr 8fed o Hydref i gael cynnig llety wedi ei warantu.
Dysgwch ragor am Lety i fyfyrwyr sy'n gwneud cais yn ystod Clirio.
Mae UCAS Extra yn wasanaeth am ddim sy'n caniatáu i chi barhau i wneud ceisiadau am gyrsiau addysgu uwch, hyd yn oed os ydych wedi defnyddio'ch pum dewis gwreiddiol eisoes, ar yr amod eich bod wedi gwneud cais drwy UCAS ac nad ydych yn dal unrhyw gynigion nac yn aros am benderfyniad ar unrhyw un o'ch pum cais gwreiddiol.
Gallwch wneud cais drwy UCAS Extra o 23 Chwefror tan 4 Gorffennaf eleni. Os nad ydych chi wedi cael unrhyw gynigion ar ôl y dyddiad hwn, byddwch yn dal i allu gwneud cais am le yn y brifysgol drwy'r system Glirio.
Cymerwch gip ar ein Canllaw i UCAS Extra i gael mwy o wybodaeth.
Os ydych chi am ddod i Brifysgol Abertawe ond eisoes yn dal lle mewn prifysgol arall, gallwch hunan-ryddhau eich hun i mewn i'r broses Clirio.
Darganfyddwch sut mae'n gweithio yn ein Canllaw Hunan-Ryddhau.
Mae ein campysau glan-môr godidog a chymuned cyfeillgar yn gwneud Abertawe yn lleoliad dymunol i fyfyrwyr o bob cwr o’r byd, sy’n galluogi’r bobl sy’n ymuno â ni i ddatblygu sgiliau a gwybodaeth sy’n eu paratoi ar gyfer gyrfaoedd llewyrchus a llwyddiannus.
Mae ein ffigurau’n siarad drostynt eu hunain, rydym yn 15fed yn y DU am foddhad â'r cwrs ac ar y brig yng Nghymru yn y Guardian University Guide 2023. Daethom ymysg yr 20 prifysgol orau yn y DU yn y StudentCrowd University Awards 2022.
Ond peidiwch â chymryd ein gair ni amdano, cymerwch gip ar pam mae Rinal, myfyriwr Osteopathi blwyddyn olaf yn meddwl bod ‘Abertawe yn lle gwych i astudio’, yn ei Chanllaw i Abertawe.
Edrychwch ar ein tudalen Cwestiynau Cyffredin i weld y wybodaeth ychwanegol rydym ni wedi ei gynnwys i ateb rhai o'r cwestiynau mae myfyrwyr yn aml yn gofyn yn ystod Clirio - o gwestiynau am fywyd myfyrwyr i sut mae'r broses Clirio'n gweithio.
