Ydych chi'n angerddol am adeiladu byd iachach a dylanwadu ar bolisi iechyd? Ydych chi eisiau gwella'ch sgiliau arwain, dylunio a darparu gofal cynhwysfawr i sicrhau newid cadarnhaol? Bydd rhaglenni MSc Hybu Iechyd a Rheoli Iechyd Cyhoeddus a Gofal Iechyd Prifysgol Abertawe yn rhoi sylfaen berffaith i chi lansio'ch gyrfa yn y sector iechyd cyhoeddus a gofal iechyd yn fyd-eang.
Os ydych chi'n gweithio mewn rôl reoli sy'n gysylltiedig ag iechyd ar hyn o bryd ac eisiau adeiladu ar eich profiad neu os ydych chi am ddatblygu eich diddordeb yn y maes hwn, bydd ein gradd meistr mewn Rheoli Gofal Iechyd gyda'i ystod eang o fodiwlau yn eich sbarduno i'ch gyrfa ddymunol. Yn yr un modd, p'un a ydych eisoes yn weithiwr proffesiynol sy'n gweithio, neu'n newydd i'r pwnc, mae ein MSc mewn Iechyd Cyhoeddus a Hybu Iechyd wedi'i gynllunio'n ofalus i hogi'ch sgiliau ymchwil a dadansoddi a gwella'ch gwybodaeth i hyrwyddo ac amddiffyn iechyd y cyhoedd fel y gallwch wneud gwahaniaeth gwirioneddol i iechyd bywydau pobl.
Mae nifer o'n graddedigion wedi mynd ymlaen i arwain gyrfaoedd llwyddiannus yn y sector gofal iechyd ac wedi cael effaith gadarnhaol ar fywydau pobl a'r gymuned. Dyma ychydig o'r gyrfaoedd hynny a rhai enghreifftiau o'r llwybrau y gallwch chi eu dilyn:
"Roeddwn i bob amser eisiau mynd i mewn i reolaeth a gweinyddu. Felly dyma'r cwrs perffaith i mi o ystyried fy mhrofiad gwaith blaenorol. Rwy’n gobeithio datblygu a mireinio fy sgiliau fel ymarferydd gofal iechyd a gallu trosglwyddo a defnyddio’r sgiliau yn gyffredinol. Rwyf hefyd wedi dechrau datblygu hoffter o ddadansoddi pob darn o waith rwy’n ei ddarllen."
Darganfod mwy am stori myfyriwr Toufeeq.
"Dewisais Brifysgol Abertawe oherwydd bod enw da iawn ganddi ym maes Meddygaeth ac Iechyd. Mae fy nghwrs yn unigryw ynddo'i hun oherwydd yn wahanol i gyrsiau Iechyd y Cyhoedd eraill, mae'n addysgu am hybu iechyd: sef dull ymarferol sy'n gallu bod yn ddechrau gwych ar gyfer fy ngyrfa! Yn olaf, mae'r cwrs hwn yn sicrhau achrediad gan y llywodraeth i fyfyrwyr sy'n llwyddo yn y cwrs...
Roeddwn i'n llawn cyffro i ddeall y maes iechyd penodol hwn, felly mae mynd i ryngweithio â'm hathrawon, sy'n brofiadol iawn ac yn rhannu eu gwybodaeth helaeth â ni, yn rhan o fy mreuddwyd. Rydw i'n byw fy mreuddwyd. Rydw i'n dwlu ar y darlithoedd a'r anecdotau maen nhw'n eu rhannu. Mae'r aseiniadau'n waith caled ond yn rhoi boddhad mawr i ehangu fy nealltwriaeth am y pwnc."
Darganfod mwy am stori myfyriwr Christy.
"Mae cyrsiau iechyd Abertawe'n cael eu hargymell yn fawr ac mae safleoedd da ganddynt mewn tablau cynghrair. Mae'r gwaith cwrs ar gyfer y rhaglen yn canolbwyntio ar agweddau damcaniaethol, sy'n wych ar gyfer ymchwil...
Mae'n rhoi rhyddid a hyblygrwydd imi gymhwyso disgyblaethau iechyd y cyhoedd i faterion rwy'n frwdfrydig amdanynt."
Darganfod mwy am stori myfyriwr Esther
Dewch i gwrdd â Madalina Pop, un sydd wedi graddio o gwrs MSc Abertawe, Iechyd Cyhoeddus a Hybu Iechyd, ac sydd bellach yn Gomisiynydd Iechyd Cyhoeddus ar gyfer Bwrdeistref Newham yn Llundain.
"Adeiladodd Prifysgol Abertawe ar fy sgiliau proffesiynol i ymladd ac amddiffyn iechyd y cyhoedd. Yma dysgais i fod hyd yn oed yn fwy angerddol am fy maes a gweld iechyd y cyhoedd fel ffordd o fyw i mi ac i'r cymunedau y byddaf yn eu helpu yn ystod fy ngyrfa. Byddwn wir yn annog myfyrwyr i gael profiad o astudio ym Mhrifysgol Abertawe. Mae'n gymysgedd perffaith rhwng amgylchedd cefnogol proffesiynol i'ch helpu chi i dyfu a chael hwyl bywyd myfyriwr. Fe wnes i gyfarfod â phobl wych ym Mhrifysgol Abertawe a fydd yn parhau i fod yn ffrindiau i mi am oes. "
