Trosolwg
Mae Kelly yn wyddonydd cymdeithasol ag arbenigedd ym meysydd cymdeithaseg, troseddeg, iechyd cyhoeddus a pholisi cymdeithasol. Mae ei hymchwil yn canolbwyntio ar yr hyn sy'n gweithio i ddatrys problemau cymdeithasol 'enbyd’, yn enwedig holl ffurfiau trais yn erbyn menywod, trais domestig a rhywiol. Mae gan Kelly arbenigedd ymchwil penodol ym maes datblygu a gwerthuso ymyriadau cymhleth aml-asiantaeth i atal trais, camdriniaeth a niwed, yn enwedig mewn perthynas â rôl iechyd wrth ymateb i drais a chamdriniaeth domestig. Mae hi hefyd wedi cynnal ymchwil gysylltiedig i dai/ddigartrefedd, addysg perthnasoedd a rhywioldeb a chamfanteisio'n rhywiol ar blant.
Mae Kelly yn ymchwilydd dulliau cymysg a chanddi brofiad sylweddol o greu ymchwil sydd wedi'i llywio gan leisiau'r rhai hynny â phrofiad o themâu ei hymchwil ac sy'n amlygu'r lleisiau hyn. Mae hi'n angerddol am gynnwys pobl ifanc a goroeswyr mewn ffordd ystyrlon, i gyfranogi a chreu ymchwil ar y cyd, a defnyddio methodolegau arloesol, creadigol a chyfranogol.