Niwed sy'n gysylltiedig â gamblo

Rydym yn nodi’r sawl sydd mewn perygl o gael eu niweidio gan gamblo

Y Cefndir

Mae gamblo mor hen ag amser (sy'n cael ei ddiffinio fel betio ar ganlyniad ansicr, am arian fel arfer). Er bod llawer o bobl yn mwynhau betio o bryd i'w gilydd ar y pêl-droed neu drip i'r casino heb brofi canlyniadau andwyol, mae eraill yn ei chael hi'n anodd rhoi terfyn ar eu gamblo.

Y Dull

Nod ein hymchwil yw nodi'r rhai a allai fod mewn risg o niwed sy'n ymwneud â gamblo, ymchwilio i ddulliau niwro-ymddygiadol sy'n sail i ddechrau a chynnal problemau gamblo, a cheisio canfod ffyrdd o ddatblygu dulliau arloesol o driniaeth glinigol.

Rydym yn mabwysiadu safbwynt trosi lle mae problemau gamblo neu nodweddion penodol gemau gamblo'n cael eu modelu'n arbrofol yn y labordy i gael safbwynt empirig ar ddulliau ymddygiad sylfaenol cyn ymestyn a chymhwyso yn y byd go iawn. Rydym:

Yn defnyddio gamblo a ysgogir gan gyfrifiadur, patrymau gwneud dewisiadau a phenderfyniadau gydag ystod o fesurau niwroddelweddu (e.e. fMRI, MRS) mewn pobl â phroblemau gamblo a hebddynt.
Cynnal arolygon a chyfweld â phobl sy'n delio â phroblemau gamblo a'u heffeithiau ar eraill i nodi mynychder neu hyd a lled y broblem gyda phoblogaethau penodol (e.e. cyn-filwyr a phersonél sy'n gwasanaethu ar hyn o bryd).
Archwilio'r ffordd orau i gefnogi a chynnal adferiad o'r broblem gamblo, er enghraifft drwy gymell ymataliad a chefnogaeth gan eraill.

Yr Effaith

Mae ein gwaith wedi cael ei ddefnyddio wrth roi tystiolaeth i bwyllgorau yn Nhŷ'r Cyffredin, Tŷ'r Arglwyddi a Senedd Cymru.
Mae ein gwaith a gynhaliwyd gan y Ganolfan gyntaf erioed sy'n cynnal Ymchwil i Gamblo Milwrol (MILGAM), megis yr Astudiaeth Iechyd a Gamblo ymysg Cyn-filwyr y DU, wedi'i gynnwys mewn trafodaethau ar Fil y Lluoedd Arfog, wedi'i gynnwys yn adroddiadau blynyddol Prif Swyddog Meddygol Cymru, Cyfamod Lluoedd Arfog Llywodraeth Cymru, ac mewn datganiadau gan Weinidog Iechyd Cymru.
Mae ein galwadau am glinigau gamblo a reolir gan y GIG yng Nghymru, a gyhoeddwyd yn The Lancet a Frontiers in Psychiatry, yn ein gosod ar flaen y gad gyda datblygiadau o ran sut bydd yr ardoll statudol arfaethedig ar y diwydiant gamblo'n cael dylanwad i ariannu ymchwil, gwaith atal a thriniaeth.
Rydym yn rhan o rwydwaith rhyngwladol o ymchwilwyr academaidd sy'n galw am ragor o fuddsoddiad mewn ymchwil i hysbysebu gamblo.
Rydym yn arwain ymchwil i ddefnyddio dulliau epidemioleg ddigidol megis Google Trends fel dangosyddion niwed ar lefel y boblogaeth.
Cafodd ein gwaith ei ariannu gan GambleAware, y Ganolfan Ryngwladol ar gyfer Gamblo Cyfrifol, Ymddiriedolaeth Forces in Mind, Cronfa Les y Llu Awyr Brenhinol, Ymchwil Iechyd a Gofal Cymru ac eraill.

Beth mae ein partneriaid yn ei ddweud

"RYDYM YN FALCH IAWN O FOD YN GWEITHIO MEWN PARTNERIAETH Â'R ATHRO DYMOND A PHRIFYSGOL ABERTAWE MEWN CYFRES O BROSIECTAU SY'N CEISIO DEALL EFFAITH GAMBLO PROBLEMATIG YN Y GYMUNED FILWROL. HYD YN HYN MAE BWLCH WEDI BOD YN EIN GWYBODAETH AM Y MATERION HYN AC MAE'R GWAITH SY'N CAEL EI WNEUD YN HELPU I LENWI'R BWLCH HWN, GAN HEFYD DROSI CANFYDDIADAU I DDATBLYGU YMYRIADAU NEWYDD I HELPU I FYND I'R AFAEL Â GAMBLO PROBLEMATIG."

YR ATHRO DOMINIC MURPHY, PENNAETH YMCHWIL, LLYWYDD CYMDEITHAS TRAWMA SEICOLEGOL Y DU

"MAE'R FORCES IN MIND TRUST YN FALCH O ALLU DYRANNU DAU DDYFARNIAD YMCHWIL I BRIFYSGOL ABERTAWE AR GYFER ASTUDIAETHAU O'R ENW, "GAMBLING BEHAVIOUR AMONG POST-NATIONAL SERVICE VETERANS: PRELIMINARY: EVIDENCE FROM THE 2007 ADULT PSYCHIATRIC MORBIDITY SURVEY, ENGLAND”, A “GAMBLING PARTICIPATION, FINANCIAL MANAGEMENT, AND HEALTHCARE COSTS”. BU'R CANLYNIADAU'N TYNNU SYLW AT NIFER FAWR YR ACHOSION O GAMBLO PROBLEMATIG YMHLITH SAMPL O GYN-FILWYR Y DU, A BU'N DANGOS BOD ANGEN GWNEUD MWY I HELPU CYN-FILWYR I GEISIO A CHAEL CYMORTH AR GYFER EU GAMBLO PROBLEMATIG. NODODD Y CANFYDDIADAU HEFYD PA GRWPIAU PENODOL O GYN-FILWYR SY'N FWY AGORED I DDATBLYGU GAMBLO PROBLEMATIG, GAN ARWAIN AT ARGYMHELLIAD I'R WEINYDDIAETH AMDDIFFYN I WEITHREDU SGRINIO RHEOLAIDD A CHYMORTH WEDI'I DARGEDU ER BUDD Y GRŴP HWN. DYMA'R UNION FATH O WAITH MAE FIMT YN DIBYNNU ARNO I HELPU I LYWIO EIN RHANDDEILIAID ALLWEDDOL, O'R WEINYDDIAETH AMDDIFFYN A'R SWYDDFA MATERION CYN-FILWYR I DDARPARWYR GWASANAETHAU, A LLUNWYR POLISI YN NHŶ'R ARGLWYDDI A THŶ'R CYFFREDIN."

KIRSTEEN WALLER, RHEOLWR RHAGLEN IECHYD – FORCES IN MIND TRUST

"ROEDDEM YN FALCH O WEITHIO GYDA PHRIFYSGOL ABERTAWE AR DDARN PWYSIG O YMCHWIL SY'N ARCHWILIO GAMBLO A LLES YN Y LLU AWYR BRENHINOL. HON OEDD YR ASTUDIAETH GYNTAF, A'R MWYAF, O'I BATH I BENNU AMLDER A DIFRIFOLDEB PROBLEMAU GAMBLO YNG NGHYMUNED LLUOEDD ARFOG Y DU. MAE WEDI RHOI TYSTIOLAETH I NI NAD OEDD WEDI BODOLI O'R BLAEN, AC MAE WEDI ARWAIN AT DDEALLTWRIAETH BWYSIG SYDD WEDI CYNYDDU YMWYBYDDIAETH, GAN GYNNWYS CYNNAL YMGYRCH GYDA'R LLU AWYR BRENHINOL".

ALISON WYMAN, Y LLU AWYR BRENHINOL