Beichiogrwydd Pobl Awtistig, Genedigaeth a'r Tu Hwnt

Rydym yn cefnogi beichiogrwydd, genedigaeth a'r tu hwnt i bobl awtistig

Beichiogrwydd pobl awtistig, genedigaeth a'r tu hwnt yr atebion i'ch cwestiynau - gwyliwch y fideos

Yr Her

Ar hyn o bryd, ychydig iawn o wybodaeth sydd ar gael am brofiadau pobl awtistig yn ystod beichiogrwydd, genedigaeth a'r cyfnod ôl-enedigol. Mae dealltwriaeth gyfyngedig hefyd ymhlith ymarferwyr gofal iechyd proffesiynol am anghenion pobl awtistig yn ystod y cyfnod mamolaeth. Mae'r anghenion hyn yn cynnwys sensitifrwydd synhwyraidd uwch, arddulliau cyfathrebu gwahanol a gwahaniaethau o ran interosepiad.

Mae “Beichiogrwydd Pobl Awtistig, Genedigaeth a’r Tu Hwnt: Atebion i’ch Cwestiynau " yn brosiect ar sail fideos sydd â'r nod o ledaenu gwybodaeth ac ymwybyddiaeth ynghylch profiadau pobl awtistig o feichiogrwydd.

Cafodd yr holl gynnwys ei gynllunio a'i greu gan bobl awtistig, gan gynnwys ymarferwyr mamolaeth proffesiynol a phrofiadau rhieni. Mae'n ceisio ateb cwestiynau - gan gynnwys y rhai nad oedd pobl yn gwybod eu bod ganddynt - ar gyfer rhieni awtistig a'r rhai sy'n eu cefnogi. Ein gobaith yw y bydd yr adnoddau'n rhoi i rieni awtistig yr wybodaeth y mae ei hangen arnynt, er enghraifft i'w helpu i wneud penderfyniadau gwybodus, ond hefyd i roi iddynt ymdeimlad nad ydynt ar eu pennau eu hunain yn eu profiadau.

Y Dull

Mae 15 maes pwnc yn cael eu trafod yn y pedair rhestr chwarae allweddol isod. Ceir cyfeiriadau at unrhyw adnoddau ychwanegol a grybwyllir yn y fideos yn y disgrifiadau o'r fideos ar YouTube. Ceir rhybuddion am gynnwys a sbardun hefyd lle bo'n berthnasol yn y disgrifiadau o'r fideos.

Roedd y prosiect yn gydweithrediad rhwng Prifysgol Abertawe, Autistic Parents UK (APUK) ac Autistic UK. Cafodd ei ariannu gan Gronfa Arloesi Ymchwil Cymru (rhan o Gyngor Cyllido Addysg Uwch Cymru). Bu Dr Aimee Grant yn cydweithredu ag Autistic UK ac Autistic Parents UK i ofyn pa gwestiynau a oedd gan rieni awtistig yn ystod beichiogrwydd. Yn ystod 2022, cynhaliwyd cyfarfodydd gyda sefydliadau cydweithredol i drafod pynciau pwysig i ymdrin â nhw, pa ymarferwyr proffesiynol ddylai ymdrin â'r pynciau hyn a'r pwyntiau allweddol i'w cynnwys ym mhob fideo.

Cafodd y fideos eu recordio gan rieni awtistig ac ymarferwyr proffesiynol awtistig a'u coladu gan ymchwilwyr ym Mhrifysgol Abertawe. Yna cafodd y fideos eu golygu, gosodwyd is-deitlau arnynt a chawsant eu lanlwytho i sianel YouTube y prosiect mewn rhestrau chwarae.

Yr Effaith

Cafodd 114 o fideos eu lanlwytho i YouTube, yn amrywio o ran hyd o ddwy funud i dros 10 munud, gan ymdrin â phynciau megis: apwyntiadau, cyfathrebu â theulu, cymheiriaid ac eraill, profiadau o boen a chyrff yn newid, amgylcheddau genedigaeth, methu ymdopi a bwydo ar y fron. Mae tua hanner ohonynt gan ymarferwyr proffesiynol awtistig ym maes mamolaeth, gan y Grŵp Ymchwil Mamolaeth ac Awtistiaeth (MARG) ac Autistic Doctors International yn ogystal ag APUK. Mae'r ymarferwyr proffesiynol a gyfrannodd yn cynnwys bydwragedd, athrawon cynenedigol, anesthetydd, gweithiwr cymorth mamolaeth, cynghorydd llaetha a gweithiwr cymdeithasol. Er bod yr holl ymarferwyr proffesiynol yn hanu o'r DU, bydd llawer o'r cyngor yn berthnasol i gynulleidfaoedd rhyngwladol.

Mae'r holl gynnwys ar gael yn Saesneg gydag isdeitlau Saesneg ar ein sianel YouTube: @AutismMenstruationToMenopause

Mae'r fideos hefyd ar gael gydag isdeitlau Cymraeg ar ein sianel Cymraeg ar YouTube: @AwtistiaethM2M

Dr Aimee Grant

Cwrdd â'r Arweinydd Ymchwil

Partner ymchwil

Autistic UK

Cydwaithrediad Ymchwil

Autistic Parents UK

'How can we improve healthcare for autistic people?'

Archwilio Problemau Byd-eang

Rhagor o wybodaeth am yr ymchwil hon ac erthyglau eraill gan yr Dr Aimee Grant

Academic papers:

Grant, A, Williams, G, Williams, K and Woods, R. (2023). Unmet need, epistemic injustice and early death: how social policy for Autistic adults in England and Wales fails to slay Beveridge’s five giants. Social Policy Review 35 – freely available: https://bristoluniversitypressdigital.com/display/book/9781447369219/9781447369219.xml
Ellis, R. (…) Grant, A. (2023) A realist review of health passports for Autistic adults. Plos ONE. https://doi.org/10.1371/journal.pone.0279214
Grant, A. et al. (2022). Autistic Women’s views and experiences of infant feeding: A systematic review of qualitative evidence. Autism.

Recent blogs/conversation articles:

Grant, A. (2023). The differences autistic people may experience when breastfeeding. UNICEF Baby Friendly
Ellis, R. and Grant, A. (2023). No evidence to say whether autism health passports are effective – new research. The Conversation
Grant, A. (2023). Supporting Autistic people during pregnancy: five things that can make a real difference. Maternity and Midwifery Forum.
Grant, A. (2023). Autistic people told me they had questions about pregnancy, birth and beyond, so we answered them! Autistic Parents UK
Grant, A. and Williams, K (2023). “Dehumanising policies” leave autistic people struggling to access health, education and housing – new review. The Conversation
Grant, A. (2023). Autistic-led research: how to understand Autistic parents’ needs. Maternity and Autism Research Group.
Grant, A. et al. (2022) Autistic women’s views and experiences of infant feeding: A systematic review of qualitative evidence. Autism. DOI: 10.1177/13623613221089374
Grant, A. (2022). Six ways health professionals and peer supporters can help Autistic women meet their breastfeeding goals. Breastfeeding Network News.
Grant, A. (2022). Q&A: Autistic mothers experience ‘exacerbated’ breastfeeding challenges. Healio.
Grant, A. and Williams, K. (2022). Autistic Mothers’ experiences of breast- and formula- feeding babies: what does the evidence say? Autistic UK blog.